ബ്ലാക്ക്ഹെഡ്സ് നീക്കാൻ:
ബ്ലാക്ക്ഹെഡ്സ് വരാതിരിക്കാനും നിലവിലുള്ള ബ്ലാക്ക്ഹെഡ്സ് ഇല്ലാതാക്കാനും സ്വാഭാവികമായ ചില വഴികളുണ്ട്. അവ തുടര്ച്ചയായി ചെയ്താല് ഈ പ്രശ്നത്തെ മറികടക്കാം.
ആവശ്യമായ സാധനങ്ങള്:
ഒരു കോഴിമുട്ടയുടെ വെള്ള
2 ടീ സ്പൂണ് നാരങ്ങ നീര്
ഫേഷ്യല് ടിഷ്യൂ
ചെയ്യേണ്ട വിധം: കോഴിമുട്ട വെള്ളയില് നാരങ്ങാ നീര് കലര്ത്തി നന്നായി യോജിപ്പിച്ച് മുഖം വൃത്തിയായി കഴുകി തുടച്ച ശേഷം ഈ മാസ്ക് മുഖത്ത് പുരട്ടണം. ഇതിന് മുകളില് ടിഷ്യൂ പതിച്ചു കൊടുക്കാം. ഇത് വിരലുകള് ഉപയോഗിച്ച് നന്നായി പതിച്ചു കൊടുക്കണം. ആദ്യ ലെയര് ഉണങ്ങിയ ശേഷം വീണ്ടും മുട്ട വെള്ളയും നാരങ്ങാ നീരും ചേര്ന്ന മിശ്രിതം ഇതിനു മുകളില് പുരട്ടുക. രണ്ടാമത്തെ ലെയര് ഉണങ്ങിയ ശേഷം വീണ്ടും ഒരു ലെയര് കൂടി അപ്ലൈ ചെയ്യാം. ഇത് നിര്ബന്ധമില്ല. 15 മിനിറ്റ് കഴിഞ്ഞ ശേഷം ഇത് നന്നായി ഉണങ്ങി നിങ്ങളുടെ ചര്മത്തിലേയ്ക്ക് പതിഞ്ഞു നില്ക്കും. ഈ സമയത്ത് മുഖത്ത് പതിച്ച ടിഷ്യൂ അടര്ത്തിയെടുക്കാം. ശേഷം തണുത്ത വെള്ളത്തില് മുഖം നന്നായി കഴുകി തുടയ്ക്കണം. നല്ല ഒരു മോയിസ്ച്ചറൈസര് കൂടി അപ്ലൈ ചെയ്തോളൂ. വീട്ടില് കറ്റാര് വാഴയുണ്ടെങ്കില് അതിന്റെ ജെല് എടുത്ത് മുഖത്ത് പുരട്ടുന്നത് ഏറെ ഗുണം ചെയ്യും.
ചര്മ സുഷിരങ്ങള് വൃത്തിയാക്കാം:
അന്തരീക്ഷത്തിലെ പൊടിപടലങ്ങള്, എണ്ണമയം, നിര്ജീവ കോശങ്ങളുടെ അംശം തുടങ്ങിയവയെല്ലാം അടിഞ്ഞുകൂടി മുഖ സുഷിരങ്ങള് അടഞ്ഞു പോകുന്നത് സ്വാഭാവികമാണ്. ഇങ്ങനെ അടിഞ്ഞുകൂടുന്ന അഴുക്കുകള് നീക്കം ചെയ്യാതെ വരുമ്പോഴാണ് മുഖത്ത് കുരുക്കളും പാടുകളും രൂപം കൊള്ളുന്നത്.
ആവശ്യമുള്ളവ:
2 ടീ സ്പൂണ് തൈര്
2 ടീസ്പൂണ് ഓട്സ്
ചെയ്യേണ്ട വിധം: ആദ്യമായി നിങ്ങളുടെ മുഖം വൃത്തിയായി കഴുകി തുടയ്ക്കണം. ഒട്സും തൈരും നന്നായി ചേര്ത്ത് ഇളക്കണം. ഈ മിശ്രിതം മുഖത്ത് പുരട്ടി 10 മിനിറ്റ് നേരം നന്നായി മസാജ് ചെയ്യണം. 15 മിനിറ്റ് കഴിഞ്ഞ ശേഷം ഇത് തണുത്ത വെള്ളത്തില് കഴുകി കളയാം. ചര്മ സുഷിരങ്ങള് ഏറ്റവും മികച്ച രീതിയില് വൃത്തിയാക്കാന് ഓട്സ് സഹായിക്കും. ചര്മത്തിലെ അമിതമായ എണ്ണമയം വലിച്ചെടുക്കാനും ഇതിനു കഴിവുണ്ട്. ഒട്സിനോപ്പം തൈര് കൂടി ചേരുമ്പോള് ചര്മത്തിലെ നിര്ജീവ കോശങ്ങളെ പൂര്ണമായും നീക്കം ചെയ്യാന് സാധിക്കും. ആഴ്ചയില് ഒന്നോ രണ്ടോ തവണയെങ്കിലും ഈ മിശ്രിതം ഉപയോഗിക്കുന്നത് നല്ലതാണ്.
തിളക്കമുള്ള ചര്മത്തിന്:
നല്ല തിളക്കമുള്ള ചര്മം ലഭിക്കാന് വീട്ടില് തന്നെ ചെയ്യാവുന്ന ഈ രീതി ഒന്ന് പരീക്ഷിച്ചു നോക്കൂ... ഫലം ഉറപ്പ്.
ചേരുവകള്:
രണ്ടു ടീ സ്പൂണ് ഓറഞ്ച് തൊലി പൊടിച്ചത്
രണ്ടു ടീസ്പൂണ് തൈര്
തയ്യാറാക്കേണ്ട വിധം: തൈരും ഓറഞ്ച് തൊലി പൊടിച്ചതും ചേര്ത്തിളക്കി 10 മിനിറ്റ് മാറ്റി വെയ്ക്കുക. ഇവ നന്നായി യോജിച്ച് ഓറഞ്ച് തൊലിയുടെ ഗുണങ്ങള് ഇതിലേയ്ക്ക് കലരുന്നതിനു വേണ്ടിയാണ് അല്പ സമയം മാറ്റി വെയ്ക്കുന്നത്. ഉണങ്ങിയ പൊടി കുതിര്ന്ന ശേഷമാണ് ഗുണം ലഭിക്കുക. ഇനി മുഖം നന്നായി കഴുകി വൃത്തിയാക്കിയ ശേഷം ഈ മാസ്ക് മുഖത്ത് പുരട്ടാം. മസാജ് ചെയ്ത് വേണം പുരട്ടാന്. 15 മിനിറ്റിനു ശേഷം ഇത് കഴുകി കളഞ്ഞ് ഗുണനിലവാരമുള്ള മോയിസ്ച്ചറൈസര് ഉപയോഗിക്കാം.മുഖത്തെ പാടുകള് നീക്കം ചെയ്ത് തിളക്കമുള്ളതാക്കാന് ഇത് വളരെയധികം സഹായിക്കും. ഇത് കൈകാലുകളില് ഉപയോഗിക്കുന്നത് സൂര്യപ്രകാശം തട്ടിയത് മൂലമുള്ള ടാന് നീക്കം ചെയ്യാന് നല്ലതാണ്. ഓറഞ്ച് തൊലിയില് ധാരാളം വിറ്റാമിന് സി അടങ്ങിയിരിക്കുന്നതിനാല് ഇത് കരുവാളിപ്പ് മാറ്റി തിളക്കമുള്ള ചര്മം നല്കും.
Also read: ചുണ്ടുകളും കവിളുകളും കൂടുതൽ ഭംഗിയാക്കാൻ ബീറ്റ്റൂട്ട് ഇങ്ങനെ ഉപയോഗിച്ചോളൂ
ചുളിവുകൾ ഇല്ലാത്ത ചർമ്മത്തിന്
ചർമ്മത്തിലെ ചുളിവുകള് ഇല്ലാതാക്കാന് ഒരു സ്വാഭാവിക പരിഹാരമുണ്ട്. അത് ഒന്നിടവിട്ട ദിവസങ്ങളില് ചെയ്തു തുടങ്ങിയാല് ചര്മത്തില് സംഭവിക്കുന്ന വ്യത്യാസം മനസിലാക്കാം.
ആവശ്യമുള്ളത്:
ഒരു ടീസ്പൂണ് കാപ്പി പൊടി
ഒരു ടീസ്പൂണ് തേന്
ചെയ്യേണ്ട വിധം: കാപ്പിപ്പൊടി തേനില് കലര്ത്തി മുഖത്തും കഴുത്തിലും നന്നായി മസാജ് ചെയ്യാം. ശേഷം 15 മിനിറ്റ് നേരം ഉണങ്ങാന് അനുവദിക്കണം. ഉണങ്ങി കഴിഞ്ഞാല് തണുത്ത വെള്ളത്തില് കഴുകാം. കാപ്പി പൊടിയുടെ തരികള് മുഖത്തെ സുഷിരങ്ങളില് നില്ക്കാതിരിക്കാന് നനഞ്ഞ ടിഷ്യൂ ഉപയോഗിച്ച് തുടച്ചെടുക്കാം. ഇങ്ങനെ ചെയ്യുമ്പോള് തിളക്കമുള്ള, ചുളിവുകള് വീഴാത്ത സുന്ദരമായ ചര്മം നിങ്ങള്ക്ക് ലഭിക്കും. കാപ്പി പൊടിയില് ധാരാളം ആന്റി ഒക്സിടന്റുകള് അടങ്ങിയതിനാല് അത് ചര്മത്തിലെ ഫ്രീ റാഡിക്കലുകളുടെ നാശത്തെ തടയുന്നു. തേന് നല്ലൊരു മോയിസ്ച്ചറൈസറിന്റെ ഗുണം നല്കുകയും ചെയ്യും.
ചർമ്മം കൂടുതൽ ചെറുപ്പമാകാൻ
നിങ്ങള് ഏത് പ്രായത്തിലും അതി സുന്ദരിയായി ഇരിക്കാന് ആഗ്രഹിക്കുന്നുവെങ്കില് ഈ പായ്ക്ക് നിങ്ങള് ഉപയോഗിക്കണം. പ്രായക്കൂടുതല് ആദ്യം പ്രകടമാകുന്നത് കണ്ണിനും ചുണ്ടിനും ചുറ്റുമുള്ള ചുളിവുകളും കറുത്ത പാടുകളുമായാണ്. ഈ ഭാഗങ്ങളില് പ്രത്യേക ശ്രദ്ധ നല്കിക്കൊണ്ടാവനം ഈ ഫേസ് മാസ്ക് ഉപയോഗിക്കേണ്ടത്.
ആവശ്യമുള്ളത്:
2 ടീ സ്പൂണ് കറ്റാര് വാഴ ജെല്
ഒരു ടീസ്പൂണ് മുട്ട വെള്ള’
ചെയ്യേണ്ട വിധം: കറ്റാര് വാഴയുടെ ഒരു തണ്ട് എടുത്ത് അതില് നിന്ന് ശുദ്ധമായ ജെല് വേര്തിരിച്ച് എടുക്കുക, ഇത് മുട്ട വെള്ളയുമായി യോജിപ്പിച്ച് ഫേസ് മാസ്ക് തയ്യാറാക്കാം. മുഖവും കഴുത്തും വൃത്തിയാക്കിയ ശേഷം ഈ മാസ്ക് മുഖത്ത് പുരട്ടാം. അല്പ സമയത്തിന് ശേഷം ഈ മാസ്ക് നിങ്ങളുടെ ചര്മത്തില് ഉണങ്ങിയ ശേഷം ഇത് തണുത്ത വെള്ളത്തില് കഴുകി കളയാം.
ചര്മത്തിന്റെ ഇലാസ്തികത നിലനിര്ത്താന് കറ്റാര് വാഴ സഹായിക്കുന്നു, അതോടൊപ്പം പ്രായക്കൂടുതലിന്റെ ലക്ഷണങ്ങളായ ചുളിവുകളും പാടുകളും നീക്കം ചെയ്യുകയും ചെയ്യുന്നു. മുട്ട വെള്ള ചര്മത്തില് ഉപയോഗിക്കുന്നത് ചര്മത്തിന് യുവത്വം നല്കാന് സഹായിക്കുന്നു. അതിനാല് ഇവ രണ്ടും ചേര്ന്ന മിശ്രിതം ആഴ്ചയില് രണ്ടോ മൂന്നോ തവണയെങ്കിലും ഉപയോഗിക്കാന് ശ്രമിക്കുക.
Also read: കഴുത്തിലെ കറുപ്പിന് പുളി ബ്ലീച്ച്
ആരോഗ്യമുള്ള ചർമ്മത്തിന്:
ചര്മം മനോഹരമയിരിക്കാന് സൗന്ദര്യം വേണം, എന്നാല് ഈ സൗന്ദര്യത്തിന് പിന്നില് മറ്റൊന്ന് നിര്ബന്ധമായും വേണം, ആരോഗ്യം. ആരോഗ്യമുള്ള ചര്മം മാത്രമേ ആകര്ഷകമായി തോന്നൂ. എങ്ങനെയാണ് ചര്മത്തിന് ആരോഗ്യം ലഭിക്കുക? ഇതാ ഒരു പരിഹാരം.
ആവശ്യമുള്ളവ:
ഒരു ടേബിള് സ്പൂണ് വെളിച്ചെണ്ണ
കാല് ടേബിള് സ്പൂണ് മഞ്ഞള്
തയ്യാറാക്കേണ്ടത് ഇങ്ങനെ: ആരോഗ്യത്തിനും സൗന്ദര്യത്തിനും ഒരുപോലെ ഗുണം ചെയ്യുന്നതാണ് മഞ്ഞള്. ധാരാളം ആന്റി ഒക്സിടന്റുകള് മഞ്ഞളിലുണ്ട്. വിറ്റാമിന് ഇ യുടെ കലവറയാണ് വെളിച്ചെണ്ണ. ഈ ചേരുവകള് യോജിപ്പിച്ച് ചര്മത്തില് പുരട്ടുന്നത് ആരോഗ്യകരമായ ചര്മം നല്കും. 20 മിനിറ്റിനു ശേഷം ഇത് തണുത്ത വെള്ളത്തില് കഴുകി വൃത്തിയാക്കാം. ഇത് പതിവായി ഉപയോഗിച്ചാല് ചര്മത്തിന് ആരോഗ്യകരമായ മൃദുത്വം വരുന്നത് നിങ്ങള്ക്ക് അനുഭവപ്പെടും.