ക്യാരറ്റ്
കണ്ണിന്റെ ആരോഗ്യത്തിന് മാത്രമല്ല, നമ്മളുടെ സ്‌കാള്‍പ്പ് നല്ലപോലെ നൗറിഷ് ചെയ്യുന്നതിനും ഇത് സഹായിക്കുന്നുണ്ട്. ക്യാരറ്റ് നമ്മളുടെ ആഹാരത്തില്‍ ഉള്‍പ്പെടുത്തിയാല്‍ ഇത് മുടിയെ വേരില്‍ നിന്നും ബലം ഉള്ളതാക്കുകയും അതുപോലെ, ബീറ്റ കരോറ്റിന്‍ ഗുണം നല്‍കുകയും ചെയ്യുന്നു. ഇത് വിറ്റമിന്‍ എ ഗുണം നല്‍കുന്നതിനാല്‍ സ്‌കാള്‍പ്പില്‍ ഓയില്‍ നിലനിര്‍ത്തുന്നതിനും ഇത് മുടി കൊഴിയാതിരിക്കാനും നല്ലപോലെ വളരുന്നതിന് സഹായിക്കുകയും ചെയ്യുന്നു. അതുപോലെ, മുടിയിഴകളിലേയ്ക്കുള്ള രക്തോട്ടം നല്ലപോലെ കൂട്ടുകയും ചെയ്യുന്നു. ഇതെല്ലാം മുടിയുടെ ആരോഗ്യത്തിന് വളരെയധികം സഹായകമാണ്.
സിലിക അടങ്ങിയ ആഹാരങ്ങള്‍
നമ്മളുടെ രക്തധമനികളെയെല്ലാം ബലപ്പെടുത്താന്‍ സിലിക അടങ്ങിയ ആഹാരങ്ങള്‍ കഴിക്കുന്നതിലൂടെ സാധിക്കും. ഇത് നമ്മളുടെ തലയിലേയ്ക്കുള്ള രക്തോട്ടം കൂട്ടുന്നു. ഇത് മുടിയുടെ വളര്‍ച്ചയ്ക്കും ആരോഗ്യത്തിനും ധാരാളം ഗുണം ചെയ്യുന്നുണ്ട്. അതിനാല്‍ ധാരാളം മിനറല്‍സ് അടങ്ങിയ ആഹാരം കഴിക്കാന്‍ ശ്രദ്ധിക്കാവുന്നതാണ്. പ്രത്യേകിച്ച് ഉരുളക്കിഴങ്ങ്, കാപ്‌സിക്കം, വെള്ളരിക, മുളപ്പിച്ച ബീന്‍സ് എന്നിവയെല്ലാം കഴിക്കാവുന്നതാണ്.
ചീര
മുടിയുടെ ആരോഗ്യത്തിന് ഏറ്റവും നല്ല ഭക്ഷണങ്ങളില്‍ ഒന്നാണ് ചീര. ഇതില്‍ ബീറ്റ കരോറ്റിന്‍ അടങ്ങിയിരിക്കുന്നു. അതുപോലെ, ഫോളിക് ആസിഡ്, വിറ്റമിന്‍ ബി, സി, ഇ എന്നിവയും അടങ്ങിയിരിക്കുന്നു. കൂടാതെ, ഇതില്‍ ഒമേഗ- 3 ഫാറ്റി അസിഡ്, അയേണ്‍, കാല്‍സ്യം, മഗ്നീഷ്യം, പൊട്ടാസ്യം എന്നിവയും അടങ്ങിയിരിക്കുന്നു. ഇവ മുടിയുടെ ആരോഗ്യം നിലനിര്‍ത്തുന്നതിനും മുടി നല്ല കരുത്തോടെ വളരുന്നതിനും വളരെയധികം സഹായിക്കുന്നുണ്ട്.
മീന്‍
മുടിയുടെ വളര്‍ച്ചയ്ക്കും ആരോഗ്യത്തിനും പ്രോട്ടീന്‍ അനിവാര്യമാണ്. മീന്‍ കഴിച്ചാല്‍ നമ്മളുടെ ശരീരത്തില്‍ ടെസ്‌റ്റോസ്‌റ്റെറോണ്‍ കൂടാതെ തന്നെ പ്രോട്ടീന്‍ എത്തുന്നതിന് സഹായിക്കുന്നുണ്ട്. നമ്മള്‍ റെഡ് മീറ്റ് കഴിക്കുകയാണെങ്കില്‍ അതില്‍ പ്രോട്ടീന്‍ കൂടുതലാണെങ്കിലും നമ്മളുടെ ശരീരത്തില്‍ ടെസ്‌റ്റോസ്‌റ്റെറോണ്‍ ഫാറ്റ് കൂടുന്നതിന് കാരണമാകുന്നു. ഇത് മുടി കൊഴിച്ചിലിനും കാരണമാകുന്നുണ്ട്. അതിനാല്‍, മീന്‍ കഴിക്കാവുന്നതാണ്.
വാള്‍നട്ട്
വാള്‍നട്ടില്‍ പ്രോട്ടീനും ഒമേഗ-3 ഫാറ്റി ആസിഡ്, സിങ്ക്, വിറ്റമിന്‍ ബി1, ബി6, ബി9, അയേണ്‍ എന്നിവയും അടങ്ങിയിരിക്കുന്നു. ഇവയെല്ലാം തന്നെ മുടി കൊഴിച്ചില്‍ തടയുന്നതിന് വളരെയധികം സഹായിക്കുന്നവയാണ്. എന്നാല്‍ ശരീരത്തില്‍ സെലേനിയത്തിന്റെ അളവ് അമിതമായിട്ടുള്ളവര്‍ വാള്‍നട്ട് ഉപയോഗിക്കാതിരിക്കുന്നതാണ് നല്ലത്. ഇവരില്‍ ഇത് വിപരീത ഫലമായിരിക്കും സൃഷ്ടിക്കുക. അതുപോലെ, മിതമായ അളവില്‍ ദിവസേന വാള്‍നട്ട് കഴിക്കുന്നത് ഇത്തരം പ്രശ്‌നം ഇല്ലാത്തവര്‍ക്ക് നല്ലതാണ്.
മുട്ട
മുട്ട സ്ഥിരമായി കഴിക്കുന്നവരില്‍ മുടികൊഴിച്ചില്‍ കുറവായിരിക്കും. മുട്ടയില്‍ ധാരാളം പോഷകങ്ങള്‍ അടങ്ങിയിരിക്കുന്നു. ഇതില്‍ ഒമേഗ-6 ഫാറ്റി ആസിഡ്, അയേണ്‍, സിങ്ക്, പ്രോട്ടീന്‍, വിറ്റമിന്‍ ബി12 എന്നിവ അടങഅങിയിരിക്കുന്നു. നിങ്ങള്‍ക്ക് പോഷകക്കുറവ് ഉണ്ടെങ്കില്‍ ദിവസേന മുട്ട കഴിച്ച് ഇത് പരിഹരിക്കാവുന്നതാണ്. മുട്ടയിലെ ഈ പോഷകങ്ങള്‍ മുടിയുടെ ആരോഗ്യത്തിന് വളരെയധികം സഹായിക്കുന്നുണ്ട്.