നിങ്ങൾക്ക് വരണ്ട ചർമ്മമുണ്ടോ? നിങ്ങളുടെ ചർമ്മം പൊളിഞ്ഞിളകുന്നത് പോലെ അനുഭവപ്പെടുന്നുണ്ടോ? വരണ്ട ചർമ്മമുള്ള ഒരാൾക്ക്, തണുപ്പുള്ള ദിവസങ്ങളിൽ ഈ പ്രശ്നം കൂടുതൽ മോശമാകും. വരണ്ട ചർമ്മ പ്രകൃതം ഉള്ളവരുടെ പുറംതൊലി പൊളിഞ്ഞിളകി വരുന്നത് കൊണ്ട്, അൽപ്പം കൂടുതൽ ശ്രദ്ധ ഈ സമയത്ത് ചർമ്മത്തിന് ആവശ്യമാണ്. ചർമ്മത്തിലെ ഈർപ്പം കുറവായതിനാലാണ് ഇത് സാധാരണയായി സംഭവിക്കുന്നത്. ഈ ദിവസങ്ങളിൽ അന്തരീക്ഷവും വരണ്ടതായതിനാൽ, ഇത് ചർമ്മത്തിന്റെ മുകളിലെ പാളിയിൽ നിന്ന് ഈർപ്പം നഷ്ടപ്പെടാൻ ഇടയാക്കുന്നു. അത് ചർമ്മത്തെ വരണ്ട അവസ്ഥയിലേക്കും നയിക്കുന്നു.
മേൽപ്പറഞ്ഞ കാര്യങ്ങൾ കൊണ്ടുതന്നെ, വരണ്ട ചർമ്മക്കാർ കൂടുതൽ ശ്രദ്ധിക്കേണ്ടതുണ്ട്. നിങ്ങൾ ഇനി പറയുന്ന ചില കാര്യങ്ങൾ നിർബന്ധമായും ഒഴിവാക്കേണ്ടതുണ്ട്.
ഒരുപാട് തവണ ക്ലെൻസ് ചെയ്യുന്നത്
അതെ, ഏത് ചർമ്മ സംരക്ഷണ ദിനചര്യയിലും ശുദ്ധീകരണം പ്രധാനമാണ്, പക്ഷേ ഇത് അമിതമാകുമ്പോൾ വരണ്ട ചർമ്മത്തിന് കാരണമാകും, പ്രത്യേകിച്ച് വരണ്ട ചർമ്മമുള്ള ഒരാൾക്ക്. വരണ്ട ചർമ്മത്തിന് സൗമ്യവും നല്ലതുമായ ഒരു ക്ലെൻസറാണ് നിങ്ങൾ ഉപയോഗിക്കുന്നത് എന്ന് ഉറപ്പാക്കുക. ദിവസത്തിൽ രണ്ടുതവണ മാത്രം ചർമ്മം വൃത്തിയാക്കാൻ വിദഗ്ദ്ധർ ശുപാർശ ചെയ്യുന്നു, കൂടാതെ, ചർമ്മത്തെ വളരെയധികം രാസവസ്തുക്കൾക്ക് വിധേയമാക്കുന്നത് ഒഴിവാക്കുക.
ചൂടു വെള്ളത്തിലെ കുളി ഒഴിവാക്കുക
നല്ല തണുത്ത കാലാവസ്ഥയിൽ ചൂടുള്ള വെള്ളത്തിൽ കുളിക്കുന്നതിനെക്കാൾ ആശ്വാസകരമായ മറ്റൊന്നില്ലെന്ന് നിങ്ങൾക്കറിയാം. പക്ഷേ ഇത് നിങ്ങളുടെ ചർമ്മത്തിന് അത്ര നല്ലതല്ല. വളരെ ചൂടുള്ള വെള്ളത്തിൽ കുളിക്കുന്നത് നിങ്ങളുടെ ചർമ്മത്തിൽ നിന്ന് അവശ്യ എണ്ണകൾ നീക്കം ചെയ്യുന്നതിന് ഇടയാക്കിയേക്കാം. അതിനാൽ, അടുത്ത തവണ നിങ്ങൾ കുളിക്കാൻ പോകുമ്പോൾ, ചൂടുള്ള വെള്ളത്തിന് പകരം തണുത്തതോ അല്ലെങ്കിൽ ഇളം ചൂടുള്ള ആയിട്ടുള്ള വെള്ളം ഉപയോഗിച്ച് ചർമ്മത്തെ ശുദ്ധീകരിക്കുക.
അമിതമായി സ്ക്രബ് ചെയ്യുന്നത്
ചർമ്മത്തിന്റെ തരം അനുസരിച്ച് എത്ര തവണ നിർജ്ജീവ ചർമ്മത്തെ പുറംതള്ളണം എന്ന് കണ്ടെത്തേണ്ടത് അത്യാവശ്യമാണ്. വരണ്ട ചർമ്മമുള്ള ഒരാൾക്ക് ദിവസേനയുള്ള നിർജ്ജീവ ചർമ്മം പുറംതള്ളൽ കൈകാര്യം ചെയ്യാൻ കഴിഞ്ഞേക്കില്ല. ചർമ്മം ഇതിനോട് എങ്ങനെ പ്രതികരിക്കും എന്നതിനെക്കുറിച്ച് നിങ്ങൾ ശ്രദ്ധിക്കണം. വരണ്ട ചർമ്മമുള്ള ആളുകൾ ആഴ്ചയിൽ ഒന്നോ രണ്ടോ തവണ മാത്രമേ നിർജ്ജീവ ചർമ്മം നീക്കം ചെയ്യാൻ പാടുള്ളൂ.
സൺസ്ക്രീൻ ഉപയോഗിക്കാതിരിക്കുന്നത്
വരണ്ട ചർമ്മം ഉണ്ടെങ്കിലും ഇല്ലെങ്കിലും നിങ്ങൾ ഒരിക്കലും സൺസ്ക്രീൻ ഉപയോഗിക്കുന്നത് ഒഴിവാക്കരുത്. ഇത് ചർമ്മത്തിന് മുഴുവനായും നൽകുന്ന സംരക്ഷണമാണ്. ഫുഡ് ആൻഡ് ഡ്രഗ് അഡ്മിനിസ്ട്രേഷൻ അനുസരിച്ച്, ചർമ്മ പ്രശ്നങ്ങൾ ഒഴിവാക്കാൻ നിങ്ങൾ 15 അല്ലെങ്കിൽ അതിൽ കൂടുതൽ എസ്പിഎഫ് ഉള്ള സൺസ്ക്രീൻ പുരട്ടണം. ചർമ്മത്തിന് അനുയോജ്യമായ തരത്തിലുള്ള ഒരു സൺസ്ക്രീൻ തിരഞ്ഞെടുക്കുക. ചില സൺസ്ക്രീനുകളിൽ സിങ്ക് ഓക്സൈഡ് അടങ്ങിയിട്ടുണ്ട്, ഇത് വരണ്ട ചർമ്മത്തിലേക്ക് നയിക്കുന്നു.
മോയ്സ്ചുറൈസർ ഉപയോഗം
ഒരു കുളി കഴിഞ്ഞ ശേഷം മുഖം ടവ്വൽ കൊണ്ട് തുടച്ച് ഉണക്കുന്ന ശീലം നിങ്ങൾക്കുണ്ടോ? എങ്കിൽ നിങ്ങൾ ഒറ്റയ്ക്കല്ല - ധാരാളം ആളുകൾ അത് ചെയ്യാൻ പ്രവണത കാണിക്കുന്നു. എന്നാൽ അമേരിക്കൻ അക്കാദമി ഓഫ് ഡെർമറ്റോളജി ശുപാർശ ചെയ്യുന്നത് നിങ്ങളുടെ മുഖത്ത് മോയ്സ്ചുറൈസർ പ്രയോഗിക്കുവാനുള്ള ഏറ്റവും നല്ല സമയം മുഖത്ത് നനവ് ഉള്ളപ്പോഴാണ് എന്നാണ്. വരണ്ട ചർമ്മത്തിൽ നിന്ന് മുക്തി നേടുന്നതിന് അത്യാവശ്യമായ ജലാംശം ചർമ്മത്തിൽ നൽകാൻ ഇത് സഹായിക്കും.
മോയ്സ്ചുറൈസർ തിരഞ്ഞെടുക്കുമ്പോൾ
പതിവായി ഒരു ലോഷൻ അല്ലെങ്കിൽ മോയ്സ്ചുറൈസർ ഉപയോഗിക്കുന്നത് പ്രധാനമാണ്, പ്രത്യേകിച്ച് നിങ്ങൾക്ക് വരണ്ട ചർമ്മമുണ്ടെങ്കിൽ. എന്നാൽ നിങ്ങളുടെ ചർമ്മത്തിന് അനുയോജ്യമായ ഒന്ന് തിരഞ്ഞെടുക്കുക എന്നത് പ്രധാനമാണ്. കൂടാതെ, നിങ്ങളുടെ ഇരുപതുകളിൽ ഉപയോഗിച്ചിരുന്ന ക്രീം നിങ്ങളുടെ വയസ്സ് 30 കളിൽ എത്തുമ്പോൾ ചർമ്മത്തിൽ അത്ര നന്നായി പ്രവർത്തിച്ചേക്കില്ല. ചർമ്മത്തിൽ ഒരു തടസ്സം സൃഷ്ടിക്കുകയും ഈർപ്പം നഷ്ടപ്പെടാതിരിക്കുകയും ചെയ്യുന്ന സെറാമൈഡുകൾ അടങ്ങിയിരിക്കുന്ന മോയ്സ്ചുറൈസർ ഉപയോഗിക്കുവാൻ ശ്രദ്ധിക്കുക.
ആവശ്യത്തിന് വെള്ളം കുടിക്കാതിരിക്കുന്നത്
ഇത് മിക്കവർക്കും അറിയാവുന്ന ഒരു കാര്യമാണ്. ആവശ്യത്തിന് വെള്ളം കുടിക്കാത്തത് ചർമ്മത്തിന് ആവശ്യമായ പോഷകങ്ങളും ഈർപ്പവും നഷ്ടപ്പെടുത്തും, ഇത് ചർമ്മത്തിൽ പ്രശ്നമുണ്ടാക്കുന്നു. ആവശ്യത്തിന് വെള്ളം കുടിക്കുകയും തക്കാളി, വെള്ളരിക്ക, ഓറഞ്ച്, പൈനാപ്പിൾ മുതലായ ജലാംശം ധാരാളമായി അടങ്ങിയിരിക്കുന്ന പഴങ്ങളും പച്ചക്കറികളും കഴിക്കുകയും ചെയ്യുക.