മുഖക്കുരുവും പാടുകളുമില്ലാതാക്കാൻ ഈ വൈറ്റമിനുകൾ തീർച്ചയായും കഴിക്കണം

പൊതുവെ മുഖക്കുരു എന്ന് പറയുന്നത് പലരെയും അലട്ടുന്ന പ്രശ്നമാണ്. കൃത്യമായ ചർമ്മ സംരക്ഷണ പിന്തുടർന്നാൽ പോലും പലപ്പോഴും ചില‍ർക്കെങ്കിലും മുഖക്കുരു പ്രശ്നമുണ്ടാകാറുണ്ട്. പൊതുവെ യൗവനക്കാലത്താണ് മുഖക്കുരു അധികമായി കണ്ടുവരാറുള്ളത്. ചർമ്മത്തിന് പുറത്ത് നിന്ന് മാത്രമല്ല സംരക്ഷണം നൽകേണ്ടത് എന്ന് പലർക്കും അറിയില്ല. ചർമ്മം ആരോഗ്യത്തോടെയും തിളക്കോത്തോടെയും ഇരിക്കാൻ ഭക്ഷണത്തിനുള്ള പങ്ക് വളരെ വലുതാണ്.

ചർമ്മത്തെ പോഷിപ്പിക്കുന്ന വൈറ്റമിനുകളാൽ സമ്പന്നമായ വൈവിധ്യമാർന്ന ഭക്ഷണക്രമം ഉൾപ്പെടെ, തെളിഞ്ഞ ചർമ്മത്തെ പ്രോത്സാഹിപ്പിക്കുന്ന ഭക്ഷണങ്ങൾ കഴിക്കുന്നത് പ്രധാനമാണ്. പക്ഷെ ചില സാഹചര്യങ്ങളിൽ കുറച്ച് അധികം പോഷകങ്ങളോ വൈറ്റമിനുകളോ ചർമ്മത്തിന് ആവശ്യമായ വന്നേക്കാം. മുഖക്കുരുവിനെതിരെ പോരാടുന്നതിന് ദിവസേനയുള്ള ഭക്ഷണത്തിൽ ചേർക്കാവുന്ന ചില അവശ്യ പോഷകങ്ങൾ എന്തൊക്കെയാണെന്ന് പോഷകാഹാര വിദഗ്ധയായ അഞ്ജലി മുഖർജി പറയുന്നത് നോക്കാം.

പ്രധാനമായ നാല് വൈറ്റമിനുകൾ

മിക്കവാറും എല്ലാവരുടെയും മുഖത്ത് കൗമാരുക്കാലത്ത് മുഖക്കുരു കാണാറുണ്ട്. മുതിർന്നവരിലും ഇതൊരു പ്രധാന പ്രശ്നമായി മാറുന്നത് കാണാം. ഇത് പ്രതിരോധിക്കാൻ കൃത്യമായി ഭക്ഷണക്രമത്തിലൂടെ സാധിക്കും. ചർമ്മത്തിന് തിളക്കവും ആരോഗ്യവും നൽകാൻ പോഷകങ്ങളുടെ ശരിയായ ഒരു ബാലൻസ് പിന്തുടരണമെന്നാണ് പോഷകവിദഗ്ധയായ അഞ്ജലി പറയുന്നത്. മുഖക്കുരു തടയാൻ സഹായിക്കുന്ന നാല് പ്രധാനപ്പെട്ട പോഷകങ്ങൾ താഴെ പറയുന്നവയാണ്.

Also Read: മുഖത്തെ കുരുവും പാടുകളും മാറ്റാൻ വീട്ടിൽ തയാറാക്കാം ഈ ഈസി ഫേസ് പാക്കുകൾ

വൈറ്റമിൻ എ- ബീറ്റാ കരോട്ടിൻ, റെറ്റിൻ എ എന്നിവയുടെ രൂപത്തിലുള്ള വിറ്റാമിൻ എ പാടുകൾ ഇല്ലാത്തതും തിളങ്ങുന്നതുമായ ചർമ്മത്തിനും പ്രായപൂർത്തിയാകുമ്പോൾ ഉണ്ടാകുന്ന മുഖക്കുരുവിനെതിരെ പോരാടുന്നതിനും വളരെയധികം ഗുണം ചെയ്യുന്നു.

സിങ്ക് - സിങ്ക് ഒരു രോഗപ്രതിരോധ ബൂസ്റ്ററാണ്, മുഖക്കുരുവിന് കാരണമാകുന്ന ബാക്ടീരിയകളുടെ പ്രവർത്തനത്തെ ഇത് ഇല്ലാതാക്കുന്നു.

ബി കോപ്ലക്സ് - മുഖത്തെ എണ്ണമയം നിയന്ത്രിക്കുന്നതിൽ ഉയർന്ന പൊട്ടൻസി ബി കോംപ്ലക്സ് വളരെ പ്രധാനമാണ്.

വൈറ്റാമിൻ സി - മുഖക്കുരു പടരുന്നത് തടയാൻ ഇത് സഹായിക്കാറുണ്ട്. 1000-2000 മില്ലിഗ്രാം അളവിൽ കഴിക്കണം.

പ്രത്യേക പോഷക സങ്കലനത്തിനു പുറമേ, പഞ്ചസാരയുടെ അളവ് കുറയ്ക്കുന്നതും ചർമ്മത്തിന്റെ ആരോഗ്യത്തിൽ ഒരു പ്രധാന പങ്ക് വഹിക്കുന്നു. സംസ്കരിച്ച ഭക്ഷണങ്ങളുടെ ഉപയോഗം കുറയ്ക്കുകയും കുടലിന്റെ ആരോഗ്യത്തിൽ ശ്രദ്ധ കേന്ദ്രീകരിക്കുകയും ചെയ്യുന്നത് പോഷകങ്ങളുടെ ആഗിരണം വർദ്ധിപ്പിക്കുകയും ചർമ്മത്തിന്റെ മൊത്തത്തിലുള്ള ആരോഗ്യം മെച്ചപ്പെടുത്തുകയും ചെയ്യുമെന്നും അവർ പറയുന്നുണ്ട്.

English Summary: Anti acne diet

Disclaimer: പൊതു വിവരങ്ങളുടെ അടിസ്ഥാനത്തിലാണ് ലേഖനം തയാറിക്കിയിരിക്കുന്നത്. ഏതൊരു പുതിയ രീതി പിന്തുടരുന്നതിന് മുൻപ് നിങ്ങളുടെ ഡോക്ടറുമായി സംസാരിക്കാൻ മറക്കരുത്.

കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക.