അമ്മ പറയുന്നു വയസ്സ് 56 കഴിഞ്ഞിട്ടും ചുളിവും നരയും ഇല്ലാതിരിക്കുന്നതിന്റെ രഹസ്യം ഇതെന്ന്
ഒരു പ്രായം കഴിഞ്ഞാല് നമ്മളുടെ മുടി നരച്ച് തുടങ്ങും. അതുപോലെ, മുഖത്ത് ചുളിവുകള് വരുന്നത് പതിവാകാന് തുടങ്ങും. ഇത്തരം പ്രശ്നങ്ങളില്ലാതെ സൂക്ഷിക്കാന് എന്തെല്ലാം കാര്യങ്ങള് ചെയ്യണം എന്ന് നോക്കാം.
Authored byഅഞ്ജലി എം സി | Samayam Malayalam19 Jun 2023, 8:38 am
എന്റെ അമ്മയ്ക്ക് വയസ്സ് 56 കഴിഞ്ഞെങ്കിലും ഇന്നും കണ്ടാല് ഒരു 40 വയസ്സ് മാത്രമാണ് കൂടിപ്പോയാല് പറയുക. അതിന് പിന്നില് അമ്മയുടെ തന്നെ സ്വയം അദ്ധ്വാനമാണ് എന്ന് പറയാതിരിക്കാന് വയ്യ. സ്ഥിരമായി ചര്മ്മവും മുടിയും പരിപാലിക്കാന് ചെയ്യുന്ന ചില രീതികളുണ്ട്. ഒരു മാസത്തില് ഇടയ്ക്ക് നടത്തുന്ന ഈ രീകള് തന്നെയാണ് ഇന്നും മുടി കറുപ്പിച്ച് നിലനിര്ത്തുന്നതും അതുപോലെ, ചര്മ്മത്തില് ഒരു ചുളിവും പോലും ഇല്ലാതെ ചെറുപ്പമായിരിക്കുന്നതിന് പിന്നിലെ കാരണം.
ചര്മ്മ പരിപാലനത്തിന്
ചര്മ്മ പരിപാലനത്തിന് സ്ഥിരമായി ഉപയോഗിക്കുന്നതും അതുപോലെ, രണ്ട് ആഴ്ച്ച കൂടുമ്പോള് ഉപയോഗിക്കുന്നതുമായ ഫേയ്സ്പാക്കുകളുണ്ട്. അതില് സ്ഥിരമായി ഉപയോഗിക്കുന്നത് എന്ന് പറയാന് തൈരില് മഞ്ഞള് ചേര്ത്ത് മുഖത്ത് പുരട്ടുന്നത് തന്നെയാണ്. ചില സമയത്ത് ഇതില് കടലപ്പൊടിയും ചേര്ത്ത് മിക്സ് ചെയ്ത് പുരട്ടുന്നത് നല്ലതാണെന്നാണ് അമ്മയുടെ അഭിപ്രായം.
ഇത് മാത്രമല്ല, വീട്ടില് അടുക്കളില് കറികള്ക്കായി അരിഞ്ഞ് വെക്കുന്ന തക്കാളി, ക്യാരറ്റ്, വെള്ളരിക്ക, കുമ്പളങ്ങ, ബീറ്റ്റൂട്ട് എന്നിവയില് നിന്നെല്ലാം ഒരു ചെറിയ കഷ്ണം എടുത്ത് മുഖത്ത് പുരട്ടി കറി വേവുന്നത് വരെ വെക്കും. അതിന് ശേഷം കഴുകി കളയുന്നതും ഒരു പതിവ് കാഴ്ച്ചയാണ്.
ഇതിലെ ഏറ്റവും പ്രധാനപ്പെട്ട കാര്യം എന്താണെന്ന് വെച്ചാല് അമ്മ മുഖത്ത് ടാല്ക്കം പൗഡര് ഉപയോഗിക്കും പക്ഷേ, ഇന്നേവരെ ഒരു ക്രീം പോലും ഉപയോഗിച്ചിട്ടില്ല. പ്രത്യേകിച്ച് കെമിക്കല്സ് അടങ്ങിയ സൗന്ദര്യ വര്ദ്ധക വസ്തുക്കളെ അധികം അടുപ്പിക്കാറില്ല എന്നതാണ് സത്യം.
പകരം, വീട്ടുമുറ്റത്ത് തന്നെ നല്ല കറ്റാര്വാഴ നട്ട് പിടിപ്പിച്ചിരിക്കുന്നു. അതുപോലെ, മുല്ലയും റോസും ഉണ്ട്. കറ്റാര്വാഴ ജെല് മുഖത്ത് പുരട്ടാനും അതുപോലെ, മുഖത്തെ മോയ്സ്ച്വര് ചെയ്ത് നിലനിര്ത്താന് തലേദിവസം രാത്രിയില് പൊട്ടിച്ചെടുത്ത മുല്ലപ്പൂവ്, അല്ലെങ്കില് റോസ് എന്നിവ ഒരു ഗ്ലാസ്സ് വെള്ളത്തില് ഇട്ട് വെക്കും. പിറ്റേദിവസം ഈ വെള്ളത്തില് മുഖം കഴുകുന്നത് മുഖ സൗന്ദര്യം നിലനിര്ത്തുന്നതിനും ചര്മ്മത്തിന് നല്ല മൃദുലത നല്കുന്നതിനും സഹായിക്കുന്നുണ്ട്.
കേശ സംരക്ഷണം
മുടി സംരക്ഷിക്കാന് അമ്മ തയ്യാറാക്കി എടുക്കുന്ന ഒരു സ്പെഷ്യല് കൂട്ട് ഉണ്ട്. ഇതിനായി നല്ല നാടന് രീതിയില് ഒരു ഹെയര് ഡൈ തയ്യാറാക്കും അതുപോലെ തന്നെ നല്ല ഹെയര് ഓയിലും അമ്മ തയ്യാറാക്കി വെക്കാറുണ്ട്. ഇതില് തന്നെ ഹെയര് ഡൈ തയ്യാറാക്കുന്നതിന് പ്രധാനമായും നീലയമരിയാണ് ഉപയോഗിക്കുന്നത്.
നെല്ലിക്ക, ചായ വെള്ളം, കറ്റാര്വാഴ, നീലയമരി എന്നിവ ചേര്ത്ത് അരച്ച് മുടിയില് തേച്ച് പിടിപ്പിക്കും. അമ്മയുടെ അഭിപ്രായത്തില് മുടി നന്നായി ഷാംപൂ ഇട്ട് കഴുകി ഉണക്കിയതിന് ശേഷം ഈ ഹെയര് ഡൈ പുരട്ടണം എന്നാണ്. ഇത് പുരട്ടി കുറഞ്ഞത് ഒറു മണിക്കൂറെങ്കിലും ഇരിക്കണം. അതിന് ശേഷം സാധആ വെള്ളത്തില് കഴുകി എടുത്താല് മതി. ഇത്തരത്തില് മാസത്തില് ഒരു വട്ടമെങ്കിലും ചെയ്താല് മുടിയ്ക്ക് പതിയെ നല്ല കറുപ്പ് നിറം ലഭിക്കുമെന്ന് അമ്മ സാക്ഷ്യപ്പെടുത്തുന്നു.
ഹെയര് ഓയില്
ഈ ഹെയര് ഓയില് തയ്യാറാക്കാന് കയ്യോന്നി, ചെമ്പരത്തി, ചെത്തി, കറ്റാര്വാഴ എന്നിവയാണ് പ്രധാനമായും എടുക്കുന്നത്. ഇവ അരച്ച് ചൂടാക്കിയ എണ്ണയില് ചേര്ത്ത് നന്നായി എണ്ണ കാച്ചി എടുക്കും. അതിന് ശേഷം ഇത് അരിച്ച് നല്ല ചില്ല് കുപ്പിയില് സൂക്ഷിച്ച് വെക്കും. ആഴ്ച്ചയില് ഒരിക്കലെങ്കിലും ഈ എണ്ണ നെറുകയില് തേച്ച് നന്നായി കുളിക്കുന്നത് മുടിയുടെ ആരോഗ്യത്തെ നിലനിര്ത്താന് സഹായിക്കുന്നുണ്ട്.
ചര്മ്മം നല്ല യുവത്വം ഉള്ളതായി നിലനില്ക്കും. ചര്മ്മത്തിലെ കറുത്ത പാടുകള് അകറ്റാനും കരുവാളിപ്പ് അകറ്റാനും ഇത് സഹായിക്കും. മുഖക്കുരു പ്രശ്നമുള്ളവര്ക്ക് ഇത് നല്ലതാണ്. അതുപോലെ, മുടിയില് നരയും ഉണ്ടാകില്ല, മുടി കൊഴിച്ചില് നില്ക്കുകയും ചെയ്യും. മുടി നല്ലപോലെ വളരാനും ഇത് സഹായിക്കുന്നുണ്ട്. തലയില് താരന് ഉള്ളവര്ക്ക് ഈ രീതികള് ചെയ്യുന്നത് നല്ലതാണ്. അതുപോലെ, മുടിയെല്ലാം എന്നും ജെട കളഞ്ഞ് വൃത്തിയാക്കുന്നതും നല്ലതാണ്. ഇത് മുടി കൊഴിച്ചില് തടയാന് സഹായിക്കും.
പത്ര പ്രവര്ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്കൂള് കാലഘട്ടം മുതല് സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന് പ്രേരിപ്പിച്ചത്. മാധ്യമ മേഖലയില് മൂന്ന് വര്ഷത്തെ പ്രവര്ത്തി പരിചയമുള്ള അഞ്ജലി ലൈഫ്സ്റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.