മുടിയില്‍ അടുപ്പിച്ച് കഞ്ഞിവെള്ളം തേച്ചു നോക്കൂ....

മുടിയ്ക്ക് സ്വാഭാവിക ഈര്‍പ്പം നല്‍കുന്നതിന് ഇതു സഹായിക്കും. വരണ്ട മുടിയുള്ള പലര്‍ക്കും ദിവസവും തലയില്‍ ഓയില്‍ പുരട്ടുന്നത് ഇഷ്ടമുള്ള കാര്യമാകില്ല. മാത്രമല്ല, എണ്ണയും മുടി ഈറനുമായി പുറത്തു പോകുമ്പാള്‍ ഇത് മുടിയില്‍ അഴുക്കു പറ്റിപ്പിടിയ്ക്കാന്‍ ഇടയാക്കും. ഇതിനുളള സ്വാഭാവിക പരിഹാരമാണ് കഞ്ഞിവെള്ളം. മുടിയ്ക്ക് നല്ലൊരു കണ്ടീഷണറിന്റെ ഗുണം നല്‍കുന്ന ഒന്നാണ് കഞ്ഞിവെള്ളം. പ്രത്യേകിച്ചും വരണ്ട, പാറിപ്പറന്നു കിടക്കുന്ന മുടിയില്‍ ഇത് ഏറെ ഗുണമുണ്ടാക്കും. വരണ്ട മുടിയ്ക്ക് ഒതുക്കം നല്‍കും. മൃദുത്വവും തിളക്കവും നല്‍കും.

അററം പിളര്‍ന്ന മുടി പല സ്ത്രീകളേയും അലട്ടുന്ന പ്രശ്‌നമാണ്. മുടിയുടെ ആരോഗ്യത്തെ ദോഷകരമായി ബാധിയ്ക്കുന്ന ഒന്ന്.മുടിയുടെ അറ്റം പിളരുന്നത് ഒഴിവാക്കാനും ഇത് ഏറെ പ്രയോജനപ്രദമായ മാർഗ്ഗമാണ്. കഞ്ഞിവെള്ളത്തിൽ ധാരാളമായി അടങ്ങിയിരിക്കുന്ന പ്രോട്ടീനും കാർബോഹൈഡ്രേറ്റസും തലമുടി വളരാൻ സഹായിക്കും. ഒരു ബ്യൂട്ടി പാർലറിൽ പോയി മുടിക്ക് ചെയ്യുന്ന പ്രോട്ടീൻ ട്രീറ്റ്മെന്റിനേക്കാൾ ഫലപ്രദമാണ് കഞ്ഞിവെള്ളം മുടിക്ക് നൽകുന്നത്.

അകാലനര ഒഴിവാക്കി മുടിയെ സംരക്ഷിയ്ക്കാന്‍ പുളിച്ച കഞ്ഞിവെള്ളം ഏറെ നല്ലതാണ്. മുടിക്ക് നല്ല ആരോഗ്യവും നിറവും നല്‍കുന്നു. എന്ന് മാത്രമല്ല തലയ്ക്ക് നല്ല തണുപ്പും ഉറപ്പും വര്‍ധിപ്പിക്കാന്‍ ഇത് സഹായമാകുന്നു. അകാല നര ചെറുക്കാന്‍ ഇതിലെ പോഷക ഘടകങ്ങള്‍ സഹായിക്കുന്നു.ഇതില്‍ ഉലുവയിട്ടു വച്ച് ഈ വെള്ളം തേയ്ക്കുന്നതും നല്ലതാണ്. കറിവേപ്പിലയും കഞ്ഞിവെള്ളവും ചേര്‍ത്തും മുടിയില്‍ പുരട്ടാം.

മുടി പ്രശ്‌നങ്ങളില്‍ പ്രധാനപ്പെട്ടതാണ് താരന്‍. ശിരോചര്‍മം വരണ്ടതാകുന്നതും പോഷകക്കുറവും വെള്ളത്തിന്റെ ഗുണക്കുറവും തൈറോയ്ഡ് പോലുള്ള രോഗങ്ങളുമെല്ലാം തന്നെ വരണ്ട ശിരോചര്‍മത്തിനും താരനും കാരണമാകും.ഇതു ശിരോചര്‍മത്തിലും മുടിയിലുമെല്ലാം തേച്ചു പിടിപ്പിച്ച ശേഷം പത്തോ പതിനഞ്ചോ മിനിറ്റു കഴിഞ്ഞു കഴുകാം.അടുപ്പിച്ച് അല്‍പനാള്‍ ചെയ്താല്‍ താരന്‍ പ്രശ്‌നം അകററാനുള്ള ഏറ്റവും നല്ല വഴിയാണിത്. പുളിപ്പിച്ച കഞ്ഞിവെള്ളമെങ്കില്‍ ഗുണം ഏറെയാണ്. Also read: നിങ്ങളുടെ ഓരോ പുഞ്ചിരിയിലുമുണ്ട് ഈ 10 കാര്യങ്ങൾ!