Avoid These Mistakes While Applying Turmeric On Face
Turmeric For Skin: മുഖത്ത് മഞ്ഞള്‍ ഇടുമ്പോള്‍ ഈ തെറ്റുകള്‍ ചെയ്യാറുണ്ടോ?
ചര്‍മ്മ സംരക്ഷണത്തിന് മഞ്ഞള്‍ മുഖത്ത് ഇടുന്നവരായിരിക്കും പലരും. എന്നാല്‍, മഞ്ഞള്‍ ചര്‍മ്മത്തില്‍ ഉപയോഗിക്കുമ്പോള്‍ ശ്രദ്ധിക്കേണ്ട കുറച്ച് കാര്യങ്ങളുണ്ട്. അല്ലെങ്കില്‍ വിപരീതഫലം നല്‍കും.
Authored byഅഞ്ജലി എം സി | Samayam Malayalam1 Feb 2023, 12:03 pm
സൗന്ദര്യ സംരക്ഷണത്തില്‍ മഞ്ഞളിന് വളരെയധികം പ്രാധാന്യം ഉണ്ട്. മിക്കവരും മഞ്ഞള്‍ തേച്ച് കുളിക്കുന്നവരോ അല്ലെങ്കില്‍ ഇടയ്ക്ക് മഞ്ഞള്‍ ഫേയ്‌സ്പാക്ക് ഇടുന്നവരുമായിരിക്കും. മഞ്ഞള്‍ ചര്‍മ്മ സംരക്ഷണത്തിന് മാത്രമല്ല, ആരോഗ്യ പരിപാലനത്തിനും അത്യുത്തമമാണ്.
Samayam MalayalamTurmeric For Skin: മുഖത്ത് മഞ്ഞള്‍ ഇടുമ്പോള്‍ ഈ തെറ്റുകള്‍ ചെയ്യാറുണ്ടോ?
മുഖത്ത് മഞ്ഞള്‍ തേക്കുമ്പോള്‍ നമ്മള്‍ ശ്രദ്ധിക്കാന്‍ മറന്ന് പോകുന്ന ചില കാര്യങ്ങളുണ്ട്. ഇത്തരം അശ്രദ്ധ മറ്റുചില ചര്‍മ്മ പ്രശ്‌നങ്ങളിലേയ്ക്ക് നയിക്കും. അവ ഏതെല്ലാമെന്ന് നോക്കാം.
മഞ്ഞളും അതിന്റെ സൗന്ദര്യ ഗുണങ്ങളും
മഞ്ഞള്‍ ദിവസേന മുഖത്ത് പുരട്ടിയാല്‍ നിരവധി ഗുണങ്ങളാണ് ലഭിക്കുന്നത്. നല്ല ആരോഗ്യമുള്ള ചര്‍മ്മം ലഭിക്കുന്നതിനും മുഖത്തെ കരുവാളിപ്പ് മാറ്റി മുഖത്തിന് തിളക്കം നല്‍കാനും മുഖക്കുരു കുറയ്ക്കാനും മഞ്ഞള്‍ ഉപയോഗിക്കുന്നത് നല്ലതാണ്.
മഞ്ഞളിന്റെ കൂടെ തേന്‍, പാല്‍ എന്നിവ ചേര്‍ത്ത് മുഖത്ത് പുരട്ടിയാല്‍ കൂടുതല്‍ ഗുണം ലഭിക്കും. ചര്‍മ്മത്തിലെ അലര്‍ജി കുറയ്ക്കുന്നതിനും മഞ്ഞള്‍ ഉപയോഗിക്കുന്നത് നല്ലതാണ്. മഞ്ഞള്‍ ഉപയോഗിക്കുമ്പോള്‍ ഒഴിവാക്കേണ്ട ചില കാര്യങ്ങളുണ്ട്. അവ ഏതെല്ലാമെന്ന് നോക്കാം.
ഫേയ്‌സപാക്ക് കൃത്യമായി ഇട്ടില്ലെങ്കില്‍
മിക്കവരും ഫേയ്‌സ്പാക്ക് ഇടുമ്പോള്‍ മുഖത്ത് മാത്രം ഇടും. നമ്മള്‍ ഏത് ഫേയ്‌സ്പാക്ക് ഉപയോഗിക്കുമ്പോഴായാലും അത് മുഖത്ത് മാത്രമല്ല, കഴുത്തിലും ഇടണം.
മഞ്ഞളായാലും മുഖത്ത് മാത്രം ഇടരുത്, അത് കഴുത്തിലും നല്ലപോലെ ഇടാന്‍ ശ്രദ്ധിക്കണം. അല്ലെങ്കില്‍ മുഖത്തിനും കഴുത്തിനും രണ്ട് നിറം വരുന്നതിന് ഇത് കാരണമാകും. ഇത് ഒഴിവാക്കാന്‍ കഴുത്തിലും മുഖത്തും പുരട്ടാന്‍ മറക്കരുത്.
കുറേ നേരം മഞ്ഞള്‍ മുഖത്ത് വെക്കുന്നത്
ചിലര്‍ കൂടുതല്‍ ഗുണം ലഭിക്കും എന്ന് കരുതി മഞ്ഞള്‍ പുരട്ടി കുറേ നേരം ഇരിക്കുന്നത് കാണാം. എന്നാല്‍ സത്യാവസ്ഥ മറിച്ചാണ്. നമ്മള്‍ അധികസമയം വെച്ചിരിക്കുന്നത് ചര്‍മ്മത്തിന് നല്ലത്.
മുഖത്ത് മുഖക്കുരു വരുന്നതിനും ചര്‍മ്മം നന്നായി വരണ്ട് പോകുന്നതിനും അസ്വസ്ഥതകള്‍ ഉണ്ടാകുന്നതിനും ഇത് കാരണമാകാം. അതിനാല്‍, കുറഞ്ഞത് 15 മിനിറ്റ് മാത്രം മഞ്ഞള്‍ ഫേയ്‌സ്പാക്ക് മുഖത്ത് ഇരുന്നാല്‍ മതി. അതിനുശേഷം കഴുകി കളയാവുന്നതാണ്.
കൃത്യമായി കഴുകി വൃത്തിയാക്കാത്തത്
മുഖത്ത് മഞ്ഞള്‍ തേക്കുന്നത് മുഖത്തിന് നല്ല നിറം ലഭിക്കുന്നതിന് വേണ്ടിയാണ്. എന്നാല്‍, പലരും മഞ്ഞള്‍ ഉപയോഗിച്ചതിന് ശേഷം കൃത്യമായി കഴുകി വൃത്തിയാക്കി എടുക്കാറില്ല.
ഇത്തരത്തില്‍ മുഖത്ത് മഞ്ഞളിന്റെ അംശം ഇരിക്കുന്നത് മുഖം വരണ്ട് പോകുന്നതിലേയ്ക്കും മുഖത്ത് അസ്വസ്ഥതകളും ചൊറിച്ചിലും അനുഭവപ്പെടുന്നതിന് കാരണമാണ്. ഇത് വരാതിരിക്കാന്‍ മുഖം നന്നായി വൃത്തിയില്‍ കഴുകി എടുക്കേണ്ടത് അനിവാര്യം.
സോപ്പ് ഉപയോഗിച്ച് മുഖം കഴുകുന്നത്
മുഖത്ത് മഞ്ഞള്‍ ഇട്ടതിന് ശേഷം കഴുകാന്‍ പലരും സോപ്പ് ഉപയോഗിക്കുന്നത് കാണാം. അല്ലെങ്കില്‍ ഫേയ്‌സ് വാഷ് ഉപയോഗിക്കുന്നതും പതിവാണ്. ഇത്തരത്തില്‍ മുഖം കഴുകുന്നതിലൂടെ യാതൊരു ഗുണവും ലഭിക്കുന്നില്ല എന്നതുമാത്രമല്ല, മഞ്ഞളിന്റെ എല്ലാ അംശവും മുഖത്ത് നിന്ന് നീക്കം ചെയ്യപ്പെടുകയും ചെയ്യുന്നു.
അതിനാല്‍ തന്നെ, മുഖം കഴുകുവാന്‍ എല്ലായ്‌പ്പോഴും സാധാ വെള്ളം ഉപയോഗിക്കുന്നതാണ് നല്ലത്. കെമിക്കല്‍സ് അടങ്ങിയ സാധാനങ്ങള്‍ പരമാവധി ഒഴിവാക്കുന്നതാണ് നല്ലത്. വേണമെങ്കില്‍ കടലമാവ്, പയര്‍ പൊടി എന്നിവ ഉപയോഗിച്ച് മുഖം കഴുകാവുന്നതാണ്.
തെറ്റായ ചേരുവകള്‍ ചേര്‍ക്കുന്നത്
എല്ലാ സാധനങ്ങളും മഞ്ഞളിന്റെ കൂടെ ചേരുകയില്ല. ചിലര്‍ തെറ്റായ ചേരുവകള്‍ ചേര്‍ത്ത് മഞ്ഞള്‍ ഫേയ്‌സ്പാക്ക് തയ്യാറാക്കാറുണ്ട്. മഞ്ഞളില്‍ അടങ്ങിയിരിക്കുന്ന കര്‍ക്യുമിന്‍ ഇതിനെതിരെ പ്രവര്‍ത്തിക്കുകയും ഇത് ചര്‍മ്മത്തിന് ദോഷകരമായി ഭവിക്കുകയും ചെയ്യും.
മഞ്ഞളിന്റെ കൂടെ എല്ലായ്‌പ്പോഴും വെള്ളം ചേര്‍ക്കുന്നതാണ് ഏറ്റവും നല്ലത്. അതുമല്ലെങ്കില്‍ പാല്‍, റോസ് വാട്ടര്‍, തൈര് എന്നിവയും ചേര്‍ക്കാവുന്നതാണ്.
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
