കഞ്ഞിവെള്ളം
ഇതില്‍ ഒന്നാണ് കഞ്ഞിവെള്ളം. കഞ്ഞിവെള്ളം മുടിയ്ക്ക് ഏറെ നല്ലൊരു മരുന്നാണ്. അരി കഴുകിയ വെള്ളവും കഞ്ഞി വെള്ളവും ഒരു പോലെ മുടിയ്ക്ക് ഗുണം നല്‍കുന്നവയാണ്.അരി വാര്‍ത്തെടുക്കുന്ന കഞ്ഞിവെള്ളം പലപ്പോഴും കളയാറാണ് പതിവ്. ഇതിനു പകരം ഇതു പുളിപ്പിച്ചു തലയില്‍ തേച്ചാല്‍ ഗുണങ്ങള്‍ ഏറെയാണ്. ഇതു പുളിപ്പിയ്ക്കാന്‍ പ്രത്യേകിച്ചൊന്നും തന്നെ ചെയ്യേണ്ടതുമില്ല. തലേന്നത്തെ കഞ്ഞിവെള്ളം പിറ്റേ ദിവസം മുടിയില്‍ തേയ്ക്കുക എന്നതാണ് വഴി. താരന്‍ മരുന്ന്, നല്ല കണ്ടീഷണര്‍ തുടങ്ങി പല തരത്തിലെ ഗുണങ്ങള്‍ മുടിയ്ക്കു നല്‍കുന്ന ഒന്നാണ് കഞ്ഞിവെളളം.
കറ്റാര്‍ വാഴ
ഇതു പോലെ തന്നെ സൗന്ദര്യ, മുടി, ആരോഗ്യ സംരക്ഷണത്തിന് ഏറെ ഗുണം നല്‍കുന്ന ഒന്നാണ് കറ്റാര്‍ വാഴ. വൈറ്റമിന്‍ ഇ സമ്പുഷ്ടമായ പ്രകൃതിദത്ത ചേരുവകളില്‍ പ്രധാനപ്പെട്ടതാണ് കറ്റാര്‍ വാഴ. മുടിയ്ക്കും സൗന്ദര്യത്തിനുമെല്ലാം ഒരുപോലെ സഹായകമാണ് ഈ പ്രത്യേക ചെടി. വൈറ്റമിനുകളുടെ ഉറവിടമായ ഇത് മുടി വളരാന്‍ മാത്രമല്ല, മുടിയ്ക്കു തിളക്കം നല്‍കാനും മൃദുത്വം നല്‍കാനുമെല്ലാം ഏറെ സഹായിക്കുന്നു. ചില പ്രത്യേക കൂട്ടുകള്‍ പ്രത്യേക രീതിയില്‍ കൂട്ടിച്ചേര്‍ത്താന്‍ കറ്റാര്‍വാഴ മുടി നല്ലതുപോലെ വളരാന്‍ സഹായിക്കുകയും ചെയ്യും. ഇതെക്കുറിച്ചറിയൂ.
ചേരുവയുണ്ടാക്കാന്‍
വളരെ എളുപ്പമാണ് ഈ ചേരുവയുണ്ടാക്കാന്‍. കഞ്ഞിവെള്ളം തലേന്നത്തെ, അതായത് പുളിപ്പിച്ചത് എടുക്കുക. കറ്റാര്‍ വാഴ ജെല്‍, ഫ്രഷായാല്‍ ഏറെ നല്ലത്. അതായത് കറ്റാര്‍ വാഴ ഫ്രഷായി അരച്ചെടുത്തതും. കഞ്ഞിവെള്ളഴും കറ്റാര്‍ വാഴയും ചേര്‍ത്ത് അരച്ചടുക്കാം. ഇല്ലെങ്കില്‍ കറ്റാര്‍ വാഴ അരച്ചതില്‍ കഞ്ഞിവെള്ളം ചേര്‍ത്തിളക്കാം. നല്ല പുളിച്ച കഞ്ഞിവെള്ളമെങ്കില്‍ ചിലപ്പോള്‍ കട്ടിയായി ലഭിയ്ക്കും. ഇത് നല്ലൊരു മിശ്രിതമാക്കി മുടിയിലും ശിരോചര്‍മത്തിലും പുരട്ടാം. പിന്നീട് അര മണിക്കൂര്‍ ശേഷം കഴുകാം. ഇത് കഴുകാന്‍ ഷാംപൂവോ മറ്റോ ഉപയോഗിയ്ക്കണമെന്നുമില്ല. നല്ല ശുദ്ധമായ വെള്ളത്തില്‍ നല്ലതു പോലെ കഴുകിയാല്‍ തന്നെ മതിയാകും.
പ്രോട്ടീൻ ട്രീറ്റ്മെന്റിനേക്കാൾ
മുടിയ്ക്ക് ഏറെ ഗുണങ്ങള്‍ നല്‍കുന്ന കൂട്ടാണിത്. യാതൊരു ദോഷവും വരുത്താത്ത പ്രകൃതിദത്ത താരന്‍ മരുന്നാണിത്. ഏതു തരം മുടിയുള്ളവര്‍ക്കും പരീക്ഷിയ്ക്കാവുന്നത്. മുടിക്ക് നല്ല ആരോഗ്യവും നിറവും നല്‍കുന്നു. എന്ന് മാത്രമല്ല തലയ്ക്ക് നല്ല തണുപ്പും ഉറപ്പും വര്‍ധിപ്പിക്കാന്‍ ഇത് സഹായമാകുന്നു. അകാല നര ചെറുക്കാന്‍ ഇതിലെ പോഷക ഘടകങ്ങള്‍ സഹായിക്കുന്നു.മുടിയ്ക്ക് സ്വാഭാവിക ഈര്‍പ്പം നല്‍കുന്നതിന് ഇതു സഹായിക്കും. വരണ്ട മുടിയ്ക്ക് ഒതുക്കം നല്‍കും. മൃദുത്വവും തിളക്കവും നല്‍കും. ഒരു ബ്യൂട്ടി പാർലറിൽ പോയി മുടിക്ക് ചെയ്യുന്ന പ്രോട്ടീൻ ട്രീറ്റ്മെന്റിനേക്കാൾ ഫലപ്രദമാണ് കഞ്ഞിവെള്ളം-കറ്റാര്‍ വാഴമുടിക്ക് നൽകുന്നത്. Also read: തൊഴിലിടങ്ങളിലെ മാനസികാരോഗ്യം ഉറപ്പാക്കാൻ...