പെൺകുട്ടികളുടെ ശ്രദ്ധയ്ക്ക്, പഴയ പോലെയല്ല അവസാന നമിഷത്തിൽ വല്ല പ്രോഗ്രാമിനോ അല്ലെങ്കിൽ കറങ്ങാനോ വിളിച്ചാൽ വളരെ പെട്ടെന്ന് തന്നെ ഇറങ്ങി വരുന്ന ഹാൻസം ബോയ്സല്ല, അവര് ഒരുപാട് മാറിയിരിക്കുന്നു. അവർക്കും വേണം ഒരുങ്ങാൻ കുറച്ചധികം സമയം. പണ്ടൊക്കെ ആയിരുന്നെങ്കിൽ ആൺകുട്ടികൾക്ക് ഒരുങ്ങാൻ അത്രയൊന്നും സമയം ആവശ്യമായിരുന്നില്ല. ഒരു ഡ്രസ്സ് എടുത്തിട്ട് തല ചെറുതായൊന്ന് ചീകിയൊതുക്കി അഞ്ച് മിനിറ്റ് കൊണ്ട് അങ്ങ് ഇറങ്ങി പോകും. എന്നാൽ ഇന്ന് അതിൽ നിന്നൊക്കെ വളരെ ഏറെ മാറി.
ഇന്നത്തെ യങ് മെൻ ഒരുപാട് മാറിയിരിക്കുന്നു. അവർ കുറച്ചധികം ബ്യൂട്ടി കോൺഷ്യസാണ്. എവിടെ പോകണമെങ്കിലും സന്ദർഭമനുസരിച്ച് സ്ത്രീകൾ മാത്രം ഒരുങ്ങിയാൽ മതിയോ? ആൺകുട്ടികൾക്കും വേണ്ടെ അൽപം സൌന്ദര്യ സംരക്ഷണമൊക്കെ?
ആൺകുട്ടികൾക്ക് എന്താ വേണ്ടത്? അൽപം ജെല്ലും പിന്നെ കുട്ടിക്കൂറയും ബോഡി സ്പ്രേയും മാത്രം പോരെ എന്ന് ചോദിക്കാൻ വരട്ടെ. ആൺകുട്ടികളുടെ സ്കിൻ, ഫേസ്, പിന്നെ യാ ബോഡി.. ഇതൊന്നും അങ്ങനെ കെയർലെസ്സായി കളയാനുള്ളതല്ല എന്ന് ഇനിയെങ്കിലും അറിഞ്ഞിരിക്കുക. ആൺകുട്ടികളെ നിങ്ങൾക്കും വേണ്ടെ കുറച്ച് ഫേസ് പാക്കൊക്കെ?
കരടി നെയ്യ് തേച്ചാൽ താടി വളരുമോ? സത്യാവസ്ഥ...
ആണുങ്ങൾ മുഖത്ത് അൽപം ഫേസ്പാക്ക് ഇട്ടു എന്ന് വെച്ച് ഒന്നും സംഭവിക്കാൻ പോകുന്നില്ല എന്ന് അറിഞ്ഞിരിക്കുക. പല പുരുഷന്മാർക്കും മുഖത്ത് ഫേസ്പാക്ക് ഇടുന്നതും കണ്ണിന് മുകളിൽ വെള്ളരിക്ക പായ്ക്ക് ഇടുന്നതും ഒക്കെ വലിയ നാണക്കേട് ആയിത്തോന്നാറുണ്ടോ? എങ്കിൽ ഇനി അത് വേണ്ട. മാത്രമല്ല വീട്ടിൽ അനിയത്തിമാര് ഉണ്ടാക്കുന്ന ഫേസ് പാക്കുകൾക്ക് വേണ്ടി ഇനി അടി കൂടേണ്ടതില്ല. നിങ്ങൾക്ക് തന്നെ വീട്ടിൽ ഫേസ്പാക്കുകൾ ഉണ്ടാക്കാവുന്നതാണ്.
ഓർക്കേണ്ട ഒരു കാര്യം എന്താണെന്ന് വെച്ചാൽ ആദ്യം സ്വന്തം സൗന്ദര്യത്തിൽ സ്വയം ശ്രദ്ധിക്കുക. എങ്കിൽ മറ്റുള്ളവർ നമ്മളെ ശ്രദ്ധിക്കും. അല്ലെങ്കിൽ മറ്റുള്ളവർ നമ്മളെ അധികം ശ്രദ്ധിക്കില്ല എന്ന് അറിഞ്ഞിരിക്കുക.
ചൂടുള്ള വെള്ളത്തിൽ മുഖം ആവി പിടിക്കുക
ആൺകുട്ടികൾക്ക് വീട്ടിൽ തന്നെ ചെയ്യാൻ പറ്റിയ സൌന്ദര്യ വർധകങ്ങളെ പരിചയപ്പെടാം. മുഖത്തുള്ള വൈറ്റ് ഹൈഡ്സും ബ്ലാക്ക് ഹെഡ്സും നീക്കാൻ ചൂടുള്ള വെള്ളത്തിൽ ആവി പിടിക്കുന്നത് വളരെ നല്ലതാണ്. മാത്രമല്ല ചൂടുള്ള വെള്ളത്തിൽ ആവി പിടിച്ച ശേഷം അൽപം ഓട്സ് പൊടിച്ച് അതിൽ നന്നായി പഴുത്ത വാഴപ്പഴം കുഴച്ച് ചേർക്കുക. ഇത് മുഖത്തും കഴുത്തിലും നന്നായി പുരട്ടുക. ഇത് നിങ്ങളുടെ മുഖത്തുള്ള ബ്ലാക് ഹെഡ്സും വൈറ്റ് ഹെഡ്സും ഇല്ലാതാക്കാൻ സാധിക്കും.
പുകവലിക്കാർ സൂക്ഷിക്കുക; നിങ്ങളുടെ മുടി വേഗത്തിൽ നരയ്ക്കും!
തേനും പഞ്ചസാരയും ചേർത്ത് മുഖത്തെ കരുവാളിപ്പ് മാറ്റാൻ സാധിക്കുകം. ഇത് എങ്ങനെയാണെന്ന് വെച്ചാൽ തേനിൽ അൽപം പഞ്ചസാര ചേർക്കുക. ഇത് അലിയുന്നതിന് മുമ്പായി മുഖത്ത് നന്നായി തേച്ചു പിടിപ്പിക്കുക. പതിനഞ്ചു മിനിറ്റിന് ശേഷം ഇത് കഴുകിക്കളയുക. ഇത്തരത്തിൽ ചെയ്യുമ്പോൾ നിങ്ങളുടെ മുഖത്തെ കരുവാളിപ്പ് വളരെ പെട്ടെന്ന് തന്നെ മാറിക്കിട്ടും.
തക്കാളി ജ്യൂസും റവയും
തക്കാളി ജ്യൂസും റവയും കൊണ്ട് മുഖത്തെ ചർമ്മത്തിന് നല്ല നിറം നൽകാൻ സാധിക്കും. ഇത് എങ്ങനെയാണെന്ന് നോക്കാം. അരിച്ചെടുത്ത തക്കാളി ജ്യൂസിൽ അൽപം റവ ചേർത്ത് മുഖത്ത് തേച്ച് പിടിപ്പിക്കുക. പത്ത് മിനിറ്റിന് ശേഷം ഇത് ചെറു ചൂടു വെള്ളത്തിൽ കഴുകിക്കളയുക. നിങ്ങളുടെ ചർമ്മത്തിന് നല്ല നിറം നൽകാൻ ഇത് സഹായിക്കും.
എല്ലാ ദിവസവും മുടി കഴുകിയാല് മുടി കൊഴിച്ചിലുണ്ടാകുമോ?
പപ്പായ ചർമ്മത്തിൽ തേച്ച് പിടിപ്പിക്കുക
പലപ്പോഴും ചർമ്മത്തിൽ ഒരുപാട് പ്രശ്നങ്ങളുള്ളവരായിരികകും ആണുങ്ങളിൽ ഭൂരിഭാഗവും. എന്നാൽ ഇവയൊന്നും അത്ര കാര്യമാക്കി എടുക്കാറില്ല എന്നതാണ് സത്യം. എന്നാൽ ഇത്തരത്തിലുള്ള പ്രശ്നങ്ങൾക്ക് വീട്ടിൽ തന്നെ പ്രതിവിധി കാണാൻ സാധിക്കും. വീട്ടിലെ അടുക്കളത്തോട്ടത്തിൽ വളരുന്ന പപ്പായ ഉണ്ടെങ്കിൽ മതി. പഴുത്ത പപ്പായ എടുത്ത് നന്നായി അരച്ച് ചർമ്മത്തിൽ തേച്ച് പിടിപ്പിച്ചാൽ മതി. ഇത് നിങ്ങളുടെ മുഖത്തെ ചർമ്മത്തിനും ശരീരത്തിലെ ചർമ്മത്തിനുംവളരെ ഏറെ ഗുണം ചെയ്യും. പപ്പായ നന്നായി അരച്ചെടുത്ത് മുഖത്തും ചർമ്മത്തിലും തേച്ച് പിടിപ്പിക്കുക. നന്നായി മസ്സാജ് ചെയ്യാൻ ശ്രദ്ധിക്കുക. ഇരുപത് മിനിറ്റിന് ശേഷം ഇത് കഴുകിക്കളയാവുന്നതാണ്. ഇത് നിങ്ങളുടെ ചർമ്മത്തെ തിളക്കമുള്ളതാക്കി മാറ്റാൻ സഹായിക്കും.
ആൺകുട്ടികൾ ഇനി സൌന്ദര്യ കാര്യത്തിലും ഏറെ ശ്രദ്ധിക്കേണ്ടിയിരിക്കുന്നു. കൃത്യമായ സൌന്ദര്യ സംരക്ഷണം ഉണ്ടായാൽ മാത്രമെ നിങ്ങളുടെ ശരീരവും ചർമ്മവും ആരോഗ്യകരമായി നിലനിൽക്കൂ എന്ന് അറിഞ്ഞിരിക്കുക.