ക്യാരറ്റിന്റെ സൗന്ദര്യ ഗുണങ്ങള്‍
ഒരു സമൃദ്ധമായ പോഷക സ്രോതസ്സാണ്ക്യാരറ്റ്. ഇത് ആരോഗ്യത്തിനും സൗന്ദര്യത്തിനും ഒരുപോലെ ഗുണകരമാണ്. ക്യാരറ്റില്‍ ധാരാളം വിറ്റാമിന്‍ എ, സി, ബീറ്റാ-കരോട്ടിന്‍, ആന്റിഓക്സിഡന്റുകള്‍ എന്നിവ അടങ്ങിയിട്ടുണ്ട്. ഇവയെല്ലാം തന്നെ ചര്‍മ്മത്തിന്റെ ആരോഗ്യത്തിന് പ്രധാനമാണ്. ക്യാരറ്റില്‍ അടങ്ങിയ വിറ്റാമിന്‍ എ ചര്‍മ്മത്തിലെ കോശങ്ങളുടെ വളര്‍ച്ചയെ പ്രോത്സാഹിപ്പിക്കുകയും ചര്‍മ്മത്തിന് തിളക്കം നല്‍കുകയും ചെയ്യുന്നു. ക്യാരറ്റില്‍ ഉള്ള പൊട്ടാസ്യം ചര്‍മ്മത്തെ ഈര്‍പ്പമുള്ളതാക്കാന്‍ സഹായിക്കുന്നു. ക്യാരറ്റില്‍ അടങ്ങിയ ആന്റിഓക്സിഡന്റുകള്‍ ചര്‍മ്മത്തെ ഫ്രീ റാഡിക്കലുകളില്‍ നിന്ന് സംരക്ഷിക്കുകയും ചര്‍മ്മത്തില്‍ ചുളിവുകള്‍ വീഴാതെ നല്ല യുവത്വത്തോടെ നിലനിര്‍ത്താന്‍ സഹായിക്കുകയും ചെയ്യുന്നു. അതുപോലെ തന്നെ ക്യാരറ്റില്‍ അടങ്ങിയ വിറ്റാമിനുകള്‍, ധാതുക്കള്‍ എന്നിവ ചര്‍മ്മത്തെ പരിപോഷിപ്പിക്കാന്‍ സഹായിക്കുന്നുണ്ട്. ക്യാരറ്റ് ഉപയോഗിച്ച് തയ്യാറാക്കാവുന്ന ഫേയ്‌സ്പാക്കുകള്‍ എന്തെല്ലാമെന്ന് നോക്കാം.
കണ്ണിനടിയിലെ കറുപ്പകറ്റാന്‍
ക്യാരറ്റും തേനും
ക്യാരറ്റും തേനും ചര്‍മ്മത്തിന്റെ ആരോഗ്യം നിലനിര്‍ത്താന്‍ നല്ലതാണ്. തേന്‍ ചര്‍മ്മത്തെ സോഫ്റ്റാക്കി നിലനിര്‍ത്തുന്നതിനും ചര്‍മ്മത്തിലെ കറുത്തപാടുകള്‍ അകറ്റാനും, ചര്‍മ്മത്തെ മോയ്‌സ്ച്വര്‍ ചെയ്ത് യുവത്വം ഉളളതാക്കി നിലനിര്‍ത്താനും സഹായിക്കുന്നുണ്ട്. ക്യാരറ്റും തേനും ഉപയോഗിച്ച് ചെയ്യാവുന്ന ഒരു സൗന്ദര്യ കൂട്ട് നമ്മള്‍ക്ക് നോക്കാം.
ഇത് തയ്യാറാക്കുന്നതിനായി ക്യാരറ്റ് പേയ്സ്റ്റ് പരുവത്തില്‍ ആക്കി എടുക്കണം. ഇത് ഒരു ടീസ്പൂണ്‍ അടുക്കുക. ഇതിലേയ്ക്ക് ഒരു ടീസ്പൂണ്‍ തേനും ചേര്‍ത്ത് നന്നായി മിക്‌സ് ചെയ്യണം. അതിന് ശേഷം മുഖം നന്നായി കഴുകി ഇത് മുഖത്തും കഴുത്തിലും നന്നായി തേച്ച് പിടിപ്പിക്കുക. ഒരു 15 മിനിറ്റ് കഴിയുമ്പോള്‍ പതുക്കെ മസാജ് ചെയ്ത് കഴുകി കളയാവുന്നതാണ്. മുഖം കഴുകിയതിന് ശേഷം മോയ്‌സ്ച്വറൈസര്‍ പുരട്ടാന്‍ മറക്കരുത്.
ക്യാരറ്റും പാലും
ക്യാരറ്റും പാലും ചേര്‍ത്ത് നിങ്ങള്‍ക്ക് അടിപൊളി ഫേയ്‌സ്പാക്ക് തയ്യാറാക്കാവുന്നതാണ്. ഇതില്‍ പാല്‍ ചേര്‍ക്കുന്നതിനാല്‍ തന്നെ ചര്‍മ്മം മനോഹരമാക്കുന്നതിനും, കറുത്ത പാടുകള്‍ ഇല്ലാതാക്കാനും, ചര്‍മ്മം ക്ലിയറാക്കാനും, സോഫ്റ്റായി നിലനിര്‍ത്താനും ഇത് സഹായിക്കുന്നുണ്ട്.
ഇത് തയ്യാറാക്കുന്നതിനായി ആദ്യം തന്നെ ക്യാരറ്റും പാലും ചേര്‍ത്ത് അരച്ചെടുക്കുക. നല്ല പേയ്റ്റ് പരുവത്തില്‍ ആക്കണം. അതിന് ശേഷം ഇത് മുഖം കഴുകി, മുഖത്ത് നന്നായി തേച്ച് പിടിപ്പിക്കണം. ഒരു 15 മിനിറ്റിന് ശേഷം നിങ്ങള്‍ക്ക് കഴുകി കളയാവുന്നതാണ്. അതിന് ശേഷം മുഖം നന്നായി മസാജ് ചെയ്ത് കൊടുക്കുന്നതും നല്ലതാണ്.
ക്യാരറ്റും കലടപ്പൊടിയും
കടലപ്പൊടിയും ക്യാരറ്റും തമ്മില്‍ നലൊരു ഫേയ്‌സ്പാക്ക് തയ്യാറാക്കി ഉപയോഗിക്കാവുന്നതാണ്. കടലപ്പൊടി മൃതകോശങ്ങള്‍ നീക്കം ചെയ്യുന്നതിനും ചര്‍മ്മം നല്ലപോലെ സോഫ്റ്റായി വരുന്നതിനും സഹായിക്കുന്നുണ്ട്. അതുപോലെ, ചര്‍മ്മത്തിലെ കറുത്ത പാടുകള്‍ നീക്കം ചെയ്യാനും, മുഖക്കുരു ഇല്ലാതാക്കാനും ഇത് സഹായിക്കുന്നു.
ക്യാരറ്റ് അരച്ച് പേയ്സ്റ്റ് പരുവത്തിലാക്കി ഇതിലയ്ക്ക് 1 ടീസ്പൂണ്‍ എടുക്കണം.ഇതിലേയ്ക്ക് ഒരു ടീസ്പൂണ്‍ കടലപ്പൊടിയും കുറച്ച് പാല്‍ പാടയും ചേര്‍ത്ത് മിക്‌സ് ചെയ്ത് മുഖത്ത് പുരട്ടാവുന്നതാണ്. ഒരു 10 മിനിറഅറിന് ശേഷം നിങ്ങള്‍ക്ക് കഴുകി കളയാം. ഇത്തരത്തില്‍ ആഴ്ച്ചയില്‍ രണ്ട് വട്ടം ചെയ്യുന്നത് നല്ല ക്ലിയര്‍ ചര്‍മ്മം ലഭിക്കുന്നതിന് സഹായിക്കും.
ക്യാരറ്റും ബട്ടറും
ക്യാരറ്റും ബട്ടറും ചര്‍മ്മത്തിന്റെ ആരോഗ്യം നിലനിര്‍ത്താന്‍ സഹായിക്കുന്നതാണ്. ബട്ടര്‍ ചര്‍മ്മത്തെ മോയ്‌സ്ച്വറൈസ് ചെയ്ത് നിലനിര്‍ത്തുന്നു. അതുപോലെ തന്നെ നല്ല സോഫ്റ്റാക്കി നിലനിര്‍ത്താനും ചുളിവുകളില്ലാത്ത ചര്‍മ്മം സ്വന്തമാക്കാനും സഹായിക്കുന്നു.
ഇത് തയ്യാറാക്കുന്നതിനായി ആദ്യം തന്നെ ക്യാരറ്റിന്റെ നീര് ഒരു ടീസ്പൂണ്‍ എടുക്കുക. ഇതിലേയ്ക്ക് കുറച്ച് ബട്ടറും ചേര്‍ത്ത് നന്നായി മിക്‌സ് ചെയ്ത് നല്ല തിക്ക് ഫോമിലാക്കണം. ഇത് മുഖത്ത് പുരട്ടി നന്നായി മസാജ് ചെയ്യുക. ചര്‍മ്മത്തില്‍ ഇത് നന്നായി അബ്‌സോര്‍ബ് ആകുന്നത് വരെ മസാജ് ചെയ്യണം. അര മണിക്കൂര്‍ കഴിഞ്ഞ് ഫേയ്‌സ് വാഷ് ഉപയോഗിച്ച് കഴുകി കളയാവുന്നതാണ്.