പാരമ്പര്യം
പാരമ്പര്യമെന്നത് വളരെ വലിയൊരു ഘടകമാണ്. അച്ഛൻ അമ്മമാർക്കോ അല്ലെങ്കിൽ മുത്തശ്ശി മുത്തച്ഛന്മാർക്കോ മുടി നരച്ച അവസ്ഥയുണ്ടായിട്ടുണ്ടെങ്കിൽ അത് മക്കൾക്കും കൊച്ചു മക്കൾക്കും കിട്ടാനുള്ള സാധ്യത തള്ളി കളയാനാകില്ല. 50 മുതൽ 60 ശതമാനമാണ് പാരമ്പര്യ നരയ്ക്കുള്ള സാധ്യത. ഇത്തരത്തിലുള്ള നരയെ മാറ്റാൻ കുറച്ച് ബുദ്ധിമുട്ടായിരിക്കുമെന്ന് ഡോക്ടർ പറയുന്നു. നരച്ച മുടിയെ കറുപ്പിക്കാൻ ബുദ്ധിമുട്ടാണ്, എന്നാൽ മുടി നരയ്ക്കുന്നതിൻ്റെ വേഗത കുറയ്ക്കാൻ ചില കാര്യങ്ങളിൽ ശ്രദ്ധിച്ചാൽ മതിയെന്നും ഡോക്ടർ പറയുന്നുണ്ട്.
പോഷകാഹാരക്കുറവ്
അകാല നരയെ തടയാനുള്ള ഏറ്റവും മികച്ച മാ‍ർഗമാണ് പോഷകാഹാരങ്ങൾ കഴിക്കുക എന്നതാണ്. ആറ് മാസം കൊണ്ടോ അല്ലെങ്കിൽ ഒരു വർഷം കൊണ്ട് എല്ലാ മുടിയും നരച്ച് പോകുന്ന അവസ്ഥയാണ് പേടിക്കേണ്ടത്. ദിവസവും കഴിക്കുന്ന ഭക്ഷണക്രമത്തിൽ ആവശ്യത്തിനുള്ള പോഷകാഹാരങ്ങൾ ഉൾപ്പെടുത്തേണ്ടത് പ്രധാനമാണ്. അയണിൻ്റെ കുറവ് മൂലം മുടി നരയ്ക്കാൻ സാധ്യതയുണ്ട്. ചീര, മുരിങ്ങയില, നെല്ലിക്ക, നാരങ്ങ, മാതളം, ഈന്തപ്പഴം എന്നിവയെല്ലാം ഡയറ്റിൽ സ്ഥിരമായി ഉൾപ്പെടുത്തേണ്ടത് വളരെ പ്രധാനമാണെന്നും ഡോക്ടർ പറയുന്നു. മുടിയുടെ വേരിൽ നിന്നാണ് മുടിയ്ക്ക് ആവശ്യമായ പോഷകങ്ങൾ ലഭിക്കുന്നത്. നന്നായി പരിപാലിച്ചാൽ മാത്രമേ മുടി ആരോഗ്യത്തോടെ ഇരിക്കൂ.
ബദാം, വാൾനട്സ് എന്നിവയെല്ലാം ദൈനംദിന ഭക്ഷണത്തിൽ ഉൾപ്പെടുത്തണം.
ഹെയർ ട്രീറ്റ്മെൻ്റുകൾ
മുടിയിൽ പല തരത്തിലുള്ള ട്രീറ്റ്മെൻ്റുകൾ ചെയ്യുന്നവരാണ് മിക്ക ആളുകളും. മുടിയിൽ ഷാംപൂ ചെയ്യുന്നതിൽ നിന്ന് തന്നെയാണ് കെമിക്കൽ ട്രീറ്റ്മെൻ്റുകൾ ആരംഭിക്കുന്നത്. പാരമ്പര്യമായി നര ഇല്ലാത്തവർക്ക് പോലും ഇത്തരം കെമിക്കൽ ട്രീറ്റ്മെൻ്റുകൾ ചെയ്ത് കഴിയുമ്പോൾ നര കാണാറുണ്ടെന്ന് ഡോക്ടർ പറയുന്നു. മുടിയുടെ രോമകൂപങ്ങൾക്ക് പലപ്പോഴും ഇത്തരം കെമിക്കലുകൾ കാരണം കേടുപാടുകൾ സംഭവിച്ചേക്കാം. ചില പ്രത്യേക ഉത്പ്പന്നങ്ങൾ ഉപയോഗിക്കുമ്പോൾ മുടിയുടെ നിറത്തിൽ വ്യത്യാസം ശ്രദ്ധിയിൽപ്പെട്ടാൽ ആ ഉത്പ്പന്നങ്ങൾ ഉപേക്ഷിക്കാൻ ശ്രമിക്കണം. പ്രൊഫഷണലുകളുടെ അടുത്ത് പോയി മാത്രം ഇത്തരം ട്രീറ്റ്മെൻ്റുകൾ ചെയ്യാൻ ശ്രമിക്കുക. മുടിയ്ക്ക് നിറം നൽകുന്നതും ഒരു പ്രധാന പ്രശ്നമാണ്. വേരിൽ നിന്ന് മുടിയിൽ കളർ ചെയ്യുന്നത് വലിയ കേടുപാടുകൾക്ക് കാരണമാകും.
Also Read: കറ്റാർവാഴയും വെളിച്ചെണ്ണയും ഉപയോഗിച്ച് എളുപ്പത്തിൽ ഹെയർ സെറം തയാറാക്കാം
മാനസിക സമ്മർദ്ദം
പലരും ജോലിയുടെ തിരക്ക് കാരണം മാനസിക സമ്മർദ്ദം അനുഭവിക്കുന്നവരാണ്. എന്നാൽ ഈ മാനസിക സമ്മർദ്ദം മുടി നരയ്ക്കുന്നതിന് ഒരു പ്രധാന കാരണമാണ്. ഭൂരിഭാഗം ആളുകളും ഇത് അത്ര കാര്യമാക്കാറില്ല എന്നതാണ് സത്യം. ഇഷ്ടമുള്ള കാര്യങ്ങൾ ചെയ്ത് മാനസിക സമ്മർദ്ദം കുറയ്ക്കാൻ ശ്രമിക്കേണ്ടത് വളരെ പ്രധാനമാണ്. ഡാൻസ്, പാട്ട് കേൾക്കുക, പുസ്തകം വായിക്കുക എന്നിവയെല്ലാം മാനസിക സമ്മർദ്ദം കുറയ്ക്കാൻ സഹായിക്കുന്ന കാര്യങ്ങളാണ്.
English: Grey hair remedy
കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക.