ചര്‍മ സുഷിരങ്ങളെ അടയ്ക്കാന്‍
ചര്‍മ സുഷിരങ്ങളെ അടയ്ക്കാന്‍ സഹായിക്കുന്ന ഒന്നാണ് ഇത്. ചാർക്കോൾ ഒരു ഫേസ് പാക്കായി നിങ്ങളുടെ മുഖത്ത് പ്രയോഗിക്കുമ്പോൾ, ഇത് മാലിന്യങ്ങളെല്ലാം പൂർണ്ണമായി വലിച്ചെടുക്കുന്നു. എല്ലാ മാലിന്യങ്ങളേയും പുറത്താക്കുന്നത് ഒടുവിൽ സുഷിരങ്ങൾ ചെറുതാവാൻ സഹായിക്കുന്നു. കാലക്രമേണ, ഇത്തരം ചർമ സുഷിരങ്ങൾ പൂർണ്ണമായും അടഞ്ഞ് പോവുകയും നിങ്ങളുടെ ചർമ്മത്തെ കൂടുതൽ മിനുസമാർന്നതും ടോൺ ചെയ്തതുമാക്കി തീർക്കാൻ സഹായിക്കുന്നു ഈയൊരു ഫെയ്സ് പാക്ക്.
ചര്‍മത്തിന് സ്വാഭാവികമായ തിളക്കം
ചര്‍മത്തിന് സ്വാഭാവികമായ തിളക്കം നല്‍കാന്‍ സഹായിക്കുന്ന ഒന്നാണിത്. ഇത് ചര്‍മത്തിലെ വിഷാംശം നീക്കുന്നതാണ് കാരണം. മുഖത്തുണ്ടാകുന്ന ബ്ലാക് ഹെഡ്‌സ്, വൈറ്റ് ഹെഡ്‌സ് എന്നിവയെല്ലാം പരിഹരിയ്ക്കാനും ചാര്‍ക്കോള്‍ ഫേസ് മാസ്ക് ഏറെ നല്ലതാണ്. വൈറ്റ് ഹെഡ്‌സിനെ തടയാനും ഇതേറെ ഗുണകരമാണ്. ചര്‍മത്തിലെ മൃതകോശങ്ങളെ അകറ്റാന്‍ ഇതേറെ നല്ലതാണ്. മുഖത്തുണ്ടാകുന്ന മുറിവുകള്‍ക്ക് ഇത് ആശ്വാസം നല്‍കുന്ന ഒന്നുമാണ്.
മുഖക്കുരു
മുഖക്കുരു പോലുള്ള പ്രശ്‌നങ്ങള്‍ക്ക് ഇത് നല്ലൊരു മരുന്നാണ്. മുഖക്കുരു ഉള്ളവര്‍ക്ക് ഉപയോഗിയ്ക്കാവുന്ന ഒന്നാണിത്. ചർമ്മത്തിലെ അമിതമായ എണ്ണ ഉൽപാദനം മുഖത്തിൽ ഒരുപാട് പ്രശ്നങ്ങളുണ്ടാകാൻ കാരണമാകാറുണ്ട്.ചാർക്കോൾ ക്രീം മാസ്ക് ചർമ്മത്തിൽ പ്രയോഗിക്കുന്നതു വഴി ഇത്തരത്തിലുള്ള അധിക എണ്ണ ഉൽപാദനത്തെ കുറച്ചുകൊണ്ട് ചർമത്തിലെ സെബത്തിന്റെ അളവ് സന്തുലിതമാക്കാൻ സഹായിക്കുന്നു. ചർമത്തിന് ആവശ്യമായ എണ്ണമയം ഉറപ്പാക്കാനും ഇത് സഹായിക്കും.
ഇവ നല്ലതു നോക്കി
ഇവ നല്ലതു നോക്കി വാങ്ങണമെന്നത് പ്രധാനമാണ്. ചിരട്ട കത്തിച്ചുണ്ടാകുന്നതാണ് ഏറ്റവും കൂടുതല്‍ ഗുണകരം. ഓണ്‍ലൈനിലും ചാര്‍ക്കോള്‍ വാങ്ങാന്‍ സാധിയ്ക്കും. സൗന്ദര്യ സംബന്ധമായ ആവശ്യങ്ങള്‍ക്ക് എപ്പോഴും ആക്ടിവേറ്റഡ് ചാര്‍ക്കോള്‍ തന്നെ ഉപയോഗിയ്ക്കുക. സെന്‍സിറ്റീവ് സ്‌കിന്‍ അല്ലെങ്കില്‍ അലര്‍ജിയുള്ള ചര്‍മമെങ്കില്‍ ഇത് നേരെ മുഖത്തിടാതെ ചര്‍മത്തിന്റെ മറ്റേതെങ്കിലും ഭാഗത്ത് പരീക്ഷിച്ച ശേഷം മാത്രം മുഖത്തിടുക. ഇത് വെളിച്ചെണ്ണയില്‍ കലര്‍ത്തി തലയിലും പരീക്ഷിയ്ക്കാം.