തേങ്ങാപ്പാലിൽ
ഇതിനായി വേണ്ടത് തേങ്ങാപ്പാലാണ്. ആരോഗ്യഗുണങ്ങൾ മാത്രമല്ല ചർമത്തിൻ്റെ സൗന്ദര്യ സംരക്ഷണത്തിനും ഏറ്റവും മികച്ച രീതിയിൽ ഗുണം ചെയ്യുന്നതാണ് ഈ ചേരുവ. തേങ്ങാപ്പാലിൽ വൈറ്റമിൻ സി, കാൽസ്യം, അയൺ തുടങ്ങിയ പോഷകങ്ങളെല്ലാം നിറഞ്ഞിരിക്കുന്നു. ഇത് ചർമ്മത്തിൽ ഉണ്ടാവുന്ന പലവിധ അനാരോഗ്യ ലക്ഷണങ്ങളെ എളുപ്പത്തിൽ ഒഴിവാക്കാൻ സഹായിക്കും. ചൊറിച്ചിൽ, സൺ ടാന്നുകൾ തുടങ്ങിയ പ്രശ്നങ്ങളെ നേരിടാൻ ഇതിൻ്റെ ഉപയോഗം മികച്ചതാണ്.
ക്യാരറ്റ്
ഇതില്‍ ചേര്‍ക്കാന്‍ ക്യാരറ്റും വേണം. ആരോഗ്യത്തിനും സൗന്ദര്യത്തിനും മികച്ചതാണ് ക്യാരറ്റ്. ഇതിലെ വൈറ്റമിനുകള്‍ ചര്‍മത്തെ മികച്ചതാക്കുന്നു. ക്യാരറ്റിലെ ബീറ്റാ കരോട്ടിന്‍ സൂര്യന്റെ അള്‍ട്രാവയലറ്റ് രശ്മികളില്‍ നിന്നും ചര്‍മ്മത്തെ സംരക്ഷിയ്ക്കുന്നു. ചര്മ്മത്തിന് നിറ വ്യത്യാസം വരുന്നതിനെ ഇത് തടയും. ക്യാരറ്റില്‍ അടങ്ങിയിട്ടുള്ള വൈറ്റമിന്‍ ഇ, സി, കരോട്ടിന്‍ എന്നിവ സൂര്യപ്രകാശത്തിന്റെദോഷങ്ങളില്‍ നിന്ന് ചര്‍മ്മത്തെ സംരക്ഷിക്കുകയും ചര്‍മ്മത്തില്‍ ജലാംശം നിലനിര്‍ത്തുകയും ചെയ്യും.
ഓറഞ്ചിന്റെ തൊലിയും
ഇതിനൊപ്പം ഇതില്‍ ഓറഞ്ചിന്റെ തൊലിയും ഉപയോഗിയ്ക്കുന്നു. ചര്മ്മത്തിന് ഗുണകരമാകുന്ന നിരവധി ഘടകങ്ങള്‍ ഓറഞ്ച് തൊലിയില്‍ അടങ്ങിയിട്ടുണ്ട്‌. തിളങ്ങുന്ന ചര്‍മ്മം നേടാനുള്ള പ്രകൃതിദത്ത മാര്‍ഗ്ഗമാണിത്‌. വിറ്റാമിന്‍ സി ധാരാളം അടങ്ങിയിട്ടുള്ളതിനാല്‍ മിക്കവാറും എല്ലാ ചര്‍മ്മ സംരക്ഷണ ഉത്‌പന്നങ്ങളിലും ഓറഞ്ച് ഒരു പ്രധാന ചേരുവ ആയിരിക്കും. വീട്ടില്‍ ഉണ്ടാക്കുന്ന ഓറഞ്ച് തൊലി ഫെയ്‌സ്‌ മാസ്‌കും നിങ്ങളുടെ ചര്മ്മത്തിന് ആവശ്യമായ വിറ്റാമിന്‍ സി നല്‍കും. ഇത് മാലിന്യങ്ങള്‍ നീക്കം ചെയ്‌ത്‌ ചര്‍മ്മത്തെ ശുദ്ധമാക്കാനും ചര്മ്മത്തിന് സ്വാഭാവിക തിളക്കം നല്‍കാനും സഹായിക്കും.
ഇതിനായി
ഇതിനായി തേങ്ങാപ്പാല്‍ എടുക്കുക. ഇതിലേയ്ക്ക് ഒരു ക്യാരറ്റ് തൊലി കളഞ്ഞ് കഴുകി ചീകിയെടുക്കുക. ഇത് തേങ്ങാപ്പാലില്‍ ഇടുക. പിന്നീട് ഓറഞ്ച് തൊലിയും ഇതില്‍ ഇടണം. തണലില്‍ വച്ച് ഉണക്കിയെടുത്ത ഓറഞ്ച് തൊലി വേണം ഇതില്‍ ഉപയോഗിയ്ക്കാന്‍. വല്ലാതെ ഉണങ്ങാതെ ഒരു വിധം സോഫ്റ്റായ രീതിയില്‍ ഉണങ്ങിയത് ഉപയോഗിയ്ക്കുക. ഇത് ഇങ്ങനെ 5-6 മണിക്കൂര്‍ വയ്ക്കുക. പിന്നീട് ചെറിയ ചൂടില്‍ തിളപ്പിച്ച് എണ്ണയാക്കി എടുക്കുക. ഇത് അരിച്ചെടുത്ത് ആ മിശ്രിതം കണ്‍തടത്തില്‍ പുരട്ടാം. ഇത് രാത്രിയില്‍ വേണം, ചെയ്യുവാന്‍. പുരട്ടിയ ശേഷം സ്‌ക്രീന്‍ ഉപയോഗിയ്ക്കരുത്. അതായത് കമ്പ്യൂട്ടര്‍, ടിവി എന്നിവ കഴിവതും ഒഴിവാക്കുക. ദിവസവും ചെയ്യാവുന്ന വഴിയാണിത്. രാത്രി പുരട്ടി കിടക്കാം. കണ്‍തടത്തിലെ കരുവാളിപ്പ് മാറാന്‍ ഇതേറെ നല്ലതാണ്. Also read: തേങ്ങാവെള്ളത്തിൽ നാരങ്ങാനീര് ചേർത്ത് മുഖത്ത് പുരട്ടൂ...