ഉലുവ
ഉലുവ മുടിയ്ക്ക് ഏറെ ഗുണകരമാണ്. ഷാംപൂ, കണ്ടീഷണര്‍ ഗുണം മുടിയ്ക്ക് ഒരുപോലെ നല്‍കുന്ന ഒന്നാണ് ഉലുവയെന്നത്. ഉലുവ പ്രത്യേക രീതിയില്‍ ഉപയോഗിയ്ക്കുന്നത് മുടി കൊഴിയുന്നതു തടയും. മുടി വളര്‍ച്ച ത്വരിതപ്പെടുത്തും. താരന്‍ പോലുള്ള പ്രശ്‌നങ്ങള്‍ക്കു നല്ല പരിഹാരമാണ്. മുടിയ്ക്കു തിളക്കവും മൃദുത്വവുമെല്ലാം നല്‍കും. തികച്ചും സ്വാഭാവിക ചേരുവകള്‍ ആയതിനാല്‍ തന്നെ യാതൊരു ദോഷവും മുടിയ്‌ക്കോ തലയ്‌ക്കോ വരുത്തുന്നുമില്ല. ഇത് ഉപയോഗിയ്ക്കാനും വളരെ എളുപ്പമാണ്.ഇത് ഈസ്ട്രജന്‍ സമ്പുഷ്ടമാണ്. മുടിയുടെ വളര്‍ച്ചയ്ക്കും ആരോഗ്യത്തിനും ആവശ്യമായ ഏറെ പോഷകങ്ങള്‍ അടങ്ങിയ ഇത് മുടിയ്ക്കു തിളക്കം നല്‍കാനും നല്ലൊരു ഷാംപൂവിന്റെയും കണ്ടീഷണറുടേയും ഗുണം നല്‍കാനും നല്ലതാണ്.
നാരങ്ങാനീര്
മറ്റൊരു ചേരുവയും തയ്യാറാക്കാം. ഇതിനായി വേണ്ടത് കറ്റാര്‍ വാഴ ജെല്‍, വെളിച്ചെണ്ണ, നാരങ്ങാനീര് എന്നിവയാണ്. ഇവ മൂന്നും മുടിയുടെ ആരോഗ്യത്തിന് മികച്ചതാണ്. നാരങ്ങനീര് പൊതുവേ താരന്‍ നീക്കാന്‍ ഉപയോഗിച്ചു വരുന്ന ഒന്നാണ്. ഇതിലെ സിട്രിക് ആസിഡാണ് ഈ ഗുണം നല്‍കുന്നത്. കറ്റാര്‍ വാഴ ജെല്‍ വൈറ്റമിന്‍ ഇ സമ്പുഷ്ടമായതിനാല്‍ തന്നെയും മുടിയ്ക്ക് സ്വാഭാവിക ഈര്‍പ്പം നല്‍കുന്ന ഒന്നാണ്. വെളിച്ചെണ്ണയും മുടിയ്ക്ക് ഏറെ ഗുണകരമാണ്. ഇവ മൂന്നും ചേര്‍ത്തിളക്കാം. ഇത് ശിരോചര്‍മം മുതല്‍ മുടി വേരുകള്‍ വരെ തേച്ചു പിടിപ്പിയ്ക്കാം. ഇത് ആഴ്ചയില്‍ രണ്ടു മൂന്ന് ദിവസം അടുപ്പിച്ച് ചെയ്യുന്നത് ഗുണം നല്‍കും.