Also Read: Face Packs For Winter : തണുപ്പ് കാലത്ത് മുഖ സംരക്ഷണത്തിന് ഇതാ ചില ഫേസ് പാക്കുകൾ
ആര്യവേപ്പില
നമുക്ക് വളരെ സുലഭമായി ലഭിക്കുന്നതാണ് ആദ്യ ആര്യവേപ്പില. ചര്‍മ്മ സംരക്ഷണത്തിനുള്ള പ്രകൃതിദത്തമായ പരിഹാരമാണ് ആര്യവേപ്പിലയെന്ന് തന്നെ പറയാം. മുഖക്കുരു മാറാനും മുഖത്തെ കറുത്ത പാടുകള്‍ മായാനും മുഖം തിളക്കമുള്ളതാക്കാനുമെല്ലാം ഇത് ഏറെ സഹായിക്കും. ഈ പാക്ക് തയാറാക്കാന്‍ ആര്യവേപ്പിന്റെ പൊടിയാണ് ആവശ്യമായി ഉള്ളത്.
ബാക്ടീരിയകളോടും ഫംഗസിനോടും പൊരുതാനുള്ള കഴിവും ആര്യവേപ്പിലയ്ക്കുണ്ട്.
മഞ്ഞള്‍
മഞ്ഞളിന്റെ ഔഷധ ഗുണങ്ങള്‍ വളരെ പേര് കേട്ടതാണ്. പണ്ട് കാലങ്ങളില്‍ ആളുകള്‍ മുഖത്തും ശരീരത്തിലുമൊക്കെ മഞ്ഞള്‍ തേച്ച് കുളിച്ചിരുന്നു.
രോഗപ്രതിരോധ ശേഷി വര്‍ദ്ധിപ്പിക്കുന്നത് മുതല്‍ മുറിവുകള്‍ ഉണക്കുവാന്‍ സഹായിക്കുന്നത് വരെ, മഞ്ഞളിന് ചെയ്യാന്‍ കഴിയാത്തതായി ഒന്നും തന്നെയില്ല. പ്രധാന ചര്‍മ്മ പ്രശ്‌നങ്ങളായ കറുത്ത പാടുകള്‍, മുഖക്കുരു എന്നിവ അകറ്റുവാനും മഞ്ഞള്‍ സഹായിക്കുന്നു.
കറ്റാര്‍വാഴ ജെല്‍
മുടിക്കും ചര്‍മ്മത്തിനും എന്ത് പ്രശ്‌നം വന്നാലും അത് പരിഹരിക്കാന്‍ കറ്റാര്‍വാഴ കഴിഞ്ഞേ മറ്റ് എന്തും ഉള്ളൂ. കറ്റാര്‍വാഴയുടെ ഗുണങ്ങള്‍ അത്രയ്ക്ക് വലുതാണ്. മുഖത്തെ പാടുകളും മുഖക്കുരുവും അകറ്റാന്‍ കറ്റാര്‍ വാഴ ഉപയോഗിക്കാവുന്നതാണ്. കണ്ണിനടിയിലെ കറുപ്പ് നിറം മാറ്റാനും ഇത് സഹായിക്കും. ചര്‍മ സൗന്ദര്യം നിലനിര്‍ത്താന്‍ ആവശ്യമായ വൈറ്റമിന്‍ എ,ബി,സി എന്നിവ കറ്റാര്‍വാഴയില്‍ അടങ്ങിയിട്ടുണ്ട്.
അമിതമായി വെയില്‍ ഏൽക്കുന്നത് മൂലവും ചില കടുത്ത രാസവസ്തുക്കള്‍ അടങ്ങിയ ഉത്പന്നങ്ങള്‍ മുഖത്ത് ഉപയോഗിക്കുന്നതിനാലും ചര്‍മ കോശങ്ങള്‍ നിർജീവമാകും. ഈ പ്രശ്‌നം ഒരു പരിധി വരെ തടയാനും കറ്റാര്‍വാഴ സഹായിക്കും.
എങ്ങനെയാണ് ഈ ഫേസ് പാക്ക് ഇടുന്നതെന്ന് നോക്കാം?
ഫേസ് പാക്ക് ഇടുന്നതിന് മുന്‍പ് രാവിലെ മുഖം കഴുകി വ്യത്തിയാക്കിയ ശേഷം ഒരു കോട്ടണ്‍ തുണിയില്‍ ഐസ്‌ക്യൂബ് പൊതിഞ്ഞ ശേഷം മുഖത്ത് പുരട്ടണം. നേരിട്ട് മുഖത്തേക്ക് ഐസ ക്യൂബ് ഉപയോഗിക്കാന്‍ പാടില്ല.
ഒരു ബൗളില്‍ കുറച്ച് ആര്യവേപ്പില ഒരു അല്‍പ്പം മഞ്ഞള്‍ പൊടിയും എടുക്കുക. ഇതിന് ശേഷം ഇതിലേക്ക് ആവശ്യത്തിന് റോസ് വാട്ടര്‍ ഉപയോഗിച്ച് പേസ്റ്റ് രൂപത്തിലാക്കുക. ഇത് മുഖത്ത് പുരട്ടി ഉണങ്ങിയ ശേഷം കഴുകി കളയാം.
ഇതിന് ശേഷം ഒരു ബൗളില്‍ ആവശ്യത്തിന് കറ്റാര്‍ വാഴ ജെല്‍ എടുത്ത് അതിലേക്ക് രണ്ടോ മൂന്നോ തുള്ളി ടീ ട്രീ ഓയിലും വൈറ്റമിന്‍ ഇ ഓയിലും ചേര്‍ക്കുക. ഇവയെല്ലാം കൂടെ യോജിപ്പിച്ച ശേഷം ഇത് മുഖത്ത് തേച്ച് പിടിപ്പിക്കാം. ഈ മിശ്രിതം ഫ്രിഡ്ജില്‍ സൂക്ഷിച്ച ശേഷം ആവശ്യാനുസരണം ഉപയോഗിക്കാവുന്നതാണ്. ഇതൊരു മോയ്ചറൈസ് പോലെ നിങ്ങള്‍ക്ക് ഉപയോഗിക്കാവുന്നതാണ്.