മുടി കറുപ്പിക്കാനും മുടി കൊഴിച്ചിൽ മാറ്റാനും നെല്ലിക്ക മാജിക്

പല കാരണങ്ങൾ കൊണ്ട് മുടിയിൽ നരയും മുടി കൊഴിച്ചിലുമുണ്ടാകും. പാരമ്പര്യമാണ് ഇതിൻ്റെ പ്രധാന കാരണം. ജീവിതശൈലിയിലെ മാറ്റങ്ങളും, പോഷക ആഹാര കുറവും, അന്തരീക്ഷ മലിനീകരണവുമൊക്കെ മുടിയുടെ നരയ്ക്ക് പിന്നിലെ മറ്റ് കാരണങ്ങളാണ്. മുടി കൊഴിയുന്നതിനും ഇത് പ്രധാന കാരണമാണെന്ന് തന്നെ പറയാം. ഹെയർ ഫോളിക്കിളുകൾക്ക് ആവശ്യമായ പോഷകങ്ങൾ നൽകുന്നതിലൂടെ മുടി നരയ്ക്കുന്നതിൻ്റെ ലക്ഷണങ്ങൾ ഇല്ലാതാക്കാം. മുടി നരയ്ക്കുന്നത് പ്രതിരോധിക്കാനും മുടിയുടെ സ്വാഭാവിക നിറം വീണ്ടെടുക്കാനും ഇത് വളരെയധികം സഹായിക്കും. പാർശ്വഫലങ്ങളില്ലാതെ വീട്ടിൽ തന്നെ ഇതിന് പരിഹാര മാർ​ഗങ്ങൾ കണ്ടെത്താം എന്നതാണ് സത്യം.

മുടിയുടെ ആരോഗ്യത്തിൽ ഏറ്റവും പ്രധാനിയാണ് നിൽക്കുന്നതാണ് നെല്ലിക്ക. വൈറ്റമിൻ സിയാൽ സമ്പുഷ്ടമാണ് നെല്ലിക്ക. ഏറെ പ്രകൃതിദത്തമായ രീതിയിൽ മുടിയെ വളർത്തിയെടുക്കാൻ നെല്ലിക്കയിൽ അടങ്ങിയിരിക്കുന്ന പല ഘടകങ്ങൾക്കും കഴിയും. അകാല നര അകറ്റാനുള്ള പരിഹാര മാർഗം കൂടിയാണ് നെല്ലിക്ക. പണ്ട് മുതലെ മുത്തശ്ശിമാരൊക്കെ നെല്ലിക്കയിട്ട് കാച്ചിയ എണ്ണ ഉപയോഗിക്കാറുണ്ട്. ഇരുമ്പ്, ഫോസ്ഫറസ്, കാൽസ്യം, വൈറ്റമിൻ സി തുടങ്ങി മുടിയ്ക്ക് ആവശ്യത്തിനായ പല പോഷകങ്ങളും നെല്ലിക്കയിൽ അടങ്ങിയിട്ടുണ്ട്. രക്തം ശുദ്ധീകരിച്ച് അകാല നര മാറ്റാനും മുടിയുടെ സ്വഭാവിക നിറം വർധിപ്പിക്കാനും നെല്ലിക്കയ്ക്ക് സാധിക്കും. താരൻ്റെ പ്രശ്നം മാറ്റാനും നെല്ലിയ്ക്ക നല്ലതാണ്. ഇതിൽ അടങ്ങിയിട്ടുള്ള വൈറ്റമിൻ സി മുടിയുടെ അകാല നര മാറ്റാൻ ഏറെ മികച്ചതാണ്.

കറികളിൽ നല്ല മണവും രുചിയും കിട്ടാൻ ഉപയോഗിക്കുന്ന ഒന്നാണ് കറിവേപ്പില. പോഷകങ്ങളുടെ കലവറയെന്നാണ് പൊതുവെ കറിവേപ്പില അറിയപ്പെടുന്നത്. പൊതുവെ എല്ലാ വീടുകളിലും കറിവേപ്പില കണ്ടുവരാറുണ്ട്. അടുക്കള തോട്ടത്തിലെ പ്രധാനിയമാണ് കറിവേപ്പില എന്ന് തന്നെ പറയാം. കറികളിൽ മാത്രമല്ല മുടിയിലും അത്ഭുതങ്ങൾ സൃഷ്ടിക്കാൻ കറിവേപ്പിലയ്ക്ക് കഴിയും. ആന്റിഓക്‌സിഡന്റുകളാലും പ്രോട്ടീനുകളാലും സമ്പന്നമാണ് കറിവേപ്പില. മുടിയിലെ പല പ്രശ്നങ്ങളും ഇല്ലാതാക്കാൻ കറിവേപ്പിലയ്ക്ക് കഴിയും. ഇതിലടങ്ങിയിരിക്കുന്ന ആന്റിഓക്‌സിഡന്റുകൾ ഫ്രീ റാഡിക്കലുകളെ നിർവീര്യമാക്കുകയും മുടിയെ ആരോഗ്യമുള്ളതും ബലമുള്ളതുമാക്കി മാറ്റുകയും ചെയ്യുന്നു. മുടിയിലെ അകാല നരമാറ്റാനും സ്വാഭാവിക നിറം നിലനിർത്താനും കറിവേപ്പില വളരെയധികം സഹായിക്കും.

Also Read: മുട്ട ആളൊരു കേമനാണ്, മുടി കൊഴിച്ചിൽ എളുപ്പത്തിൽ മാറ്റാൻ ചില മുട്ട പ്രയോഗങ്ങൾ​

മുടി കറുപ്പിക്കാനും മുടി വളരാനും സഹായിക്കുന്ന നെല്ലിക്കയും കറിവേപ്പിലയും ചേർത്തുള്ള ഒരു ഈസി ഹെയർ പാക്കാണിത്.

പച്ച നെല്ലിക്ക ചെറിയ കഷണങ്ങളാക്കി അരിഞ്ഞ് എടുക്കുക. ഇതിന് ശേഷം ആവശ്യത്തിന് കറിവേപ്പിലയും എടുക്കുക. ഈ രണ്ട് ചേരുവകളും മിക്സിയിലിട്ട് അരച്ച് എടുക്കുക. വെള്ളം ചേർക്കാതെ ഈ മിശ്രിതം അരച്ച് എടുത്ത ശേഷം അരിയ്ക്കണം. ഈ നീര് മുടിയിലും തലയോട്ടിയിലും നന്നായി തേച്ച് പിടിപ്പിക്കുക. 20 മിനിറ്റിന് ശേഷം സാധാരണ വെള്ളത്തിൽ ഇത് കഴുകി കളയാവുന്നതാണ്. ദിവസവും ഇത് മുടിയിൽ ഉപയോഗിക്കാവുന്നതാണ്. മുടിയ്ക്ക് നല്ല കറുപ്പ് നിറം കിട്ടാനും അതുപോലെ മുടികൊഴിച്ചിൽ, താരൻ എന്നീ പ്രശ്നങ്ങൾ ഇല്ലാതാക്കാനും ഇത് വളരെയധികം സഹായിക്കും.

English Summary: Grey hair remedy

Disclaimer: പൊതു വിവരങ്ങളുടെ അടിസ്ഥാനത്തിലാണ് ഈ ലേഖനം തയാറാക്കിയിരിക്കുന്നത്. ഉപയോഗിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.

​കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക. ​