മുടിക്ക് തിളക്കം കൂട്ടാനും ബലവും നീളവും ലഭിക്കാനും തൈര് കൊണ്ടൊരു വിദ്യ

തൈരിൻ്റെ ആരോ​ഗ്യ ​ഗുണങ്ങൾ പറഞ്ഞ് അറിയിക്കാൻ പറ്റില്ല. ദഹനത്തിനും കുടലിൻ്റെ പ്രവർത്തനങ്ങൾക്കുമൊക്കെ തൈര് ഏറെ മികച്ചതാണ്. മുടിയുടെ പല പ്രശ്നങ്ങൾക്കുമുള്ള പ്രകൃതിദത്തമായ പരിഹാരമാണ് തൈര് എന്ന് തന്നെ പറയാം. മുടികൊഴിച്ചിൽ മാറ്റി മുടി ഇടതൂർന്ന് വളരാൻ തൈര് വളരെയധികം സഹായിക്കും. ഇത് മാത്രമല്ല തലയ്ക്ക് നല്ല തണുപ്പ് ലഭിക്കാനും തൈര് ഏറെ മികച്ചതാണ്. മുടിയുടെ വരൾച്ച മാറ്റാനും തൈര് ഏറെ നല്ലതാണ്. ഇതിൽ അടങ്ങിയിരിക്കുന്ന പ്രോബയോട്ടിക് ബാക്ടീരിയകൾ മുടിയുടെ സാന്ദ്രത വർധിപ്പിക്കാൻ സഹായിക്കും. തലയോട്ടിയിലെ പിഎച്ച് ലെവൽ സന്തുലിതമാക്കാൻ തൈര് വളരെയധികം സഹായിക്കും.

നിരവധി ഔഷധ ​ഗുണങ്ങളാൽ സമ്പുഷ്ടമാണ് തേൻ. വളരെയധികം ആരോ​ഗ്യ പ്രശ്നങ്ങൾക്കും പരിഹാരം നൽകാൻ തേനിന് കഴിയും. മുടിയുടെ കേടുപാടുകൾ പരിഹരിക്കുന്നതിനും തലയോട്ടിയുടെ ആരോ​ഗ്യം മെച്ചപ്പെടുത്താൻ തേൻ ഏറെ നല്ലതാണ്. നിരവധി ആൻ്റി ഓക്സിഡൻ്റുകളാൽ സമ്പന്നമാണ് തേൻ. പ്രോട്ടീനുകളും ധാതുക്കളാലും വൈറ്റമിനുകളും സമ്പുഷ്ടമായ തേൻ മുടികൊഴിച്ചിൽ മാറ്റാൻ വളരെയധികം സഹായിക്കും. തലയോട്ടിയിലെയും മുടിയിലെയും അണുബാധയെ ചെറുക്കാൻ ഏറെ നല്ലതാണ് തേൻ.

മുടി വളരാൻ ഏറെ മികച്ചതാണ് ആവണ്ണക്കെണ്ണ. ഇതിൽ ധാരാളമായി റിച്ചിനോലിക് ആസിഡും ഒമേഗ 6 അവശ്യ ഫാറ്റി ആസിഡുകളും അടങ്ങിയിട്ടുണ്ട്. ഇത് ശിരോചർമ്മത്തിലേക്കുള്ള രക്തചംക്രമണം ത്വരിതപ്പെടുത്താൻ വളരെയധികം സഹായിക്കും. ഇത് മുടി വളരാൻ ഏറെ നല്ലതാണ്. അവശ്യ പോഷകങ്ങളുടെ സഹായത്തോടെ ശിരോചർമ്മം പോഷിപ്പിക്കുന്നതിനും വേരുകളെ ശക്തിപ്പെടുത്തുന്നതിനും ഇത് പ്രവർത്തിക്കുന്നു. ഇതിൽ അടങ്ങിയിരിക്കുന്ന ആൻ്റി ബാക്ടീരിയൽ, ആൻറി ഫംഗസ്, ആൻറിവൈറൽ ഗുണങ്ങൾ ശിരോചർമ്മത്തിലെ അണുബാധകളെ ഇല്ലാതാക്കാൻ വളരെയധികം സഹായിക്കും. താരനെ ഇല്ലാതാക്കാനും ആവണക്കെണ്ണ സഹായിക്കും.

മുടി വളർച്ചയ്ക്ക് ഏറ്റവും മികച്ചതാണ് വെളിച്ചെണ്ണ. പച്ച വെളിച്ചെണ്ണ വെറുതെ മുടിയിൽ തേച്ച് കുളിക്കുന്ന നിരവധി ആളുകളുണ്ട്. മുടിയെ വേരിൽ നിന്ന് ബലപ്പെടുത്താൻ ഇത് വളരെയധികം സഹായിക്കും. എല്ലാ വീട്ടിലും പൊതുവെ കാച്ചിയ വെളിച്ചെണ്ണ ആണ് ഉപയോ​ഗിക്കുന്നത്. നല്ല രീതിയിൽ മുടി വളരാൻ വെളിച്ചെണ്ണയ്ക്കൊപ്പം നിരവധി ചേരുവകൾ ചേർക്കാറുണ്ട്. മുടിക്കും ചർമ്മത്തിനും ഒക്കെ പോഷകങ്ങൾ പകരുന്ന ആരോഗ്യ ഗുണങ്ങൾ വെളിച്ചെണ്ണയിൽ ധാരാളം അടങ്ങിയിട്ടുണ്ട്. വെളിച്ചെണ്ണ നേരിട്ട് പ്രയോഗിക്കുന്നത് ചർമസുഷിരങ്ങളിലൂടെയും തലമുടിയുടെ രോമകൂപങ്ങളിലൂടെയും നേരിട്ട് ഇറങ്ങിച്ചെന്ന് ഉണ്ടാകാൻ സാധ്യതയുള്ള ആരോഗ്യപ്രശ്നങ്ങളെ കുറയ്ക്കാൻ സഹായിക്കുന്നു.

ചർമ്മത്തിന്റെയും മുടിയുടെയും മിക്ക പ്രശ്നങ്ങൾക്കുമുള്ള പരിഹാരമാണ് കറ്റാർവാഴ. തലയോട്ടിയിൽ ധാരാളം ആൻ്റി ഇൻഫ്ലമേറ്ററി ഗുണങ്ങൾ കറ്റാർവാഴയിൽ അടങ്ങിയിട്ടുണ്ട്. താരൻ, മുടികൊഴിച്ചിൽ തുടങ്ങി പല പ്രശ്നങ്ങൾക്കുള്ള പരിഹാരമാണ് കറ്റാർവാഴയിൽ അടങ്ങിയിട്ടുള്ളത്. ശിരോചർമത്തിൽ ഉണ്ടാവുന്ന പ്രകോപനങ്ങളെ ഇല്ലാതാക്കാൻ കറ്റാർവാഴയ്ക്ക് കഴിയും. അമിതമായ എണ്ണ ഉത്പാദനം ഇല്ലാതാക്കാനും ഇത് സഹായിക്കും.

Also Read: മുട്ട ആളൊരു കേമനാണ്, മുടി കൊഴിച്ചിൽ എളുപ്പത്തിൽ മാറ്റാൻ ചില മുട്ട പ്രയോഗങ്ങൾ

ഒരു മിക്സിയിൽ ഒരു ബൗൾ തൈര്, 1 ടേബിൾ സ്പൂൺ വെളിച്ചെണ്ണ, 1 ടീ സ്പൂൺ ആവണ്ണക്കെണ്ണ, 2 ടേബിൺ സ്പൂൺ കറ്റാർവാഴ ജെൽ എന്നിവ നന്നായി അരച്ച് എടുക്കുക. ഇതെല്ലാം പേസ്റ്റ് രൂപത്തിലാക്കി മുടിയിലും തലയോട്ടിയിലും തേച്ച് പിടിപ്പിക്കുക. 30 മിനിറ്റ് വച്ച ശേഷം ഷാംപുവും കണ്ടീഷണറും ഉപയോഗിച്ച് മുടി നന്നായി കഴുകി വ്യത്തിയാക്കാം. രണ്ട് മൂന്ന് ഉപയോഗത്തിൽ തന്നെ മുടിയ്ക്ക് നല്ല തിളക്കവും മൃദുത്വവും നൽകാൻ ഇത് വളരെയധികം സഹായിക്കും.

English Summary: Hair mask for smooth hair

Disclaimer: പൊതുവിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. ഏതെങ്കിലും പാക്കുകൾ പരീക്ഷിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.

​കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക.