Also Read: Hair fall remedy: മുടികൊഴിച്ചിൽ മാറ്റണോ? വെറും 5 മിനിറ്റിൽ ചെയ്യാൻ കഴിയുന്ന പാക്കിതാ...
ആര്യവേപ്പിലയും കറ്റാര്‍വാഴയും
എല്ലാ വീടുകളിലും വളരെ സുലഭമായി ലഭിക്കുന്നതാണ് ആര്യവേപ്പും കറ്റാര്‍ വാഴയും. നിരവധി ആരോഗ്യഗുണങ്ങളുള്ള ഇലയാണ് ആര്യവേപ്പ്. മുടിയുടെയും ചര്‍മ്മത്തിന്റെയുമൊക്കെ പല പ്രശ്‌നങ്ങള്‍ക്കും പരിഹാരമാകാന്‍ ആര്യവേപ്പിന് കഴിയാറുണ്ട്. മുടിയുടെ സംരക്ഷണത്തിനുള്ള പട്ടികയില്‍ ഒന്നാം സ്ഥാനത്താണ് കറ്റാര്‍വാഴ. താരന്‍ മുടികൊഴിച്ചില്‍ വരള്‍ച്ച തുടങ്ങി പല പ്രശ്‌നങ്ങള്‍ക്കും കറ്റാര്‍വാഴ പരിഹാരമാകാറുണ്ട്.
പാക്ക് തയാറാക്കുന്ന വിധം
കുറച്ച് ആര്യവേപ്പില കഴുകി വ്യത്തിയാക്കിയ ശേഷം അതിലേക്ക് കുറച്ച് കറ്റാര്‍ വാഴയുടെ ജെല്‍ ചേര്‍ക്കുക. വീട്ടില്‍ തന്നെ വളര്‍ത്തുന്നതാണ് ഏറ്റവും മികച്ച റിസള്‍ട്ട് നല്‍കുന്നത്. കറ്റാര്‍വാഴയുടെ തണ്ടില്‍ നിന്ന് ജെല്‍ മാത്രം ഒരു സ്പൂണ്‍ ഉപയോഗിച്ച് അടര്‍ത്തി എടുക്കുക. അതിന് ശേഷം ഇവ രണ്ടും മിക്‌സിയില്‍ നന്നായി അരച്ച് എടുക്കുക. ഇത് തലയില്‍ തേച്ച് കുറച്ച് സമയത്തിന് ശേഷം കഴുകി കളയാം.
സവാള നീര്
സവാള ഇല്ലാത്ത ഒരു കറിയെ കുറിച്ച് നമുക്ക് ചിന്തിക്കാന്‍ കഴിയില്ല. മലയാളികളുടെ അടുക്കളയില്‍ വളരെ വലിയ പങ്കാണ് സവാളയ്ക്കുള്ളത്.
ഉളളിയില്‍ മുടി വളരാന്‍ സഹായിക്കുന്ന സള്‍ഫര്‍, വൈറ്റമിന്‍ സി, ആന്റി ഓക്സിഡന്റുകള്‍, മിനറലുകള്‍ തുടങ്ങിയ പല ഘടകങ്ങളും അടങ്ങിയിട്ടുണ്ട്. സള്‍ഫര്‍ മുടി കൊഴിച്ചില്‍ തടയാന്‍ ഏറെ നല്ലതാണ്. മാത്രമല്ല ഇതിന് ആന്റി ഫംഗല്‍, ആന്റി ബാക്ടീരിയല്‍ ഗുണങ്ങളുമുണ്ട്. സള്‍ഫര്‍ തലയിലെ രക്തയോട്ടം വര്‍ദ്ധിപ്പിക്കാന്‍ സഹായിക്കും. തന്മൂലം മുടിയുടെ വളര്‍ച്ച കൂടുതല്‍ വേഗത്തിലാകുകയും ചെയ്യും.
പാക്ക് തയാറാകുന്ന വിധം
നിങ്ങളുടെ മുടിയുടെ നീളത്തിന് അനുസരിച്ച് സവാള എടുക്കാം. ഇതി ചെറുതായി അരിഞ്ഞ് മിക്‌സിയിലിട്ട് അരച്ച് എടുക്കുക. ഇതിന് ശേഷം ഒരു അരിപ്പ ഉപയോഗിച്ച് ഇതിന്റെ നീര് അരിച്ച് എടുക്കാം. ഇതിന് ശേഷം തലയോട്ടിയിലും മുടിയിലും ഇത് തേച്ച് പിടിപ്പിക്കാവുന്നതാണ്. പഞ്ഞ് ഉപയോഗിച്ചോ അല്ലെങ്കില്‍ കൈ കൊണ്ടോ ഇത് തേച്ച് പിടിപ്പിക്കാം. ചിലരുടെ മുടിക്ക് ഇത് നല്ല ഗുണം ചെയ്യാറുണ്ട്. ഇതിന ശേഷം മുടി വെള്ളത്തില്‍ കഴുകാം.
കഞ്ഞിവെള്ളം പാക്ക്
അടുക്കളയില്‍ ചോര്‍ ഊറ്റിയ ശേഷം വെറുതെ കളയുന്ന കഞ്ഞിവെള്ളം മുടിയുടെ ആരോഗ്യത്തിനും മുടി വളര്‍ച്ചയ്ക്കും ഏറ്റവും മികച്ച പരിഹാരമാണ്. ചോര്‍ ഊറ്റിയ കഞ്ഞിവെള്ളം എടുത്ത ശേഷം ഇതിലേക്ക് അല്‍പ്പം ഉലുവ ചേര്‍ത്ത് ഒരു രാത്രി വയ്ക്കുക. അതിന് ശേഷം ഈ കഞ്ഞിവെള്ളം തലയില്‍ തേച്ച് പിടിപ്പിക്കുക. ആദ്യം തലയില്‍ എണ്ണ തേച്ച ശേഷം വേണം ഇത് തേയ്‌ക്കേണ്ടത്.
തലയോട്ടിയിലും തലയിലും ഇത് നന്നായി തേച്ച് പിടിപ്പിച്ച് 20 മിനിറ്റ് വച്ച ശേഷം കഴുകി കളയാം. ഷാംപൂ ഉപയോഗിക്കാതെ സാധാരണ വെള്ളത്തില്‍ കഴുകി എടുക്കാം.
ഉലുവ- കറിവേപ്പില പാക്ക്
താരനും മുടികൊഴിച്ചിലും എളുപ്പത്തില്‍ കളയാന്‍ ഉപയോഗിക്കുന്നതാണ് ഉലുവ. അടുക്കളയിലെ കറികളില്‍ മാത്രമല്ല മുടി സംരക്ഷണത്തിനും ഉലുവ ഒരു നല്ല പരിഹാര മാര്‍ഗമാണ്.
പാക്ക് തയാറാക്കുന്ന വിധം
ഒരു പാത്രം എടുത്ത് അതിലേക്ക് ഒരു സ്പൂണ്‍ ഉലുവ പൊടി എടക്കുക. പൊടി ഇല്ലെങ്കില്‍ ഒരു സ്പൂണ്‍ ഉലുവ എടുത്ത് വെള്ളത്തില്‍ കുതിര്‍ത്ത് അരച്ചും എടുക്കാം. 10 മിനിറ്റിന് ശേഷം ഇതിലേക്ക് കറിവേപ്പില അരച്ച് എടുത്ത് അതിന്റെ നീരും കൂടെ ചേര്‍ക്കുക. കറിവേപ്പില നീര് ചേര്‍ത്ത് ഉലുവ കുതിര്‍ത്ത് വെള്ളത്തിലേക്ക് ചേര്‍ത്ത ശേഷം ഒരു തുണി ഉപയോഗിച്ച് ഈ മിശ്രിതം അരിച്ച് എടുത്ത് തലയില്‍ തേയ്ക്കാം. തലമുടിയിലും തലയോട്ടിയിലും ഇത് തേച്ച് പിടിപ്പിച്ച 15 മിനിറ്റിന് ശേഷം സാധാരണ വെള്ളത്തില്‍ കഴുകി കളയാം.