Also Read: Hair Fall Remedy: മുടിയുടെ പ്രശ്നങ്ങൾ എളുപ്പത്തിൽ പരിഹരിക്കാൻ സവാള എണ്ണ; ഗുണങ്ങൾ അറിയൂ...
കറുവയില
അടുക്കളയില്‍ കറികള്‍ക്കൊക്കെ ഉപയോഗിക്കുന്നതാണ് കറുവയില. എന്നാല്‍ മുടിയുടെ സൗന്ദര്യ സംരക്ഷണത്തിനും കറുവയില ഉപയോഗിക്കാന്‍ കഴിയും. പല പ്രശ്‌നങ്ങള്‍ക്കും പ്രകൃതിദത്തമായ പരിഹാരമാര്‍ഗം കൂടിയാണ് കറുവയില നല്‍കുന്നത്. തലയിലെ താരന്‍ മാറ്റുന്നതില്‍ പ്രധാനിയാണ് കറുവയില. ഇതിന്റെ പൊടിയും താരനകറ്റാന്‍ പലരും ഉപയോഗിക്കാറുണ്ട്.
ഗ്രാമ്പു
കറികള്‍ക്ക് നല്ല മണം നല്‍കാന്‍ പലരും ഗ്രാമ്പൂ ഉപയോഗിക്കാറുണ്ട്. ഗ്രാമ്പുവിന്റെ ആരോഗ്യ ഗുണങ്ങള്‍ വളരെ പ്രശസ്തമാണ്. അതുപോലെ മുടിയുടെ പ്രശ്‌നങ്ങള്‍ക്കും ഗ്രാമ്പൂ ഒരു പരിഹാര മാര്‍ഗമാണ്.
മുടി നല്ലതു പോലെ വളര്‍ത്താന്‍ സഹായിക്കുന്ന ആന്റിഓക്സിഡന്റുകള്‍ അടങ്ങിയ ഒന്നാണ് ഗ്രാമ്പൂ അഥവാ കരയാമ്പൂ. ഈ പ്രത്യേക ചേരുവയ്ക്കായി രണ്ടു കൂട്ടുകള്‍ ഉപയോഗിയ്ക്കാം. ആദ്യത്തേതിന് ഗ്രാമ്പൂ, കാപ്പിപ്പൊടി എന്നിവയാണ് വേണ്ടത്.
ഇഞ്ചി
ഇഞ്ചി നല്‍കുന്ന ആരോഗ്യ ഗുണങ്ങള്‍ ഒട്ടനവധിയാണ് എന്ന കാര്യം എല്ലാവരും സമ്മതിക്കും. എന്നാല്‍ കേശ പരിപാലനത്തിന്റെ കാര്യത്തിലും ഇഞ്ചി ഫലപ്രദമാണ് എന്ന് പറഞ്ഞാല്‍ ഒരുപാടുപേര്‍ വിശ്വസിക്കാന്‍ മടിക്കും
ഇഞ്ചിയിലെ പ്രധാന ആന്റിഓക്സിഡന്റായ ജിഞ്ചെറോള്‍ നിങ്ങളുടെ തലയോട്ടിലെ രക്തചക്രമണത്തിന് ഉത്തേജനം നല്‍കുകയും തലമുടിയുടെ കോശങ്ങള്‍ക്ക് കേടുപാടുകള്‍ വരുത്തുന്ന ഫ്രീ റാഡിക്കലുകളെ ചെറുക്കാന്‍ സഹായിക്കുകയും ചെയ്യുന്നു. മുടി വളര്‍ച്ചയ്ക്ക് ഇഞ്ചി സഹായിക്കും. താരന്‍ മാറ്റി നല്ല മുടി വളരാനും ഇഞ്ചി ഉപയോഗിക്കുന്നതിലൂടെ കഴിയും.
സ്പ്രേ തയാറാക്കുന്ന വിധം
ആദ്യം ഒരു ഗ്ലാസ് വെള്ളം പാനില്‍ ഒഴിച്ച് ചൂടായി വരുമ്പോള്‍ ഇതിലേക്ക് ആദ്യം കറുവയില ചേര്‍ക്കുക.
ഇത് തിളച്ച് വെള്ളത്തിന്റെ നിറം മാറുമ്പോള്‍ ഗ്രാമ്പുവും ഇഞ്ചിയും ചേര്‍ത്ത് നന്നായി തിളപ്പിക്കുക. വെള്ളത്തിന്റെ നിറം മാറുന്നത് വരെ തിളപ്പിച്ച ശേഷം അരിച്ച് എടുക്കുക. ഇതിന് ശേഷം ഒരു ചെറിയ സ്പ്രേ ബോട്ടിലിലേക്ക് ഇത് മാറ്റാം.
ഈ വെള്ളം തണുക്കുമ്പോള്‍ തലയില്‍ സ്പ്രേ ചെയ്ത് പതുക്ക് മസാജ് ചെയ്ത് കൊടുക്കുക. 20 മിനിറ്റിന് ശേഷം വീര്യം കുറഞ്ഞ ഷാംപൂ ഉപയോഗിച്ച് ഇത് കഴുകി കളയാം. ആഴ്ചയില്‍ രണ്ട് തവണയോ അല്ലെങ്കില്‍ ഒരിക്കലോ ഇത് ഉപയോഗിക്കാവുന്നതാണ്.