മുട്ട
ജീവിത ശൈലിയിലെ മാറ്റങ്ങളാണ് പലപ്പോഴും മുടിയുടെ ആരോഗ്യം ഇല്ലാതാക്കുന്നത്. മുടി നന്നായി തഴച്ച് വളരാൻ നല്ല പ്രോട്ടീനും വൈറ്റമിനുകളും കഴിക്കേണ്ടത് വളരെ പ്രധാനമാണ്. മുടിയുടെ പലവിധ പ്രശ്നങ്ങൾ അകറ്റാനും മുടി നന്നായി തഴച്ച് വളരാനും ഉപയോഗിക്കാവുന്നതാണ് മുട്ട. മുട്ടയിൽ അടങ്ങിയിരിക്കുന്ന പ്രോട്ടീൻ, ബയോട്ടിൻ തുടങ്ങിയവ മുടിയുടെ ആരോഗ്യവും ഭംഗിയും വീണ്ടെടുക്കാൻ വളരെയധികം സഹായിക്കും. ഇത് കൂടാതെ ശിരോചർമ്മത്തിലെ സ്വാഭാവിക എണ്ണ നിലനിർത്താനും മുടി പൊട്ടൽ കുറയ്ക്കാനും മുടി കൊഴിച്ചിൽ തടയാനുമെല്ലാം മുട്ട ഏറെ നല്ലതാണ്. കേടുപാടുകൾ സംഭവിച്ച മുടിയിഴകളുടെ പ്രശ്നങ്ങൾ പരിഹരിക്കാൻ മുട്ട ഏറെ നല്ലതാണ്. ഒരു മുട്ട ഒരു ടേബിൾ സ്പൂൺ ഒലിവ് ഓയിൽ കലർത്തി മുടിയിലും തലയോട്ടിയിലും പുരട്ടുക. കഴുകുന്നതിന് മുമ്പ് 30 മിനിറ്റ് നേരം വയ്ക്കുക.
വരണ്ട മുടിക്ക് പരിഹാരം
കറ്റാർവാഴ
മുടിയുടെ ആരോഗ്യത്തിന് ഏറെ മികച്ചതാണ് കറ്റാർവാഴ. ഇതിനുള്ളിൽ അടങ്ങിയിരിക്കുന്ന കറ്റാർവാഴ ജെല്ലിൽ മുടി വളർച്ചയെ പ്രോത്സാഹിപ്പിക്കുന്ന ധാരാളം എൻസൈമുകൾ അടങ്ങിയിട്ടുണ്ട്. കറ്റാർവാഴ ജെൽ തലയോട്ടിയിലും മുടിയിലും തേച്ച് പിടിപ്പിച്ച് 30 മിനിറ്റിന് ശേഷം കഴുകി കളയുന്നത് ഏറെ ഗുണം ചെയ്യും. അധിക പോഷണത്തിനായി ഹെയർ മാസ്‌ക് ഉണ്ടാക്കാൻ കറ്റാർ വാഴ ജെൽ വെളിച്ചെണ്ണ അല്ലെങ്കിൽ തേൻ പോലുള്ള ചേരുവകളുമായി ചേർത്ത് ഉപയോഗിക്കുന്നത് ഗുണം ചെയ്യും. കറ്റാർ വാഴ ജെൽ സാധാരണയായി മുടിയിൽ ഉപയോഗിക്കുന്നത് സുരക്ഷിതമാണെങ്കിലും ചില ആളുകൾക്ക് അലർജി ഉണ്ടായേക്കാം എന്നത് ശ്രദ്ധിക്കേണ്ടതാണ്. പാച്ച് ടെസ്റ്റ് ചെയ്യുന്നത് ഏറെ നല്ലതാണ്.
തൈര്
എല്ലാ വീടുകളിലെയും അടുക്കളയിൽ വളരെ സുലഭമായി കണ്ടുവരുന്നതാണ് തൈര്. ചോറിനൊപ്പം തൈര് കഴിക്കുന്നവരും വെറുതെ തൈര് കുടിക്കുന്നവരും ധാരാളമുണ്ട്. മുടിയുടെ ആരോഗ്യത്തിന് തൈര് ഒരു മികച്ച പദാർത്ഥമാണ്. പ്രകൃതിദത്തമായ രീതിയാണ് മുടിയിൽ തൈര് ഉപയോഗിക്കുന്നത്. കാൽസ്യത്തിൻ്റെ മികച്ച ഉറവിടം കൂടിയാണ് തൈര്. ഇതിൽ വൈറ്റമിനുകളായ ബി 5, ഡി സിങ്ക്, മഗ്നീഷ്യം, പൊട്ടാസ്യം തുടങ്ങിയ ധാതുക്കൾ, ഫാറ്റി ആസിഡുകൾ, പ്രോട്ടീനുകൾ എന്നിവയാലും അടങ്ങിയിട്ടുണ്ട്. മുടി സംബന്ധമായ പല പ്രശ്നങ്ങളും പരിഹരിക്കാൻ ഇവയ്ക്ക് കഴിവുണ്ട്. മുടിക്ക് ഉയർന്ന അളവിൽ പോഷണം നൽകാനുള്ള കഴിവും തൈരിനുണ്ട്. പ്രത്യേകിച്ച് വരണ്ടതും തിളക്കം കുറഞ്ഞതുമായ മുടിക്ക്. ആരോഗ്യമുള്ള മുടി വളർച്ചയെ പ്രോത്സാഹിപ്പിക്കാൻ സഹായിക്കുന്ന പ്രോബയോട്ടിക്‌സ് തൈരിൽ ധാരാളമായി അടങ്ങിയിട്ടുണ്ട്. തൈരിൽ തേൻ കലർത്തി മിശ്രിതം മുടിയിലും തലയോട്ടിയിലും പുരട്ടുക. ഇത് കഴുകുന്നതിന് മുമ്പ് 30 മിനിറ്റ് വയ്ക്കുക.
Also Read: മുടി കൊഴിച്ചിൽ തടഞ്ഞ് മുടി വേഗത്തിൽ വളരാൻ എളുപ്പത്തിൽ തയാറാക്കാവുന്ന ഹെയർ സ്പ്രെ
ഗ്രീൻ ടീ
ആരോഗ്യം മെച്ചപ്പെടുത്താൻ ഗ്രീൻ കുടിക്കുന്ന ധാരാളം ആളുകളുണ്ട്. ഗ്രീൻ ടീയിൽ അടങ്ങിയിരിക്കുന്ന ആന്റിഓക്‌സിഡന്റുകൾ ആരോഗ്യകരമായ മുടി വളർച്ചയെ പ്രോത്സാഹിപ്പിക്കുന്നു. ഗ്രീൻ ടീ ഉണ്ടാക്കി തലയോട്ടിയിലും മുടിയിലും പുരട്ടുക. ഒരു മണിക്കൂറിന് ശേഷം കഴുകി കളയാം. മുടിയുടെ വേരുകൾക്ക് ബലം നൽകാനും മുടിയ്ക്ക് മൃദുത്വം നൽകാനും ഇത് വളരെയധികം സഹായിക്കും. പഥനോള്‍ അഥവാ വൈറ്റമിന്‍ ബി ഗ്രീന്‍ ടീയില്‍ ധാരാളം അടങ്ങിയിട്ടുണ്ട്. അണുബാധകളെ തടയാൻ ഗ്രീൻ ടീ ഏറെ മികച്ചതാണ്. ഗ്രീൻ കുടിക്കുന്നത് പോലെ തന്നെ മുടിയിൽ പുരട്ടുന്നതും മുടിയുടെ ആരോഗ്യത്തിന് ഗുണം ചെയ്യുന്നു.
English Summary: Hair fall remedies
Disclaimer: പൊതുവിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. പരീക്ഷിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.
കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക.