ഇഞ്ചി ആള് കേമനാണ്, മുടികൊഴിച്ചിൽ മാറ്റാൻ ഇങ്ങനെ ഉപയോഗിക്കണം

മുടികൊഴിച്ചിൽ തടയാൻ ഇഞ്ചി എങ്ങനെ സഹായിക്കുമെന്നായിരിക്കും പലരും ആലോചിക്കുന്നത്. മുടിയിലെയും തലയോട്ടിയിലെയും പല പ്രശ്നങ്ങൾക്കുമുള്ള പരിഹാരം ഇഞ്ചിയിലുണ്ട്. ഇതിൽ അടങ്ങിയിരിക്കുന്ന ജിഞ്ചറോൾ എന്ന ഘടകം തലയോട്ടിയിലെ രക്തയോട്ടം മെച്ചപ്പെടുത്താൻ സഹായിക്കുന്നു. ഇതിലെ ആൻ്റി ഇൻഫ്ലമേറ്ററി ഗുണങ്ങൾ തലയോട്ടിയിലെ പല പ്രശ്നങ്ങളും ഇല്ലാതാക്കാൻ സഹായിക്കും. മുടിയുടെ കട്ടി കുറയാൻ ഇത് ഇഞ്ചി വളരെ മികച്ചതാണ്.

Also Read: ഒരു പിടി ഉലുവയും കരിഞ്ചീരകവും ചേർത്ത് മുടി വളർത്താൻ സ്പെഷ്യൽ ഹെയർ സ്പ്രെ​

മുടിയുടെ എല്ലാ പ്രശ്നങ്ങൾക്കുമുള്ള പരിഹാരം വൈറ്റമിൻ ഇയിലുണ്ട്. മുടികൊഴിച്ചിലും മുടി വരണ്ട് പോകുന്നതുമൊക്കെ തടയാൻ വൈറ്റമിൻ ഇ ഏറെ സഹായിക്കും. മുടി വേരുകളിൽ ഇത് നന്നായി തേച്ച് പിടിപ്പിക്കുന്നത് മുടിയ്ക്ക് നല്ല ആരോഗ്യവും ബലവും നൽകാൻ സഹായിക്കും. ശിരോചർമ്മത്തിൽ വൈറ്റമിൻ ഇ പുരട്ടുന്നത് വളരെ നല്ലതാണ്.

മുടിയ്ക്കും ചർമ്മത്തിന് വളരെ നല്ലതാണ് കറ്റാർവാഴ. ഇതിലെ ആൻ്റി ബാക്ടീരിയിൽ ആൻ്റി ഫംഗൽ ഗുണങ്ങളാൽ സമ്പുഷ്ടമാണ് കറ്റാർവാഴ. മുടിയെ വേരിൽ നിന്ന് ബലപ്പെടുത്താൻ വളരെയധികം സഹായിക്കുന്നതാണ് കറ്റാർവാഴ. കറ്റാർവാഴയിൽ പ്രോട്ടിയോലൈറ്റിക് എൻസൈമുകൾ അടങ്ങിയിട്ടുണ്ട്. ഇത് മുടിയുടെ ആരോഗ്യകരമായ വളർച്ചയെ പ്രോത്സാഹിപ്പിക്കുകയും അമിതമായി മുടി കൊഴിച്ചിൽ കുറയ്ക്കുകയും ചെയ്യാൻ ഇത് വളരെ നല്ലതാണ്.

ഒരു ചെറിയ കഷണം ഇഞ്ചി എടുത്ത് തൊലി കളഞ്ഞ് നന്നായി അരച്ച് എടുക്കുക. ഇനി ഇതിൻ്റെ നീര് എടുക്കുക. ഇതിലേക്ക് ഒരു വൈറ്റമിൻ ഇയും കുറച്ച് കറ്റാർവാഴ ജെല്ലും ചേർത്ത് യോജിപ്പിക്കുക. ഈ മിശ്രിതം മുടിയിൽ തേച്ച് പിടിപ്പിച്ച് 30 മിനിറ്റിന് ശേഷം കഴുകി വ്യത്തിയാക്കാം. ആഴ്ചയിൽ രണ്ട് ദിവസമെങ്കിലും ഇത് കഴുകി വ്യത്തിയാക്കാവുന്നതാണ്.