Also Read: Hair care: വീട്ടിൽ തൈര് ഉണ്ടോ? തിളക്കവും ആരോഗ്യവുമുള്ള മുടിക്ക് തൈര് ചേർത്തുള്ള പാക്കുകൾ ഇതാ..
കാരണം കണ്ടെത്തുക
എന്തുകൊണ്ടാണ് മുടി പൊഴിയുന്നതെന്ന് കണ്ടത്തേണ്ടത് വളരെ പ്രധാനമാണ്. പല കാരണങ്ങള്‍ കൊണ്ട് മുടി കൊഴിയാം. മാനസിക സമ്മര്‍ദ്ദം, പോഷകമില്ലായ്മ, ഉറക്കകുറവ്, ശരിയല്ലാത്ത ജീവിതശൈലി എന്നിവയെല്ലാം മുടി കൊഴിച്ചിലിന് കാരണമായേക്കാം. മാസത്തില്‍ ഒരിക്കല്‍ അല്ലെങ്കില്‍ ആഴ്ചയില്‍ ഒരിക്കല്‍ മുടിക്ക് ആവശ്യത്തിന് പോഷകങ്ങള്‍ നല്‍കേണ്ടതുണ്ട്. ഭക്ഷണത്തില്‍ നിന്ന് മാത്രമല്ല അല്ലാതെയുള്ള ചികിത്സകളും മുടിക്ക് വളരെ അത്യാവശ്യമാണ്.
കഞ്ഞിവെള്ളം
വീട്ടില്‍ വളരെ സുലഭമായി ലഭിക്കുന്നതാണ് കഞ്ഞിവെള്ളം. കഞ്ഞിവെള്ളം പണ്ടുമുതലേ ആളുകള്‍ കേശ പരിപാലനത്തിനായി ഉപയോഗിച്ചു വരുന്ന ഒന്നാണ്. ഇത് കുറച്ച് എടുത്ത് വച്ചാല്‍ മതി മുടിയുടെ എല്ലാ പ്രശ്‌നങ്ങള്‍ക്കും പരിഹാരം കാണാം. പുളിപ്പിച്ച കഞ്ഞിവെള്ളം അല്ലെങ്കില്‍ അന്നത്തെ തന്നെ കഞ്ഞിവെള്ളം ഇതിനായി ഉപയോഗിക്കാവുന്നതാണ്.
മുടിക്ക് പോഷണവും ഗുണനിലവാരവും നല്‍കുന്നതിന് കഞ്ഞി വെള്ളത്തിന്റെ ഉപയോഗം അത്ഭുത ഗുണങ്ങളെ നല്‍കുമെന്ന് ആയുര്‍വേദം പറയുന്നുണ്ട്.
ഉലുവ
മുടിയുടെ എല്ലാ പ്രശ്‌നങ്ങള്‍ക്കും പരിഹാരം നല്‍കാന്‍ ഉലുവയ്ക്ക് കഴിയും. ഉലുവ ആരോഗ്യത്തിനും സൗന്ദര്യത്തിനുമെല്ലാം ഒരു പോലെ ഗുണകരമാണ്.
ഉലുവയിലെ ഫോളിക് ആസിഡ്, വിറ്റാമിന്‍ എ, വിറ്റാമിന്‍ സി എന്നിവ ധാരാളം അടങ്ങിയിരിക്കുന്നു. ഉലുവയിലെ അമിനോ ആസിഡുകളാണ് മുടിവളര്‍ച്ചയ്ക്കു സഹായിക്കുന്നത്.
എങ്ങനെയാണ് തയാറാക്കുന്നത്?
ഇതിനായി ഉലുവ പൊടിച്ചതോ അല്ലെങ്കില്‍ കുതിര്‍തതോ എടുക്കാം. തലേ ദിവസത്തെ കഞ്ഞി വെള്ളം അല്ലെങ്കില്‍ അന്നത്തെ കഞ്ഞിവെള്ളവും എടുക്കുക. തലേ ദിവസത്തെ കഞ്ഞിവെള്ളം ആണെങ്കില്‍ അതിലേക്ക് ഉലുവയിട്ട് കുതിര്‍ത്ത് വയ്ക്കുന്നത് നല്ലതാണ്. അല്ലെങ്കില്‍ ഉലുവ അരച്ച ശേഷം കഞ്ഞിവെള്ളം ഉപയോഗിച്ച് പേസ്റ്റ് രൂപത്തിലാക്കുക. 15 മിനിറ്റ് ഇത് വച്ച ശേഷം തല കഴുകാം. ആഴ്ചയില്‍ രണ്ടോ മൂന്നോ ദിവസം ഇത് ചെയ്യുന്നത് മുടി കൊഴിച്ചില്‍ തടയാന്‍ ഇത് സഹായിക്കും.