താരൻ മാറ്റാൻ മുരിങ്ങയിലയും തൈരും ചേർത്തൊരു മാസ്ക്

പല തരത്തിലുള്ള ഗുണങ്ങളാണ് മുടിയ്ക്ക് തലയോട്ടിയ്ക്കും മുരിങ്ങയില നൽകുന്നത്. തലമുടിയ്ക്ക് ഏറെ നല്ലതാണ് പല തരത്തിലുള്ള ഇലകൾ. കറിവേപ്പില, ചെമ്പരത്തി ഇല, മുരിങ്ങയില അങ്ങനെ തലമുടി വളരാൻ ഏറെ നല്ലതാണ് ഈ ഇലകളെല്ലാം. പല തരത്തിലുള്ള വൈറ്റമിനുകളാണ് മുരിങ്ങിയലിയിൽ അടങ്ങിയിട്ടുള്ളത്. ഇത് മുടി വളരാനും മുടിയുടെ പല പ്രശ്നങ്ങൾ അകറ്റാനും സഹായിക്കുന്നതാണ്.

മുടി വളരാൻ ഏറെ നല്ലതാണ് വെളിച്ചെണ്ണ. ഇതിൽ അടങ്ങിയിരിക്കുന്ന പല ഘടകങ്ങളും മുടിയ്ക്ക് വേരിൽ നിന്ന് ബലം നൽകാൻ സഹായിക്കും. താരൻ മാറ്റാനും ഏറെ നല്ലതാണ് വെളിച്ചെണ്ണ. ഇതിൽ അടങ്ങിയിരിക്കുന്ന ആൻ്റി വൈറൽ ഗുണങ്ങൾ തലയോട്ടിയിലെ പല പ്രശ്നങ്ങളെയും ഇല്ലാതാക്കാൻ ഏറെ സഹായിക്കും. ഇത് മുടികൊഴിച്ചിൽ തടയാനും താരൻ മാറ്റാനും ഏറെ സഹായിക്കുന്നതാണ്.

മുടി നന്നായി വളരാൻ ഏറെ നല്ലതാണ് തൈര്. കൂടാതെ മുടി മൃദുവാക്കാനും മുടികൊഴിച്ചിൽ മാറ്റാനും തൈര് നല്ലതാണ്. ഇതിൽ കാൽസ്യം, സിങ്ക്, ഫോളേറ്റ്, വിറ്റാമിന്‍-ബി6 എന്നിവ അടങ്ങിയിട്ടുണ്ട്. ഇത് മുടി വളര്‍ച്ചയ്ക്കൊപ്പം മുടിയെ നന്നായി തിളങ്ങാനും സഹായിക്കും. മുടിയുടെ ആരോഗ്യം കളയുന്ന കെമിക്കൽ ട്രീറ്റ്മെൻ്റുകൾ ഒഴിവാക്കി തൈര് പോലുള്ള പ്രകൃതിദത്ത രീതികൾ പിന്തുടരുന്നത് മുടിയ്ക്ക് കൂടുതൽ നല്ലതാണ്.

താരൻ്റെ ശത്രുവാണ് നാരങ്ങയെന്ന് തന്നെ പറയാം. ഇതിൽ അടങ്ങിയിരിക്കുന്ന വൈറ്റമിൻ സി പല തരത്തിലുള്ള ഗുണങ്ങളാണ് നൽകുന്നത്. ഇതിലെ ആൻ്റി ഓക്സിഡൻ്റ് ഗുണങ്ങൾ മുടിയ്ക്ക് ആവശ്യമായ പോഷകങ്ങൾ നൽകുന്നുണ്ട്. ഒരിക്കലും തലയോട്ടിയിൽ നാരങ്ങ നീര് നേരിട്ട് പുരട്ടാൻ പാടില്ല. ഏതെങ്കിലും ചേരുവകൾക്കൊപ്പം ചേർത്ത് വേണം നാരങ്ങ നീര് പുരട്ടാൻ.

മുടിയ്ക്ക് ആവശ്യമായ അളവിൽ മുരിങ്ങയില എടുക്കുക. ഇതിലേക്ക് അൽപ്പം നാരങ്ങ നീരും, വെളിച്ചെണ്ണയും, കുറച്ച് തൈരും ചേർത്ത് നന്നായി അരച്ച് എടുക്കുക. ഈ മിശ്രിതം മുടിയിൽ നന്നായി തേച്ച് പിടിപ്പിക്കുക. 20 മിനിറ്റിന് ശേഷം മുടി കഴുകി വ്യത്തിയാക്കാവുന്നതാണ്. മുടിയിൽ എണ്ണ തേച്ച ശേഷം മാസ്ക് ഇടുന്നത് മുടി പൊട്ടി പോകുന്നത് തടയാൻ സഹായിക്കും.

English Summary: Dandruff remedy

Disclaimer: പൊതു വിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. പരീക്ഷിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.

കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക.