മുഖത്തെ കറുത്ത പാടുകള്‍ക്ക് തൈരില്‍ ഉലുവാ പേസ്റ്റ് പ്രയോഗം...

ആരോഗ്യത്തിനും സൗന്ദര്യത്തിനും മുടി സംരക്ഷണത്തിനുമെല്ലാം ഒരു പോലെ സഹായിക്കുന്ന ഒന്നാണ് ഉലുവ. ധാരാളം പോഷകങ്ങള്‍ അടങ്ങിയ ഇത് പ്രമേഹം പോലുളള രോഗങ്ങള്‍ക്കുള്ള നല്ലൊരു പരിഹാരമാണ്. മുടിയിലെ പല പ്രശ്‌നങ്ങള്‍ക്കു പറ്റി ഒരു മരുന്നു കൂടിയാണ് ഉലുവ. ഇതല്ലാതെ ഒരു പിടി സൗന്ദര്യ പ്രശ്‌നങ്ങള്‍ക്കും മരുന്നായി ഉലുവ ഉപയോഗിയ്ക്കാം. ഇതെക്കുറിച്ചറിയൂ.

ചര്‍മം മിനുസവും തിളക്കവുമുള്ളതാകാന്‍ തൈര് സഹായിക്കും. തൈരില്‍ അടങ്ങിയിരിയ്ക്കുന്ന സിങ്ക് കോശ വളര്‍ച്ചയ്ക്ക് ഏറെ നല്ലതാണ്. സെബം ഉല്‍പാദനത്തെ നിയന്ത്രിയ്ക്കുന്നതുവഴി മുഖക്കുരു പോലുള്ള പ്രശ്‌നങ്ങള്‍ തടയാന്‍ സഹായിക്കും. കാല്‍സ്യം ധാരാളം അടങ്ങിയിട്ടുള്ള തൈര് ചര്‍മം വരണ്ടുപോകാതെ ചര്‍മത്തിന്റെ ഫ്രഷ്‌നസ് നില നിര്‍ത്തുകയും സംരക്ഷിയ്ക്കുന്നു. തൈരിന് മൈക്രോബിയല്‍ ഗുണങ്ങളുണ്ട്. ഇത് മുഖക്കുരു പോലുള്ള പ്രശ്‌നങ്ങളില്‍ നിന്നും സംരക്ഷണം നല്‍കുകയും ചെയ്യും.

ഈ പേസ്റ്റ് തയ്യാറാക്കാനായി ഉലുവാ കുതിര്‍ത്തത് അരയ്ക്കുക. ഇതില്‍ തൈര് കലര്‍ത്താം. ഈ പേസ്റ്റ് മുഖത്ത് പുരട്ടാം. ഇത് ദിവസവും ചെയ്യുന്നതില്‍ യാതൊരു ദോഷവുമില്ല. അടുപ്പിച്ച് ചെയ്യുന്നത് മുഖത്തെ കറുത്ത പാടുകള്‍ക്കുള്ള നല്ലൊരു പരിഹാരമാണ് .മുഖത്തുണ്ടാകുന്ന മുഖക്കുരു പോലുള്ള പ്രശ്‌നങ്ങള്‍ക്കുള്ള നല്ലൊരു മരുന്നാണ് ഇത്. പ്രത്യേകിച്ചും ചര്‍മ സുഷിരങ്ങള്‍ അടഞ്ഞുണ്ടാകുന്ന മുഖക്കുരു പ്രശ്‌നങ്ങള്‍. ഇതു നല്ലൊരു ക്ലെന്‍സറായി പ്രവര്‍ത്തിയ്ക്കുന്നു.

മുഖത്തിന് തിളക്കം നല്‍കാനും മൃദുത്വം നല്‍കാനുമെല്ലാം ഏറെ ഗുണം നല്‍കുന്ന ഒന്നാണിത്. പലരേയും അലട്ടുന്ന ചര്‍മ പ്രശ്‌നമാണിത്. ചര്‍മത്തിന് ചെറുപ്പം നല്‍കാന്‍ സഹായിക്കുന്ന ഒന്നാണ് ഉലുവാ-തൈര്‌ പേസ്റ്റ്. ഇത് ഈ രീതിയില്‍ ഉപയോഗിച്ചാല്‍ ഗുണം ലഭിയ്ക്കും. മുഖചര്‍മം അയഞ്ഞ് തൂങ്ങാതെ സംരക്ഷിയ്ക്കാന്‍ ഇതേറെ നല്ലതാണ്.