കറിവേപ്പില
മുടി നര അകറ്റാനും മുടി കൊഴിച്ചില്‍ നിയന്ത്രിയ്ക്കാനും കറിവേപ്പ്-ഉലുവാ മിശ്രിതം ഏറെ നല്ലതാണ്. കറിവേപ്പിലയും കുതിര്‍ത്ത ഉലുവയും ചേര്‍ത്തരച്ച് മുടിയില്‍ പുരട്ടാം. മുടിയുടെ വളര്‍ച്ചയെ സഹായിക്കുമെന്നു മാത്രമല്ല, അകാലനരയെ പ്രതിരോധിക്കാനും ഇത് ഏറെ നല്ലതാണ്. കറിവേപ്പില പൊതുവേ മുടിയ്ക്ക് ഗുണങ്ങള്‍ നല്‍കുന്നതാണ്. കറിവേപ്പിലയും ഉലുവായും ചേര്‍ത്തുണ്ടാക്കുന്ന വെളിച്ചെണ്ണയും നല്ലതാണ്.
തേങ്ങാപ്പാല്‍
മുടിയുടെ ആരോഗ്യത്തിന് തേങ്ങാപ്പാല്‍ ഏറെ നല്ലതാണ്. മുടി വരളുന്നത് തടയാനും നേടാനും ഇതു ഫലപ്രദമാണ്.
ഉലുവ കുതിർത്ത് അരച്ചശേഷം തേങ്ങാപ്പാലില്‍ കലക്കി മുടിയില്‍ പുരട്ടാം.ഉലുവയ്‌ക്കൊപ്പം തൈരും മുടിയ്ക്ക് ഏറെ നല്ലതാണ്. അരച്ചെടുത്ത ഉലുവ തൈരില്‍ കുതിര്‍ത്ത് ചേർത്ത് മുടിയില്‍ തേയ്ക്കാം. മുടി കൊഴിച്ചിൽ തടയാൻ ഇതു സഹായിക്കും. താരനും പ്രതിവിധിയാണ്. കറുത്ത പാടു മാറ്റും, പ്രായം പത്തു കുറയ്ക്കും ഉലുവാ ജെല്‍
മുട്ട
മുട്ട മുടിയ്ക്ക് ഏറെ നല്ലതാണ്. ഇത് പ്രോട്ടീന്‍ സമ്പുഷ്ടമാണ്. മുട്ടയുടെ വെള്ളയും ഉലുവായും ചേര്‍ത്ത് പുരട്ടാം.
കുതിര്‍ത്ത് അരച്ച ഉലുവയിലേക്ക് മുട്ടയുടെ വെള്ള ചേർത്ത് കലക്കിയെടുക്കുക. ഈ മിശ്രിതം മുടിയില്‍ തേച്ചു പിടിപ്പിക്കണം. അല്‍പം കഴിയുമ്പോള്‍ കഴുകിക്കളയുക. ഇത് മുടിയുടെ ഉള്ളും തിളക്കവുംവര്‍ധിപ്പിക്കും. വേണമെങ്കില്‍ മുട്ടയുടെ മഞ്ഞയും കൂടി ഉപയോഗിയ്ക്കാം.
ഉലുവാ വെളിച്ചെണ്ണ
ഉലുവാ വെളിച്ചെണ്ണ മുടിയ്ക്ക് ഏറെ നല്ലതാണ്. ഇത് എളുപ്പത്തില്‍ വീട്ടില്‍ തന്നെ തയ്യാറാക്കാനും സാധിയ്ക്കും.
ഉലുവയും വെളിച്ചെണ്ണും ചേർന്ന മിശ്രിതം മുടി വളരാൻ സഹായിക്കും. വെളിച്ചെണ്ണയില്‍ ഉലുവയിട്ടു ചൂടാക്കുക.ഉലുവ ചുവന്ന നിറമാകുന്നതു വരെ ചൂടാക്കണം. ഈ ഓയില്‍ ചെറുചൂടോടെ മുടിയില്‍ പുരട്ടി മസാജ് ചെയ്യാം. മുടി വളരാനും കൊഴിച്ചിലിനുമെല്ലാം ഇതേറെ നല്ലതാണ്.
നാരങ്ങാനീര്
മുടി കൊഴിച്ചില്‍ തടയാന്‍ ഉലുവയ്‌ക്കൊപ്പം നാരങ്ങാനീര് ഗുണം നല്‍കും. ഉലുവ നന്നായി കുതിര്‍ത്തുക. ഇത് അരച്ചു പേസ്റ്റാക്കണം. ഇതില്‍ അല്‍പം ചെറുനാരങ്ങാനീര് ചേര്‍ത്തു മുടിയില്‍ പുരട്ടുക. അര മണിക്കൂര്‍ കഴിഞ്ഞു കഴുകിക്കളയാം. ഇങ്ങനെ ചെയ്യുന്നത് മുടി കൊഴിച്ചില്‍ തടയുന്നു. മാത്രമല്ല, മുടിക്കു തിളക്കം ലഭിക്കാനും ഇതു സഹായകരമാണ്. താരനും ഇത് നല്ല മരുന്നാണ്.