മാറുന്ന ജീവിത രീതികളും ഭക്ഷണ രീതികളും പെട്ടെന്ന് മുടി നരയ്ക്കുന്നതിലേയ്ക്കും അതിലൂടെ പ്രായം പെട്ടെന്ന് തോന്നുന്നതിനും കാരണമാകുന്നു. ഇത്തരം പ്രശ്‌നങ്ങള്‍ പരിഹരിക്കാനും മുടി ചെറുപ്പത്തില്‍ തന്നെ നരയ്ക്കാതിരിക്കാന്‍ നല്ല ഭക്ഷണങ്ങള്‍ കഴിക്കേണ്ടത് അനിവാര്യമാണ്.
മുടിയുടെ പ്രശ്‌നങ്ങള്‍ക്ക് കാരണക്കാര്‍ ഇവര്‍
ചിലര്‍ക്ക് പാരമ്പര്യമായി ഈ പ്രശ്‌നം ഉണ്ടാകാം. പ്രത്യേകിച്ച് വീട്ടില്‍ ആര്‍ക്കെങ്കിലും വളരെ നേരത്തെ മുടി നരയ്ക്കുന്ന പ്രശ്‌നം നേരിട്ടിരുന്നെങ്കില്‍ അത് നിങ്ങള്‍ക്കും വരാന്‍ സാധ്യത കൂടുതലാണ്.
കൃത്യമായ പ്രോട്ടീനും വിറ്റമിന്‍സും ലഭിക്കാത്തത് മുടിയുടെ ആരോഗ്യത്തെ ഇല്ലാതാക്കുകയും അത് മുടിനരയ്ക്കുന്നതിന് കാരണമാവുകയും ചെയ്യുന്നു.
ചിലര്‍ക്ക് അവര്‍ പിന്തുടരുന്ന ദുശ്ശീലങ്ങള്‍ തന്നെയായിരിക്കും മുടിയുടെ ആരോഗ്യം നശിപ്പിക്കുന്നത്. പ്രത്യേകിച്ച് മദ്യപാനം, പുകവലി എന്നിവയെല്ലാം തന്നെ മുടിയെ നശിപ്പിക്കുന്നു.
മേല്‍പറഞ്ഞ കാര്യങ്ങള്‍ മുടിയുടെ ആരോഗ്യം നശിപ്പിക്കുന്നുണ്ടെങ്കിലും മുടി നല്ല ആരോഗ്യത്തോടേയും നര ഉണ്ടാകാതെ മുടി വളരുന്നതിനും സഹായിക്കുന്ന കുറച്ച് ആഹാരങ്ങള്‍ ഉണ്ട്. ആവ പരിചയപ്പെടാം.
തൈര് നന്നായി കഴിക്കുക
തൈര് പോലെയുള്ള ആഹാരങ്ങള്‍ കഴിക്കുന്നത് നല്ലത്. നാരങ്ങ അച്ചാര്‍, വിനാഗിരി, സോയാബീന്‍ എന്നിവയെല്ലാം ഡയറ്റില്‍ ഉള്‍പ്പെടുത്താവുന്നവയാണ്.
ഇത്തരം ആഹാരങ്ങളില്‍ നല്ല ബാക്ടീരിയകളുടെ സാന്നിധ്യം കാണാന്‍ സാധിക്കും. ഇത് വയറിന്റെ ആരോഗ്യത്തിന് നല്ലത്. അതുപോലെ, വിറ്റമിന്‍ ബിയുടെ അപര്യാപ്തത കുറയ്ക്കുകയും ചെയ്യുന്നു. ഇത് മുടിക്ക് നല്ലതാണ്.
മുട്ട
മുട്ട എന്നും കഴിച്ചാല്‍ ഡോക്ടറുടെ ആവശ്യം ഇല്ല എന്നാണ് പറയപ്പെടുന്നത്. ഇതില്‍ ധാരാളം പോഷകങ്ങള്‍ അടങ്ങിയിരിക്കുന്നു. പ്രത്യേകിച്ച് പ്രോട്ടീന്‍.
ഒരു മനുഷ്യന് ആവശ്യമുള്ള പ്രോട്ടീന്‍ മുട്ടയില്‍ നിന്നും ലഭിക്കുന്നു. ഇത് മുടിയുടെ പ്രശ്‌നങ്ങള്‍ പരിഹരിക്കുന്നതിന് സഹായിക്കുന്നുണ്ട്.
മുടിയുടെ ആരോഗ്യത്തിന് വിറ്റമിന്‍ ബി അനിവാര്യമാണ്. ഇത് മുട്ടയില്‍ ധാരാളം ഉണ്ട്. ഇത് മുടി വേഗത്തില്‍ നരയ്ക്കുന്നതിന് സഹായിക്കുന്നു. അതിനാല്‍ മുടി നരയ്ക്കാതിരിക്കാന്‍ മുട്ട കഴിക്കുന്നത് ശീലമാക്കാം.
മുട്ട പുഴുങ്ങി കഴിക്കുന്നതാണ് കുറച്ചും കൂടെ ഫലപ്രദം. ഇത് കൂടുതല്‍ ഗുണം ശരീരത്തിന് നല്‍കുന്നു.
ഓറഞ്ച്
വിറ്റമിന്‍ സിയുടെ ഒരു കലവറ തന്നെയാണ് ഓറഞ്ച്. കൂടാതെ, ഇതില്‍ ധാരാളം പ്രോട്ടീനും അടങ്ങിയിരിക്കുന്നു. ഇവ രണ്ടും മുടിയുടെ ആരോഗ്യത്തിന് നല്ലതാണ്. മുടിക്ക് മാത്രമല്ല, ചര്‍മ്മത്തിന്റെ ആരോഗ്യത്തിനും നല്ലതാണ്.
നിങ്ങള്‍ക്ക് ഓറഞ്ച് കഴിക്കാന്‍ കിട്ടുന്ന ആവസരത്തില്‍ ഇവ വാങ്ങി കഴിക്കുന്നത് നല്ലതായിരിക്കും. ഇവ മുടി നരയ്ക്കാതിരിക്കാന്‍ സഹായിക്കും. നല്ല പുളിയും നേരിയ മധുരവും ഉള്ള ഓറഞ്ച് കഴിക്കാന്‍ തിരഞ്ഞെടുക്കുന്നത് കുറച്ചും കൂടെ നല്ലതാണ്.
നിങ്ങള്‍ക്ക് ഇഷ്ടമുള്ള രീതിയില്‍ ജ്യൂസ് അടിച്ചും അല്ലാതേയും ഓറഞ്ച് കഴിക്കാവുന്നതാണ്.
ഡാര്‍ക്ക് ചോക്ലേറ്റ്
തലച്ചോറിന്റെ ആരോഗ്യത്തിന് ഡാര്‍ക്ക് ചോക്ലേറ്റ് നല്ലതാണെന്ന് അറിയാം. അതുപോലെ തന്നെ, ഇതില്‍ അടങ്ങിയിരിക്കുന്ന ആന്റിഓക്‌സിഡന്റ്‌സും പോഷകങ്ങളും മുടി നരയ്ക്കാതിരിക്കാനും സഹായിക്കുന്നുണ്ട്. ഇത് ചെറുപ്പത്തില്‍ തന്നെ മുടി നരയ്ക്കുന്നത് ഒഴിവാക്കുന്നു.
ശരീരത്തിലെ മാലിന്യങ്ങളെ പുറം തള്ളുന്നു. ഇതിലെ കോപ്പറിന്റെ സാന്നിധ്യം മെലാനിന്‍ ഉല്‍പാദനം ത്വരിതപ്പെടുത്തുന്നു. ഇത് മുടിക്ക് നിറം നല്‍കാന്‍ സഹായിക്കും.
മധുരം ചേര്‍ക്കാത്ത, നല്ല കയ്പ്പുള്ള ഡാര്‍ക്ക് ചോക്ലേറ്റ് കഴിക്കാന്‍ തിരഞ്ഞെടുക്കുന്നതാണ് നല്ലത്. ഇത് ആരോഗ്യത്തിന് വളരെ നല്ലതാണ്.