രാവിലെ ഉണരുമ്പോള് തന്നെ ഒരു കാപ്പി കിട്ടിയാല് മനസ് നിറയുന്നവരാണ് നമ്മളില് പലരും. ജോലിക്കിടയില് എപ്പോഴെങ്കിലും ഉറക്കവും മടുപ്പുമൊക്കെ ഒരു വരുമ്പോള് ഒരു കപ്പ് കാപ്പി കുടിക്കാമെന്നായിരിക്കും പലരുടെയും ചിന്ത. പക്ഷെ നിങ്ങളുടെ മുടിയഴകിനും കാപ്പി ഒരു ഉത്തമ പരിഹാരമാണെന്ന് നിങ്ങള്ക്കറിയാമോ? കാപ്പി പൊടി ഉപയോഗിച്ച് വ്യത്യസ്തമായ നിരവധി പാക്കുകള് തയ്യാറാക്കാന് സാധിക്കും. മുടിയുടെ വളര്ച്ച മെച്ചപ്പെടുത്തി തലയോട്ടിയിലെ ചര്മ്മത്തിലെ അഴുക്കുകളെ പുറം തള്ളുകയും രക്തചംക്രമണം മെച്ചപ്പെടുത്തുകയും ചെയ്യാൻ കാപ്പി സഹായിക്കും. ഇത് നിങ്ങളുടെ മുടിയെ ശക്തിപ്പെടുത്താനും മുടിയുടെ ആരോഗ്യം മെച്ചെപ്പെടുത്താനും സഹായിക്കും.
Also Read: Hair lice: തലയിലെ പേന് ശല്യമാണോ നിങ്ങളുടെ പ്രശ്നം; പേടിക്കണ്ട വീട്ടില് തന്നെ പരിഹാരം കാണാം
Also Read: Hair lice: തലയിലെ പേന് ശല്യമാണോ നിങ്ങളുടെ പ്രശ്നം; പേടിക്കണ്ട വീട്ടില് തന്നെ പരിഹാരം കാണാം
ചുരണ്ടമുടി സംരക്ഷിക്കാന്
പാക്ക് എങ്ങനെ തയ്യാറാക്കം:
ഒരു കപ്പ് തൈരില് ഒരു ടേബിള് സ്പൂണ് കാപ്പി പൊടി യോജിപ്പിക്കുക. ഈ മിശ്രിതം നന്നായി ഇളക്കി കട്ടകളില്ലെന്ന് ഉറപ്പാക്കണം. ഇതിലേക്ക് അര സ്പൂണ് നാരങ്ങ നീര് ചേര്ക്കാം.
ഇനി ഈ പാക്ക് മുടിയുടെ വേര് മുതല് അറ്റം വരെ ഇടാം. 20 മിനിറ്റിന് ശേഷം സാധാരണ വെള്ളത്തില് കഴുകി കളയാം. ഈ പാക്കിലുള്ള തൈര് നിങ്ങളുടെ മുടിയ്ക്ക് മൃദുത്വവും കാപ്പിപൊടി തിളക്കവും നല്കാന് സഹായിക്കുന്നു.
മുടി വളരാന്
വെളിച്ചെണ്ണയില് കാപ്പിപ്പൊടി ചേര്ത്ത് ഉപയോഗിക്കുന്നത് തലയോട്ടിയിലെ രക്തചംക്രമണം വര്ദ്ധിപ്പിക്കുകയും മുടി വളര്ച്ചയെ ഉത്തേജിപ്പിക്കുകയും ചെയ്യുന്നു.
പ്രകൃതിദത്തമായ ഹെയര് ഡൈ
ഒരു ബൗളില് ഒരു സ്പൂണ് കാപ്പി പൊടി എടുക്കാം ഇതിന് ശേഷം 2 - 3 തുള്ളി നാരങ്ങ നീരും ഒരു നുള്ള കറുവാപ്പട്ടയും ചേര്ക്കുക. ഇവയെല്ലാം യോജിപ്പിച്ച ശേഷം ഈ പാക്ക് തലയോട്ടിയില് തേച്ച് പിടിപ്പിക്കാം. നനഞ്ഞ മുടിയില് തേയ്ക്കുന്നതാണ് നല്ലത്. ഒരു മണിക്കൂര് ശേഷം വീര്യം കുറഞ്ഞ ഷാംപൂ ഉപയോഗിച്ച് തണുത്ത വെള്ളത്തില് കഴുകി കളയാം.
നരച്ച മുടികള് മാറ്റാന് കാപ്പി പൊടി ഉപയോഗിച്ചുള്ള ഡൈ വളരെ ഉപയോഗപ്രദമാണ്. ഇതില് കറുവപ്പട്ട ചേര്ക്കുന്നത് തലയോട്ടിയെ ഉത്തേജിപ്പിക്കുകയും മുടി വളര്ച്ചയ്ക്ക് സഹായിക്കുകയും ചെയ്യുന്നു.