മുഖത്തെ ചുളിവിന് ഗ്രീന്‍ ടീ പായ്ക്ക് പരീക്ഷിച്ചു നോക്കൂ

ഗ്രീൻ ടീ ചര്‍മത്തിന് ഗുണം ചെയ്യും എന്നത് കൂടാതെ ധാരാളം സൗന്ദര്യ ഗുണങ്ങളും ഇവയ്ക്കുണ്ട്. ചർമ്മത്തിന് പല രീതിയിലും ഗുണകരമായ വിവിധ തരത്തിലുള്ള സവിശേഷതകൾ നിറഞ്ഞതാണ് ഇവ. മുഖക്കുരു തടയുവാനും ചര്‍മത്തിന്റെ യുവത്വം കാത്തുസൂക്ഷിക്കുവാനും ഗ്രീൻ ടീ നിങ്ങളെ സഹായിക്കുന്നു. ഗ്രീൻ ടീ കുടിക്കുന്നതിലൂടെ, ശരീരത്തിലെ ദുഷിപ്പുകൾ പുറത്തേക്ക് പോകുകയും, തിളങ്ങുന്ന ചർമ്മം നിങ്ങൾക്ക് ലഭിക്കുകയും ചെയ്യുന്നു. ചർമ്മത്തെ ആരോഗ്യകരമായി നിലനിർത്തുന്നതിന് ഈ അത്ഭുതകരമായ ഘടകം ഉപയോഗിക്കുന്നതിനുള്ള എളുപ്പവഴിയാണ് ഗ്രീൻ ടീ ഫേസ് പായ്ക്കുകൾ.

ഇതില്‍ മഞ്ഞള്‍, കടലമാവ് എന്നിവയും ചേര്‍ക്കും. മഞ്ഞൾ ചർമ്മത്തിൽ ചികിത്സാ ഫലങ്ങൾ നൽകുന്നു. ചർമ്മ പ്രശ്‌നങ്ങൾ (മുഖക്കുരു പോലുള്ളവ) ഉണ്ടാകാതെ സൂക്ഷിക്കാൻ ഇത് സഹായിക്കുന്നു. പ്രതിരോധശേഷി വർദ്ധിപ്പിക്കുന്നതു മുതൽ മുറിവുകളുടെ രോഗശാന്തി വേഗത്തിലാക്കുന്നതുവരെ, മഞ്ഞളിന്‌ ചെയ്യാൻ കഴിയാത്തതായി ഒന്നും തന്നെയില്ല. മുഖക്കുരു കുറയ്ക്കുന്നതിനും . കറുത്ത പാടുകൾ, മുഖക്കുരു, മുഖക്കുരുവിന്റെ പാടുകൾ തുടങ്ങിയ സാധാരണ ചർമ്മപ്രശ്നങ്ങളെ ചെറുക്കാനും മഞ്ഞൾ സഹായിക്കും.

കടലമാവ് വളരെയധികം വൈവിധ്യമാർന്ന ഒരു ഘടകമാണ്, മറ്റ് ചില ചേരുവകളുമായി ഇത് കൂട്ടി യോജിപ്പിച്ച് ഉപയോഗിക്കുന്നതു വഴി ചർമ്മത്തിലെ പല പ്രശ്നങ്ങളെയും ഭേദപ്പെടുത്താൻ സാധിക്കും. സ്വയം തയ്യാറാക്കാവുന്ന ഫെയ്സ് പാക്കുകളിലെ ഒരു സാധാരണ ഘടകമാണ് കടലപ്പൊടി. ഏത് ഫെയ്സ് മാസ്കിനും ഇത് ഒരു മികച്ച ചേരുവയാണ്. ഇവയുടെ ഘടന കാരണം ഇതിന് നിർജ്ജീവ ചർമ്മത്തെ നീക്കുവാനുള്ള ഗുണങ്ങളുണ്ട്. മാത്രമല്ല ചർമ്മത്തിൽ നിന്ന് അധിക അഴുക്കും എണ്ണമയവും നീക്കംചെയ്യാനും ഇത് സഹായിക്കും.

ചർമ്മ സംരക്ഷണത്തിന് തയ്യാറാക്കാവുന്ന പലതരം മാസ്കുകളിൽ കടലമാവ് ഉപയോഗിക്കാവുന്നതാണ്.ആന്റിഓക്‌സിഡന്റുകൾ, പ്രോട്ടീൻ, വിറ്റാമിനുകൾ, ധാതുക്കൾ എന്നിവയാൽ സമ്പുഷ്ടമായ കടലപ്പൊടി എണ്ണമറ്റ സൗന്ദര്യ ഗുണങ്ങൾ കൊണ്ട് സമ്പന്നവുമാണ്.

ഇത് ചെയ്യാനായി ഒരു ടീസ്പൂൺ കടലപ്പൊടി, കാൽ ടീസ്പൂൺ മഞ്ഞൾ, രണ്ട് ടീസ്പൂൺ ഉണ്ടാക്കിയ ഗ്രീൻ ടീ എന്നിവ ഒരു പാത്രത്തിൽ എടുത്ത് യോജിപ്പിച്ച ശേഷം ഈ മിശ്രിതം നിങ്ങളുടെ മുഖത്ത് പുരട്ടുക. നിങ്ങളുടെ കണ്ണുകളിലും വായയോടും കൂടുതൽ അടുക്കുന്നത് ഒഴിവാക്കുക. ഏകദേശം 15-20 മിനുട്ട് നേരം ഈ മിശ്രിതം പുരട്ടി വെച്ച ശേഷം തണുത്ത വെള്ളത്തിൽ മുഖം കഴുകി വൃത്തിയാക്കാം. ആഴ്ചയിൽ ഒന്നോ രണ്ടോ തവണ ഇത് ചെയ്യാം. ഇത് മുഖത്തെ ചുളിവുകള്‍ നീക്കാന്‍ ഏറെ ഗുണകരമാണ്. മുഖത്തിന് ബ്ലീച്ചിംഗ് ഇഫക്ട് നല്‍കുന്ന ഒന്നു കൂടിയാണിത്.