നെല്ലിക്കപ്പൊടി
നെല്ലിക്കയുടെ ആരോഗ്യഗുണങ്ങളെക്കുറിച്ച് പ്രത്യേകിച്ച് പറയേണ്ട ആവശ്യമില്ല. പല രോഗങ്ങൾക്കുമുള്ള പ്രകൃതിദത്തമായ പരിഹാരമാണ് നെല്ലിക്ക. മുടിയുടെ പ്രശ്നങ്ങൾ തടയുന്നതിനായി പ്രവർത്തിക്കുന്ന അവശ്യ വൈറ്റമിനുകളും ആന്റിഓക്സിഡന്റുകളും നെല്ലിക്കയിൽ ധാരാളമായി അടങ്ങിയിട്ടുണ്ട്. മുടി കഴുക്കാൻ പണ്ട് കാലത്ത് ആളുകൾ നെല്ലിക്കപ്പൊടി ഉപയോഗിച്ചിരുന്നു. അതുപോലെ മുടിയ്ക്ക് നിറം കിട്ടാനും മുടികൊഴിച്ചിൽ, മുടിയിലെ വരൾച്ച എന്നീ പ്രശ്നങ്ങളൊക്കെ മാറ്റാൻ ഇത് വളരെയധികം സഹായിക്കും.
മൈലാഞ്ചി
മൈലാഞ്ചി
ഹെന്ന പൊടി ഉപയോഗിച്ച് ഹെയർ ഡൈ തയാറാക്കുന്നതിനെക്കുറിച്ച് എല്ലാവർക്കുമറിയാവുന്നതാണ്. മുടി വളരാൻ ഏറെ മികച്ചതാണ് മൈലാഞ്ചി. മുടി കറുപ്പിക്കാനുള്ള പ്രകൃതിദത്തമായ പരിഹാരമാണ് മൈലാഞ്ചി. മുടിയിലെ വെളുപ്പ് മാറ്റി മുടിയ്ക്ക് നന്നായി നിറം നൽകാൻ സഹായിക്കുന്നതാണ് മൈലാഞ്ചി. പൊതുവെ ഹെന്ന പൊടിയിലാണ് പലരും ഹെയർ ഡൈ തയാറാക്കുന്നത്. എന്നാൽ ഈ ഹെയർ സ്പ്രെ തയാറാക്കാൻ മൈലാഞ്ചിയുടെ ഇലയാണ് ആവശ്യം. കഴുകി വ്യത്തിയാക്കിയ ഇലകളാണ് ഇതിനായി എടുക്കുന്നത്.
കട്ടൻ ചായ/ തേയില
മലയാളിയുടെ ഇഷ്ട പാനീയമാണ് തേയില. മുടിയ്ക്ക് ഏറെ മികച്ചതാണ് തേയിലയെന്ന് എല്ലാവർക്കുമറിയാം. മുടി കറുപ്പിക്കാൻ സാധാരണയായി തേയില ഉപയോഗിക്കുന്ന പതിവുണ്ട്. മുടി വളർച്ചയ്ക്കും മുടി തിളങ്ങാനും കട്ടൻ ചായ ഏറെ മികച്ചതാണ്. കട്ടൻ ചായ അഥവാ ബ്ലാക്ക് ടീ ഒരു പ്രകൃതിദത്ത കേശ സംരക്ഷണ വിദ്യയാണ്. കട്ടൻ ചായയിലെ ഗുണങ്ങൾ മുടി വളർച്ചയെ പ്രോത്സാഹിപ്പിക്കും. അതു മാത്രമല്ല മുടിയുടെ സ്വാഭാവിക നിറം വർദ്ധിപ്പിക്കുന്നതിനും മുടിയുടെ തിളക്കം വർദ്ധിപ്പിക്കുന്നതിനും ഇത് ഏറെ മികച്ചതാണ്. കട്ടൻ ചായ കൊണ്ട് മുടി കഴുകുന്നത് മുടിയുമായി ബന്ധപ്പെട്ട പല പ്രശ്നങ്ങൾക്കുമുള്ള പരിഹാരമാണ്.
Also Read: മുടി കൊഴിച്ചിൽ മാറ്റാൻ വീട്ടിൽ തന്നെ പരിഹാരമുണ്ട്, ആയുർവേദം പറയുന്ന വഴികളിതാ
തയാറാക്കുന്ന വിധം
പാത്രത്തിൽ ഒരു കപ്പ് അളവിൽ വെള്ളം ഒഴിച്ച് തിളപ്പിക്കുക. വെള്ളം തിളച്ച് വരുന്ന സമയത്ത് ഇതിലേക്ക് രണ്ട് ടീ സ്പൂൺ തേയില ഇട്ട് കൊടുക്കുക. നിറം മാറുന്നത് വരെ ഇത് തിളപ്പിച്ച് ഒരു ഗ്ലാസ് വെള്ളം വറ്റിച്ച് അര ഗ്ലാസ് വെള്ളമാക്കുക. അതിന് ശേഷം മൈലാഞ്ചി ഇല നന്നായി കഴുകിയ ശേഷം തിളപ്പിച്ച തേയിലയിലെ കുറച്ച് ചേർത്ത് മിക്സിയിലിട്ട് അരച്ച് എടുക്കുക. ഇത് തയാറാക്കി വച്ചിരിക്കുന്ന തേയില വെള്ളത്തിലേക്ക് ചേർത്ത് യോജിപ്പിക്കുക. ഇതിലേക്ക് അര ടീസ്പൂൺ നെല്ലിക്കപ്പൊടിയും ചേർത്ത് യോജിപ്പിച്ച് എടുക്കണം. ഇത് ഒരു ഇരുമ്പ് ചട്ടിയിൽ ഒഴിച്ച് ഒരു മണിക്കൂർ വയ്ക്കണം. ഒരു മണിക്കൂറിൽ കൂടുതൽ വച്ചാൽ ഗുണം ഇരട്ടിയാകും. അതിന് ശേഷം കോട്ടൺ തുണി ഉപയോഗിച്ച് അരിച്ച് എടുക്കുക. ഇതൊരു സ്പ്രെ ബോട്ടിലിലേക്ക് മാറ്റി ഉപയോഗിക്കാവുന്നതാണ്. തലയിലേക്ക് സ്പ്രെ പോലെ ഒന്നിടവിട്ട ദിവസങ്ങളിൽ ഉപയോഗിക്കാം. വീര്യം കുറഞ്ഞ ഷാംപൂ ഉപയോഗിച്ച് കഴുകി കളയാം.
English Summary: Grey hair remedy
Disclaimer: പൊതു വിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. ഉപയോഗിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.
കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക.