ചെമ്പരത്തി മുഖത്തു പുരട്ടി ചെറുപ്പമാകാം
ചെമ്പരത്തി തലയില് തേയ്ക്കാന് മാത്രമല്ല, മുഖത്തു പുരട്ടാനും ഏറെ നല്ലതാണ്. ഇതു കൊണ്ടുള്ള സൗന്ദര്യഗുണങ്ങള് ചില്ലറയല്ല.
ചര്മത്തിലെ ചുളിവുകള്
ധാരാളം ആന്റി ഓക്സിഡന്റുകള് അടങ്ങിയ ഒന്നാണ് ചെമ്പരത്തിപ്പൂ. ഇതിനാല് തന്നെ ചര്മത്തിന് ചെറുപ്പവും ഇലാസ്റ്റിസിറ്റിയും നല്കാന് ഏറെ നല്ലതാണ്. ചര്മ കോശങ്ങള് അയയാതെ സൂക്ഷിയ്ക്കും. ചര്മത്തിന് പ്രായക്കുറവു തോന്നിപ്പിയ്ക്കും. ആന്റി ഏജിംഗ് ഇഫ്കട് എന്നു പറയാം. ചര്മത്തിലെ ചുളിവുകള് അകറ്റാന് സഹായിക്കുന്ന ഒന്നാണിത്. നമ്മുടെ ശരീരത്തിലെ ഇലാസ്റ്റേസ് എന്നൊരു എന്സൈമാണ് ചര്മത്തിന് മുറുക്കം, ഇലാസ്റ്റിസിറ്റി നല്കുന്നത്. ഇതിനു സഹായിക്കുന്ന ഒന്നാണ് ചെമ്പരത്തി.
ഹൈപ്പര് പിഗ്മെന്റേഷന്
ചര്മത്തിലുണ്ടാകുന്ന ഹൈപ്പര് പിഗ്മെന്റേഷന് പോലുളള പ്രശ്നങ്ങള്ക്കുള്ള നല്ലൊരു പരിഹാരം കൂടിയാണിത്. ഏജ് സ്പോട്സ് കുറയ്ക്കാനും ഇതേറെ നല്ലതാണ്. അള്ട്രാ വയലറ്റ് രശ്മികളുടെ അതിപ്രസരവും വെയിലുമെല്ലാമാണ് ഇത്തരം പ്രശ്നങ്ങള്ക്കുള്ള പ്രധാനപ്പെട്ട കാരണങ്ങള്. ഇതിനുള്ള പരിഹാരമാണ് ചെമ്പരത്തി മുഖത്തു തേയ്ക്കുന്നത്. ഇതിലെ സിട്രിക് ആസിഡ്, മാലിക് ആസിഡ് എന്നിവ ഏറെ ഗുണം നല്കുന്നു. ഇവ സ്കിന് ടോണ് നന്നാക്കുവാന് സഹായിക്കുന്നു.
സ്വാഭാവിക ഈര്പ്പം
ചര്മത്തിന് സ്വാഭാവിക ഈര്പ്പം നല്കുന്ന ഒന്നാണിത്. ഇതിലെ മ്യൂസിലേജ് ഗുണം തന്നെയാണു കാരണം. ചെമ്പരത്തിയിലെ വഴുവഴുപ്പു തന്നെ. ഇത് ചര്മ കോശങ്ങള്ക്ക് സ്വാഭാവിക ഈര്പ്പം നല്കുന്നു. ചര്മത്തിന് തിളക്കവും മൃദുത്വവും നല്കുന്നു. പ്രത്യേകിച്ചും സെന്സിറ്റീവ് സ്കിന് ഉള്ളവര്ക്ക് ഇതേറെ നല്ലതാണ്. മുഖത്തിന് തിളക്കം, മൃദുത്വം, തുടിപ്പ് എന്നിവ നല്കാന് ഇതിലെ മ്യൂസിലേജ് ഗുണം സഹായിക്കുന്നു.
ചര്മത്തിന് നിറം
ചര്മത്തിന് നിറം നല്കുന്ന ഒന്നു കൂടിയാണിത്. ഇതില് വീര്യം കുറഞ്ഞ ആസിഡുകളുണ്ട്. ഇവ ചര്മത്തിന് ബ്ലീച്ചിംഗ് ഇഫ്ക്ട് നല്കാന് സഹായിക്കുന്നു. ചര്മത്തിന് നിറം നല്കുന്നു. യാതൊരു ദോഷവും വരുത്താത്ത മാലിക് ആസിഡ്, സിട്രിക് ആസിഡ് പോലുളളവയാണ് ഇതതിനു സഹായിക്കുന്നു. കെമിക്കല് ബ്ലീച്ചിംഗിന്റെ ദോഷം വരുത്തുന്നില്ലെന്നു ചുരുക്കം. ഇവ ചര്മത്തിലെ മൃത കോശങ്ങള് നീക്കുന്നു. ചര്മം വൃത്തിയാക്കുന്നു. Also read: എണ്ണമയം അധികമുള്ള ഭക്ഷണം കഴിച്ചാൽ ഇവ ഒഴിവാക്കുക!
നേരിട്ട്
ചെമ്പരത്തി അടങ്ങിയ പല സൗന്ദര്യവര്ദ്ധക വസ്തുക്കളും വിപണിയില് ലഭ്യമാണ്. ഇതൊന്നും വാങ്ങി ഉപയോഗിയ്ക്കണം എന്നില്ല. വീട്ടുമുറ്റത്തെ ചെമ്പരത്തി കയ്യിലിട്ടു തിരുമ്മി മുഖത്തു പുരട്ടി മസാജ് ചെയ്യാം. നേരിട്ട് മുഖത്ത് ഇത് പുരട്ടാം. അല്പം കഴിഞ്ഞു കഴുകാം. പ്രായക്കുറവും നല്ല ചര്മവും നിറവുമെല്ലാം നല്കാന് ചെമ്പരത്തി ഏറെ നല്ലതാണ്. യാതൊരു ദോഷവും വരുത്താതെ തന്നെ. Also read: കൊത്തമല്ലി തിളപ്പിച്ച വെള്ളം പ്രമേഹ മരുന്നാണ്