ഗ്രാമ്പൂ
ഗ്രാമ്പൂ സൗന്ദര്യപരമായ ഗുണങ്ങള്‍ കൂടി നല്‍കുന്ന ഒന്നാണ്. ഇതില്‍ ആന്റിഓക്‌സിഡന്റുകളുണ്ട്. ഗ്രാമ്പു ഫൈബർ, വിറ്റാമിൻ സി, വിറ്റാമിൻ കെ എന്നിവയാൽ സമ്പുഷ്ടമാണ്. മുഖക്കുരു ബാധിച്ച ചർമ്മതിനുള്ള ഉത്തമ പ്രതിവിധിയാണ് ഗ്രാമ്പൂ എണ്ണ എന്ന് പറയപ്പെടുന്നു. ഗ്രാമ്പൂവിലെ ആന്റിഫംഗൽ, ആൻറി ബാക്ടീരിയൽ ഗുണങ്ങളാണ് ചർമ്മ പ്രശ്നങ്ങളെ ഫലപ്രദമായി നേരിടാൻ സഹായിക്കുന്നത്. മോശം ബാക്ടീരിയകളെ നശിപ്പിച്ച് വീക്കം നേരിടുന്നതിലൂടെ ചർമ്മത്തിന്റെ ആരോഗ്യം മെച്ചപ്പെടുത്താനും ഗ്രാമ്പൂ സഹായിക്കുന്നു.
കറ്റാര്‍ വാഴ
കറ്റാര്‍ വാഴ സൗന്ദര്യ ഗുണങ്ങള്‍ ഏറെ അടങ്ങിയ ഒന്നാണ്. വൈറ്റമിന്‍ ഇ സമ്പുഷ്ടമാണിത്. വരണ്ട ചര്‍മം പ്രായക്കൂടുതലും ചുളിവുമെല്ലാം വരുത്തുന്ന ഒന്നാണ്. വരണ്ട ചർമത്തിനുള്ള നല്ലൊരു പരിഹാരം കൂടിയാണിത്. ഇതിലെ വൈറ്റമിന്‍ ഇ ചര്‍മത്തിന് ഏറെ സഹായകമാണ്.കറ്റാർ ജെൽ ചർമത്തിലേയ്ക്ക് ആഴ്ന്നിറങ്ങി ചർമ കോശങ്ങൾക്ക് ചർമ കോശങ്ങൾക്ക് തിളക്കവും മൃദുത്വവും നൽകും. ചര്‍മത്തിലെ ചുളിവുകള്‍ അകറ്റാനും ചുളിവുകള്‍ വരാതിരിയ്ക്കുവാനും കറ്റാര്‍ വാഴ ദിവസവും പുരട്ടുന്നത് ഏറെ നല്ലതു തന്നെയാണ്.
വൈറ്റമിന്‍ ഇ
വൈറ്റമിന്‍ ഇ നമ്മുടെ കോശങ്ങള്‍ക്ക് കേടു വരുത്തുന്ന ഫ്രീ റാഡിക്കലുകളെ തടയുന്നു. ഇതിനാല്‍ ആരോഗ്യം മാത്രമല്ല, കോശങ്ങളിലൂടെ സൗന്ദര്യത്തിനും ഇതു സഹായിക്കുന്നു. പലരും പ്രായക്കുറവിനും മറ്റും വൈറ്റമിന്‍ ഇ വാങ്ങിക്കഴിയ്ക്കുന്നതിന്റെ കാരണവു ഇതാണ്. ഇത് ഫാറ്റ് സോലുബിള്‍ വൈറ്റമിനാണ്. ഇത് ചര്‍മത്തിലെ ഇലാസ്റ്റിന്‍, കൊളാജന്‍ എന്നിവ വര്‍ദ്ധിപ്പിയ്ക്കുന്നു. ഇതെല്ലാം ചര്‍മത്തിന് ഇറുക്കം നല്‍കുന്ന, ചുളിവുകള്‍ നീക്കുന്ന ഒന്നാണ്. ഇതു പോലെ സ്‌ട്രെച്ച് മാര്‍ക്‌സ് പൂര്‍ണമായും മാറ്റാന്‍ ആകില്ലെങ്കിലും ഇതിന്റെ നിറം കുറയ്ക്കാന്‍ സാധിയ്ക്കും.
ഇതിന് വേണ്ടത്
ഇതിന് വേണ്ടത് അല്‍പം ഗ്രാമ്പൂവാണ്. ഇത് നല്ലതു പോലെ പൊടിച്ച് വെള്ളത്തില്‍ ചേര്‍ത്ത് നല്ലതു പോലെ തിളപ്പിയ്ക്കണം. ചെറിയ തീയില്‍ ഇത് തിളപ്പിച്ച് ഇതിന്റെ ഗുണം മുഴുവന്‍ വെള്ളത്തിലേയ്ക്ക് ഇറങ്ങാന്‍ അനുവദിയ്ക്കണം. ഇത് പിന്നീട് ഊറ്റിയെടുക്കണം. ഈ വെള്ളത്തില്‍ അല്‍പം കോണ്‍സ്റ്റാര്‍ച്ച് ചേര്‍ത്തിളക്കി തീയില്‍ ചൂടാക്കി ഇത് അല്‍പം കട്ടിയുള്ള മിശ്രിതമാക്കി മാറ്റുക. ഇതിലേയ്ക്ക് കറ്റാര്‍ വാഴ ജെല്‍ ചേര്‍ത്തിളക്കണം. ഇതുപോലെ വൈറ്റമിന്‍ ഇ ഓയില്‍ ചേര്‍ത്തിളക്കണം. ഇത് ഗ്ലാസ് ജാറില്‍ ചേര്‍ത്തിളക്കി മുഖത്ത് പുരട്ടാം. മുഖത്തെ ചുളിവുകള്‍ നീങ്ങാന്‍ ഇതേറെ വല്ലതാണ്.