ആവി കൊള്ളിക്കൽ പ്രക്രിയ
ചർമ്മത്തിൽ അഴുക്കിന്റെ ഏതെങ്കിലും ബിൽഡപ്പുകൾ ഉണ്ടെങ്കിൽ അവയെ ഒഴിവാക്കാൻ സഹായിക്കുകയും ബ്ലാക്ക്ഹെഡുകൾ ഉണ്ടെങ്കിൽ അത് നീക്കം ചെയ്യുന്നത് എളുപ്പമാക്കി മാറ്റുകയും ചെയ്യുന്നു ഈയൊരു പ്രവർത്തി. ആവി കൊള്ളിക്കൽ പ്രക്രിയ മുഖചർമത്തിൽ നീരാവി പകർന്നു നൽകുമ്പോൾ സ്വാഭാവികമായി രക്തചംക്രമണം വർദ്ധിപ്പിക്കപ്പെടുകയും നിങ്ങളുടെ രക്തക്കുഴലുകളിലേക്ക് മതിയായ പോഷകങ്ങൾ എത്തപ്പെടാൻ വഴിയൊരുക്കുകയും ചെയ്യുന്നു.
ആവി കൊള്ളിക്കൽ പ്രക്രിയ നിങ്ങളുടെ ചർമ്മത്തിന് തിളക്കം നൽകുമെങ്കിലും, ഇത് ചെയ്തതിനു ശേഷം ഉടനടി ഒരു ഫേസ് മാസ്ക് പരീക്ഷിക്കുന്നത് നിങ്ങളുടെ മുഖത്തെ കൂടുതൽ പരിപോഷിപ്പിക്കാനും തിളക്കം നൽകാനുമെല്ലാം സഹായിക്കും. മുഖത്തെ ആവി കൊള്ളിച്ച ശേഷം ചെയ്യാൻ കഴിയുന്ന ഫേസ് മാസ്ക്കുകളുടെ കാര്യത്തിൽ ഒരല്പം ശ്രദ്ധ ആവശ്യമുണ്ട്. കാരണമവ ചിലപ്പോൾ ചർമ്മത്തെ പ്രകോപിപ്പിക്കാനും പരിക്കേൽപ്പിക്കാനും ഇടയുണ്ട്. മുഖത്തെ ആവി കൊള്ളിച്ച ശേഷം വീട്ടിൽ തന്നെ എളുപ്പത്തിൽ ചെയ്യാൻ കഴിയുന്ന മൂന്ന് ഫെയ്സ് മാസ്കുകൾ ഇതാ ഇവിടെയുണ്ട് .
വാഴപ്പഴം, തൈര്, തേൻ
വിറ്റാമിൻ എ, ബി, ഇ തുടങ്ങിയ ചർമ്മത്തിന് അനുയോജ്യമായ പോഷകങ്ങൾ വാഴപ്പഴത്തിൽ നിറഞ്ഞിരിക്കുന്നു. ഇത് കറുത്ത പാടുകൾ മങ്ങാനും വരൾച്ചയുടേയും ചുളിവുകളുടെ രൂപം കുറയ്ക്കാനും സഹായിക്കുന്നു. കൂടാതെ, ആവശ്യ പോഷകങ്ങളായ കാൽസ്യം, വിറ്റാമിൻ ബി-2, വിറ്റാമിൻ ബി -12, എന്നിവ നൽകുന്നു. ചർമ്മത്തിന്റെ ആരോഗ്യത്തെ പ്രോത്സാഹിപ്പിക്കുന്നതിനാവശ്യമായ അളവിൽ ജലാംശം നൽകാൻ തേൻ സഹായിക്കുന്നു.
ചേരുവകൾ:
¼ കപ്പ് തൈര്
2 ടീസ്പൂൺ തേൻ
1 ഇടത്തരം വാഴപ്പഴം
എങ്ങനെ ഉപയോഗിക്കാം :
സ്റ്റെപ്പ് 1: വാഴപ്പഴം മിനുസമാർന്ന പേസ്റ്റാക്കി ഉടച്ചെടുക്കുക.
സ്റ്റെപ്പ് 2: വാഴപ്പഴത്തിൽ തൈരും തേനും കലർത്തി മുഖത്ത് പുരട്ടുക.
സ്റ്റെപ്പ് 3: ഇത് 10 മുതൽ 20 മിനിറ്റ് വരെ മുഖത്ത് ഇരിക്കട്ടെ. തണുത്ത വെള്ളത്തിൽ കഴുകിക്കളയുക.
കഞ്ഞിവെള്ളം, തേൻ, കടലമാവ് ഫെയ്സ് മാസ്ക്
ചർമ്മത്തിന് ജലാംശം നൽകുന്ന ആൻറി ബാക്ടീരിയൽ, ആൻറി-ഇൻഫ്ലമേറ്ററി, ആൻറി ഓക്സിഡൻറ് ഗുണങ്ങൾ നൽകുന്ന തേൻ ഈ ഫേസ്മാസ്ക്കിലെ ഒരു മികച്ച ചേരുവയാണ്. മറുവശത്ത് കടലമാവ് ചർമ്മത്തിന് തിളക്കം നൽകുകയും ടാന്നുകളെ നീക്കം ചെയ്യാനും സഹായിക്കുന്നു. കഞ്ഞി വെള്ളവുമായി ചേർന്ന് ഈ ഫെയ്സ് പായ്ക്ക് ചർമ്മത്തെ മിനുസമാർന്നതും തിളക്കമുള്ളതുമാക്കി മാറ്റുന്നു.
ചേരുവകൾ:
കഞ്ഞി വെള്ളം
2 ടീസ്പൂൺ തേൻ
1 ടീസ്പൂൺ കടലമാവ്
തയ്യാറാക്കാനായി :
സ്റ്റെപ്പ് 1: നേർത്ത രീതിയിലുള്ള സ്ഥിരത ലഭിക്കുന്നതു വരെ കഞ്ഞിവെള്ളവും കടലമാവും തേനും ചേർത്ത് നന്നായി ഇളക്കുക.
സ്റ്റെപ്പ് 2: ഈ ഫെയ്സ് പായ്ക്ക് മുഖത്ത് പ്രയോഗിച്ച് 10 മിനിറ്റ് സൂക്ഷിച്ച് വരണ്ടതാകാൻ അനുവദിക്കുക.
സ്റ്റെപ്പ് 3: പായ്ക്ക് ഉണങ്ങിയ ശേഷം തണുത്ത വെള്ളത്തിൽ കഴുകുക.
നാരങ്ങയും തേനും
എച്ച്എഎ (ആൽഫ ഹൈഡ്രോക്സി ആസിഡ്), ബിഎച്ച്എ (ബീറ്റ ഹൈഡ്രോക്സി ആസിഡ്) പോലുള്ള ഹൈഡ്രോക്സി ആസിഡുകൾ നാരങ്ങയിൽ അടങ്ങിയിട്ടുണ്ട്. ഇത് ചർമ്മത്തിലെ നിർജ്ജിവ കോശങ്ങളെ നീക്കം ചെയ്യുകയും ബ്ലാക്ക് ഹെഡ്സ്, മുഖക്കുരു, നിറം മങ്ങൽ എന്നിവ കുറയ്ക്കുകയും ചെയ്യുന്നു. മിനുസമാർന്നതും തിളക്കമുള്ളതുമായ മുഖസ്ഥിതി നേടാനായി തേനിലെ ജലാംശം, ആന്റിഓക്സിഡന്റ് എന്നിവ സഹായിക്കും.
ചേരുവകൾ:
1/2 നാരങ്ങ
1 ടേബിൾ സ്പൂൺ തേൻ
എങ്ങനെ ഉപയോഗിക്കാം:
സ്റ്റെപ്പ് 1: ഒരു ടേബിൾ സ്പൂൺ തേൻ നാരങ്ങ നീരുമായി കലർത്തുക.
സ്റ്റെപ്പ് 2: മിശ്രിതം നിങ്ങളുടെ മുഖത്ത് പുരട്ടി 15 മിനിറ്റ് ഇരിക്കാൻ അനുവദിക്കുക അതിനുശേഷം ചെറുചൂടുള്ള വെള്ളത്തിൽ കഴുകുക.
അതിനാൽ ഇനിമുതൽ തിളങ്ങുന്ന ചർമം നേടിയെടുക്കാനായി ബ്യൂട്ടി പാർലറുകളെ ആശ്രയിക്കേണ്ടതില്ല. ഫലപ്രദമായ രീതിയിൽ വീട്ടിൽ തന്നെ ഈ വിദ്യ പരീക്ഷിച്ചു തുടങ്ങിക്കോളൂ. Also read: ഗര്ഭിണിയാകും മുന്പേ ദന്തപ്രശ്നം തീര്ക്കണം, കാരണം