അകാലനരയ്ക്ക് തൈരിലെ പച്ചക്കൂട്ട്

ചായ അഥവാ തേയില വെള്ളം പ്രകൃതി ദത്തമായ ഒരു കളറിങ്ങ് ഏജൻറാണ്. , ഗ്രീൻ ടീ കുടിക്കുന്നതും തേയിലവെള്ളമുപയോഗിച്ച് മുടി കഴുകുന്നതും നരയെ പ്രതിരോധിക്കാനുള്ള ഉത്തമ വഴിയാണ്. ഹെന്ന അഥവാമൈലാഞ്ചിപ്പൊടി, നെല്ലിക്കാപ്പൊടി, മുട്ടയുടെ വെള്ള എന്നിവ തേയില വെള്ളത്തിൽ കലർത്തി തയാറാക്കിയ മിശ്രിതത്തിൽ നാരങ്ങാ നീര് ചേർത്ത് തലയിൽ തേച്ച് പിടിപ്പിച്ച് 1 മണിക്കൂര്‍ ശേഷം കഴുകുന്നത് അകാല നരയ്ക്കുള്ള പ്രതിരോധമാണ്.

നെല്ലിക്ക മുടി നരയെ പ്രതിരോധിയ്ക്കാനുള്ള സ്വാഭാവിക വഴിയാണ്. ഇത് പല രീതിയിലും പ്രയോഗിയ്ക്കാം.ഉണക്ക നെല്ലിക്കയിട്ടു ചൂടാക്കിയ വെളിച്ചെണ്ണ തലയിൽ തേച്ചു പിടിപ്പിച്ച് ഒരു മണിക്കൂറിനു ശേഷം 1 മണിക്കൂര്‍ ശേഷം കഴുകുന്നത് അകാല നരയ്ക്കുള്ള പ്രതിരോധമാണ്.

പച്ചനെല്ലിക്ക അരച്ച് പേസ്റ്റ് രൂപത്തിലാക്കി തലയിൽ പുരട്ടി ഉണങ്ങുമ്പോള്‍ തണുത്ത വെള്ളത്തിൽ കഴുകിക്കളയുക.നെല്ലിക്കയും തൈരും കലര്‍ത്തിയും ഉപയോഗിയ്ക്കാം. വേണമെങ്കില്‍ മുട്ട വെള്ള കൂടി ചേര്‍ക്കാം.

സവാള നീര് മുടിയില്‍ പുരട്ടുന്നത് മുടി വളരാനും നര ചെറുക്കാനും നല്ലതാണ്. ഉള്ളി നീരിൽ അടങ്ങിയിരിക്കുന്ന ഫോളിക് ആസിഡും വിറ്റാമിൻ C യും അകാല നര തടയാൻ സഹായിക്കും. ഇതിട്ടു കാച്ചിയ വെളിച്ചെണ്ണയും തേക്കാം. ചെറിയുള്ളി ഇട്ട് വെളിച്ചെണ്ണ കാച്ചിത്തേയ്ക്കുന്നതും മുടി കറുക്കാന്‍ നല്ലതാണ്.ഇതു തനിയേയോ വെളിച്ചെണ്ണ ചൂടാക്കി അതില്‍ കലര്‍ത്തിയോ പുരട്ടാം.ആവണക്കെണ്ണയുംബദാം ഓയിലും തുല്യ അളവിലെടുത്ത് ആ മിശ്രിതം തലയിൽ തേച്ചാൽ അകാല നര മാറുമെന്ന് മാത്രമല്ല, മുടി നല്ല രീതിയില്‍ വളരുകയും ചെയ്യും. Also read: പെട്ടെന്ന് തടി വെക്കാൻ നിങ്ങൾക്ക് ആഗ്രഹമുണ്ടോ?

കറിവേപ്പില മറ്റൊരു നര പ്രതിരോധമാണ്. അയൺ, കാൽസ്യം, ഫോസ്ഫറസ്, ആന്റി ഓക്സിഡന്റ്സ്, വിറ്റമിൻ ബി 6, വിറ്റമിന് സി, പ്രോട്ടീൻസ്, ബീറ്റ കരോട്ടിൻ, ഫൈബർ, അമിനോ ആസിഡ്, കാർബോ ഹൈഡ്രേറ്റ്സ് എന്നിവ ധാരാളം കറിവേപ്പിലയിലുണ്ട്. മുടിയ്ക്ക് സ്വാഭാവിക നിറം നല്‍കുന്ന വസ്തു കറിവേപ്പിലയിലുണ്ട്.

കറിവേപ്പില ഇട്ട് തിളപ്പിച്ച എണ്ണ തേയ്ക്കുന്നതും കറിവേപ്പില പച്ചയ്ക്ക് അരച്ച് തലയിൽ പുരട്ടുന്നതും അകാല നരയ്ക്കുള്ള പ്രതിരോധമാണ്.കറിവേപ്പിലയും പച്ചനെല്ലിക്കയും ചേര്‍ത്തുള്ള മിശ്രിതം ഏറെ നല്ലതാണ്. ഇവ രണ്ടും അരച്ച് അല്‍പം തൈരും ചേര്‍ത്തിളക്കി പുരട്ടിയാല്‍ അകാലനര മാറുക മാത്രമല്ല, മുടി നല്ല രീതിയില്‍ വളരുകയും ചെയ്യും.