ഉലുവ
മുടി വളർച്ചയിൽ ഏറ്റവും പ്രധാനിയാണ് ഉലുവ. മുടിയിലെ താരൻ കളയാനും മുടി കൊഴിച്ചിൽ തടയാനും ഇത് വളരെയധികം സഹായിക്കും. മുടിയ്ക്ക് നല്ല തിളക്കവും മൃദുത്വവും നൽകാനും ഉലുവ ഏറെ നല്ലതാണ്. ഉലുവ ഉപയോഗിത്തുള്ള പാക്കുകൾ മുടിയിൽ തേയ്ക്കുന്നത് ഏറെ നല്ലതാണ്. എണ്ണിയാൽ ഒടുങ്ങാത്ത അത്ര ഗുണങ്ങളാണ് ഉലുവയിലുള്ളത്. ഇതിൽ അടങ്ങിയിരിക്കുന്ന അമിനോ ആസിഡുകൾ മുടിയുടെ വളര്‍ച്ചയ്ക്ക് ഏറ്റവുമധികം ഗുണങ്ങൾ ചെയ്യുന്ന ഒന്നാണ്. മുടിയുമായി ബന്ധപ്പെട്ട പല പ്രശ്നങ്ങളെയും ഇല്ലാതാക്കാൻ ഒരു പരിധവി ഇതിൽ അടങ്ങിയിരിക്കുന്ന മറ്റ് പോഷകങ്ങൾ സഹായിക്കും.
ബദാം
ആരോഗ്യത്തിന് ഏറെ മികച്ചതാണ് ബദാം. മുടി സംരക്ഷണത്തിലും ബദാമിനുള്ള പങ്ക് വളരെ വലുതാണെന്ന് തന്നെ പറയാം. ബദാമിൽ അടങ്ങിയികിക്കുന്ന വൈറ്റമിനുകളും, ഒമേഗ 3 ഫാറ്റി ആസിഡുകളും മുടിയ്ക്ക് ഏറെ മികച്ചതാണ്. ബദാം എണ്ണ മുടിയിൽ തേയ്ക്കുന്നതും ബദാം വെറുതെ കഴിക്കുന്നതും മുടിയ്ക്ക ഏറെ നല്ലതാണ്. ആരോഗ്യമുള്ള മുടി വളരാൻ ബദാമിൽ അടങ്ങിയിരിക്കുന്ന പല ഘടകങ്ങളും സഹായിക്കും. ദൈനംദിന ഭക്ഷണക്രമത്തിൽ കൃത്യമായി ബദാം ഉൾപ്പെടുത്താൻ ശ്രമിക്കേണ്ടത് വളരെ പ്രധാനമാണ്. കുതിർത്ത ബദാം ദിവസവും കഴിക്കുന്നവരുണ്ട്. ഇത് ആരോഗ്യത്തിന് പല തരത്തിലുള്ള ഗുണങ്ങൾ നൽകുന്നു.
വെളുത്ത എള്ള്
നിരവധി പോഷകങ്ങളുടെ കലവറയാണ് എള്ള്. ഫാറ്റി ആസിഡുകളുടെയും അമിനോ ആസിഡുകളുടെയും കലവറയായത് കൊണ്ട് ഇത് മുടിയഴകിന് ഏറെ മികച്ചതാണ്. ഒരു ടേബിൾ സ്പൂൺ എള്ളിൽ 52 കലോറി മാത്രമാണ് അടങ്ങിയിട്ടുള്ളത്. കൂടാതെ കൊഴുപ്പ്, കാർബോ ഹൈഡ്രേറ്റ്, പ്രോട്ടീൻ, കോപ്പർ, കാൽസ്യം, മഗ്നീഷ്യം, ഇരുമ്പ്, ഫോസ്ഫറസ്, സിങ്ക്, തയാമിൻ എന്നിവയെല്ലാം എള്ളിൽ അടങ്ങിയിട്ടുണ്ട്. എള്ള് മുടിയെ വേരിൽ നിന്ന് ബലപ്പെടുത്താനും വളരെയധികം സഹായിക്കും.
കറിവേപ്പില
എല്ലാ വീട്ടിലും സുലഭമായി ലഭിക്കുന്നതാണ് കറിവേപ്പില. കറിയിൽ കിടക്കുന്ന കറിവേപ്പിലകൾ വലിച്ചെറിയാണ് പലരുടെയും പതിവ്. പക്ഷെ ഈ കറിവേപ്പില കഴിക്കുന്നത് മുടിയഴികന് ഏറെ മികച്ചതാണ്. മുടി വളർച്ചയ്ക്കും മുടിയ്ക്ക് നിറവും ബലവും നൽകാനും കറിവേപ്പില വളരെയധികം സഹായിക്കും. ആന്റിഓക്‌സിഡന്റുകളാലും പ്രോട്ടീനുകളാലും സമ്പന്നമാണ് കറിവപ്പേലി എന്ന് പലർക്കും അറിയില്ല എന്നതാണ് സത്യം. ഇതിൽ അടങ്ങിയിരിക്കുന്ന ആന്റിഓക്‌സിഡന്റുകൾ ഫ്രീ റാഡിക്കലുകളെ നിർവീര്യമാക്കുകയും മുടി കൂടുതൽ ആരോഗ്യമുള്ളതും ബലമുള്ളതാക്കാനും സഹായിക്കുയും ചെയ്യും. മുടി സംരക്ഷണത്തിനായി വിപണികളിൽ നിന്ന് വാങ്ങിക്കുന്ന പല ഉത്പ്പന്നങ്ങളിലെയും പ്രധാന ചേരുവയാണ് കറിവേപ്പി. വീട്ടിലെ പറമ്പിൽ നിൽക്കുന്ന ഈ കറിവേപ്പില ഇനി വെറുതെ കളയണ്ട.
Also Read: ഈ മൂന്ന് ചേരുവകൾ ഉണ്ടെങ്കിൽ മുടി നല്ല അടിപൊളിയായി കറുപ്പിക്കാം
കരിഞ്ചീരകം
മുടിയുടെ പ്രശ്നങ്ങൾ പരിഹരിക്കുന്നതിലെ പ്രധാനിയാണ് കരിഞ്ചീരകം. കാണാൻ കുഞ്ഞന്മാരാണെങ്കിലും പലപ്പോഴും മുടിയുടെ പല പ്രശ്നങ്ങൾക്കുമുള്ള പരിഹാരമാണ് കരിഞ്ചീരകം. തലയിലെ താരൻ നീക്കം ചെയ്യാനും മുടി കൊഴിച്ചിൽ തടഞ്ഞ് നല്ല ആരോഗ്യമുള്ള മുടി വളരാനും കരിഞ്ചീരകം വളരെയധികം സഹായിക്കും. കരിഞ്ചീരകമിട്ട എണ്ണ മുടിയിൽ സ്ഥിരമായി തേയ്ക്കുന്നത് വളരെ നല്ലതാണ്. മുടിയുടെ സ്വാഭാവിക നിറം നിലനിർത്താനുമുള്ള വളരെ വലിയൊരു പങ്ക് കരിഞ്ചീരകത്തിനുണ്ട്. മുടിയെ നന്നായി കണ്ടീഷന്‍ ചെയ്ത് നിലനിർത്താൻ കരിഞ്ചീരകം സഹായിക്കും. മുടി നല്ല കരുത്തോടെ വളരാനും ഇത് മികച്ചതാണ്.
ഈ പൗഡർ എങ്ങനെ തയാറാക്കാം
ഒരു പാത്രം അടുപ്പിൽ വച്ച് അതിലേക്ക് അഞ്ചോ ആറോ ബദാം, ഒരു ടീ സ്പൂൺ ഉലുവ, ഒരു ടീ സ്പൂൺ കരിഞ്ചീരകം, 1 ടീ സ്പൂൺ വെളുത്ത എള്ള്, 10 മുതൽ 12 കറിവേപ്പില ഇലകൾ എന്നിവയെല്ലാം ചേർത്ത് നന്നായി ചൂടാക്കുക. ചൂടായി വന്ന ശേഷം ഈ കൂട്ട് ഒരു മിക്സിയിലോ അല്ലെങ്കിൽ ബ്ലെൻഡറിലോ ഇട്ട് പൊടിച്ച് എടുക്കുക.
എങ്ങനെ കഴിക്കണം
ഭക്ഷണത്തിന് മുൻപോ ശേഷമോ ഇതിലേ ഒരു സ്പൂൺ കഴിച്ച ശേഷം ഒരു ഗ്ലാസം വെള്ളം കുടിക്കാം. ശരീരത്തിന് അനുയോജ്യമാണോ എന്ന വ്യക്തമാക്കിയ ശേഷം മാത്രം ഉപയോഗിക്കുക.
English Summary: Hair growth powder
Disclaimer: പൊതു വിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. ആരോഗ്യ പ്രശ്നമുള്ളവർ വിദഗ്ധരുടെ അഭിപ്രായമെടുത്ത ശേഷം മാത്രം ഇത് കഴിക്കുക.
കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക.