ഇത്തരം പ്രശ്‌നങ്ങള്‍ക്ക് പരിഹാരമായി നമുക്ക് പരീക്ഷിയ്ക്കാവുന്ന പല വീട്ടുവൈദ്യങ്ങളുമുണ്ട്. ഇത്തരത്തില്‍ ഒന്നിനെ കുറിച്ചറിയൂ. തികച്ചും പ്രകൃതിദത്ത ചേരുവകള്‍ കൊണ്ട് തയ്യാറാക്കി ഉപയോഗിയ്ക്കാവുന്ന ഒന്ന്.
ചെമ്പരത്തി
ഇതിനായി വേണ്ടത് ചെമ്പരത്തി, കറ്റാര്‍ വാഴ, തൈര് എന്നീ ചേരുവകളാണ്. ചെമ്പരത്തി മുടിയുടെ ആരോഗ്യത്തിന് ഏറെ നല്ലതാണ്. മുടിയ്ക്കായി പരമ്പരാഗത കാലം മുതല്‍ ഉപയോഗിച്ച് വരാറുള്ള ഒന്നാണിത്. ഇത് ഉപയോഗിച്ച് മുടിയുടെ ആരോഗ്യത്തിന് സഹായിക്കുന്ന ചില ഹെയർ പായ്ക്കുകൾ തയ്യാറാക്കാം.
മുടിയ്ക്ക് മിനുസം നല്‍കാനും മുടി ക്ലീനാക്കാനുമെല്ലാം ചെമ്പരത്തി ഏറെ നല്ലതാണ്.
വെറും വയറ്റിൽ വെള്ളം കുടിച്ചാൽ കിട്ടുന്ന ഗുണങ്ങൾ
കറ്റാര്‍വാഴ
മുടിയുടെ ആരോഗ്യത്തിന് ചെമ്പരത്തി പോലെ തന്നെ ഉപയോഗപ്രദമായ ഒന്നാണ് കറ്റാര്‍വാഴ. കറ്റാര്‍ വാഴ വൈറ്റമിന്‍ ഇ സമ്പുഷ്ടമാണ്. മുടിയ്ക്ക് തിളക്കവും മിനുസവും നല്‍കുന്ന ഇത് മുടിയുടെ ആരോഗ്യത്തിന് ഏറെ ഗുണകരമാണ്. വൈറ്റമിന്‍ ഇ സമ്പുഷ്ടമായ പ്രകൃതിദത്ത ചേരുവകളില്‍ പ്രധാനപ്പെട്ടതാണ് കറ്റാര്‍ വാഴ. മുടിയ്ക്കും സൗന്ദര്യത്തിനുമെല്ലാം ഒരുപോലെ സഹായകമാണ് ഈ പ്രത്യേക ചെടി.
വൈറ്റമിനുകളുടെ ഉറവിടമായ ഇത് മുടി വളരാന്‍ മാത്രമല്ല, മുടിയ്ക്കു തിളക്കം നല്‍കാനും മൃദുത്വം നല്‍കാനുമെല്ലാം ഏറെ സഹായിക്കുന്നു.മുടി നല്ലതു പോലെ വളരാന്‍, തിളങ്ങാന്‍, മുടിയുടെ പ്രശ്‌നങ്ങള്‍ അകറ്റാന്‍ സഹായിക്കുന്ന നാടന്‍ വഴികളില്‍ ഒന്നാണ് കറ്റാര്‍ വാഴ.
തൈര്
തൈര് കാൽസ്യത്തിന്റെ മികച്ച ഉറവിടം മാത്രമല്ല, ബി 5, ഡി തുടങ്ങിയ വിറ്റാമിനുകളും, സിങ്ക്, മഗ്നീഷ്യം, പൊട്ടാസ്യം തുടങ്ങിയ ധാതുക്കൾ, ഫാറ്റി ആസിഡുകൾ, പ്രോട്ടീനുകൾ എന്നിവയാലും സമ്പുഷ്ടമാണ്. ഇവ ഒരുമിച്ച് മുടി സംബന്ധമായ വിവിധ പ്രശ്നങ്ങൾ പരിഹരിക്കുന്നതിന് ഒന്നിലധികം വഴികളിൽ പ്രവർത്തിക്കുന്നു.
തൈരിന് നിങ്ങളുടെ മുടിക്ക് ഉയർന്ന അളവിൽ പോഷണം നൽകാനുള്ള കഴിവുണ്ട്. പ്രത്യേകിച്ച് വരണ്ടതും തിളക്കം കുറഞ്ഞതുമായ മുടിക്ക്.
ഹെയര്‍ പായ്ക്ക്
മുടിയുടെ കട്ടി കൂട്ടാനും അറ്റം പിളരുന്നത് ഒഴിവാക്കാനുമുള്ള ഈ ഹെയര്‍ പായ്ക്ക് തയ്യാറാക്കാന്‍ ചെമ്പരത്തിപ്പൂവുകള്‍ എടുക്കുക. അഞ്ചിതള്‍ ചുവന്ന ചെമ്പരത്തി, അതായത് സാധാരണ ചെമ്പരത്തിയാണ് നല്ലത്. ഇതില്‍ കറ്റാര്‍ വാഴ കഷ്ണങ്ങളാക്കി നുറുക്കിയതും തൈരും ചേര്‍ത്ത് അരച്ച് മിശ്രിതമാക്കാം.
ഇത് ഹെയര്‍ പായ്ക്കായും മുടിയുടെ അറ്റം വരെയും പുരട്ടാം. മുടിയ്ക്ക് ഏറെ ആരോഗ്യ ഗുണങ്ങള്‍ നല്‍കുന്ന സ്വാഭാവിക പായ്ക്കാണിത്.