ഇതിന് പരിഹാരമായി ചെയ്യാവുന്ന വീട്ടുവൈദ്യങ്ങള്‍ ധാരാളമാണ്. ഇത്തരത്തില്‍ മുടി സംരക്ഷണത്തിനായി വീട്ടില്‍ തന്നെ ചെയ്യാവുന്ന ഒന്നാണ് എണ്ണ പ്രയോഗം. പല തരത്തിലെ എണ്ണകള്‍ ശിരോചര്‍മത്തില്‍ പുരട്ടി മസാജ് ചെയ്യുന്നത് ഏറെ ഗുണം നല്‍കുന്ന ഒന്നാണ്. മുടി കൊഴിച്ചില്‍ നിര്‍ത്താനും നരയ്ക്കാതിരിയ്ക്കാനും നര മാറ്റി കറുക്കാനും മുടി വളരാനുമെല്ലാം സഹായിക്കുന്ന പല തരം ഓയിലുകള്‍ ലഭ്യമാണ്.
നമുക്ക് വീട്ടില്‍ തന്നെ തയ്യാറാക്കി ഉപയോഗിയ്ക്കാവുന്ന തരം ഓയിലുകളുമുണ്ട്. ഇത്തരത്തില്‍ ഒന്നിനെ കുറിച്ചറിയൂ. വീട്ടില്‍ തന്നെ തയ്യാറാക്കി ഉപയോഗിയ്ക്കാവുന്ന ചെമ്പരത്യാദി ഓയിലാണ് ഇത്. മുടി നരയ്ക്കാതിരിയ്ക്കാന്‍, വളരാന്‍, കൊഴിയാതിരിയ്ക്കാന്‍ എല്ലാം ഏറെ ഗുണം നല്‍കുന്ന ഒന്നാണിത്.
ചെമ്പരത്തി
ഇതിലെ പ്രധാന ചേരുവ പേര് സൂചിപ്പിയ്ക്കുന്നത് പോലെ തന്നെ ചെമ്പരത്തിയാണ്. ഇതിനൊപ്പം കരിഞ്ചീരകം, വെളിച്ചെണ്ണ എന്നിവയും ചേര്‍ക്കുന്നു. ചെമ്പരത്തി മുടി സംരക്ഷണത്തിന് പണ്ടേ മുതല്‍ തന്നെ ഉപയോഗിച്ച് വരുന്ന ഒന്നാണ്. ആയുർവേദ പ്രകാരം, സഹായിക്കുന്ന
ഏറ്റവും പ്രശസ്തമായ ഔഷധസസ്യങ്ങളിലൊന്നാണ് ചെമ്പരത്തി.
ആന്റിഓക്‌സിഡന്റുകളും ആന്തോസയാനിനുകൾ പോലുള്ള അവശ്യ സംയുക്തങ്ങളും ആരോഗ്യഗുണങ്ങളുള്ള ഫ്ലേവനോയ്ഡുകളും ചെമ്പരത്തിയിൽ സമൃദ്ധമായി അടങ്ങിയിരിക്കുന്നു.ഇത് മുടിയുടെ മിനുസവും ഗുണവും വർദ്ധിപ്പിക്കുകയും, മുടി കൈകാര്യം ചെയ്യുവാൻ എളുപ്പത്തിലാക്കുകയും ചെയ്യുന്നു. മുടിയില്‍ സ്വാഭാവിക ഈര്‍പ്പം നില നിര്‍ത്തിക്കൊണ്ട് തന്നെ ഒരേ സമയം ഷാംപൂ, കണ്ടീഷണര്‍ ഗുണങ്ങള്‍ നല്‍കാന്‍ ചെമ്പരത്തിയ്ക്ക് സാധിയ്ക്കും.
താരനകറ്റാൻ
കരിഞ്ചീരകം
കരിഞ്ചീരകം മുടിയുടെ വളർച്ചയെ സഹായിക്കുകയും രോമകൂപങ്ങളെ ശക്തിപ്പെടുത്തുകയും ചെയ്യുന്നു. ജീരകം പ്രകൃതിദത്ത മോയ്‌സ്ചുറൈസറായി പ്രവർത്തിക്കുകയും തലയോട്ടിയിലെ വരൾച്ച കുറയ്ക്കുകയും അതിനാൽ മുടി കൊഴിച്ചിൽ തടയുകയും ചെയ്യുന്നു.
കരിഞ്ചീരകം മുടി വളരാന്‍ മാത്രമല്ല, നര മാറാനുള്ള പ്രകൃതിദത്ത മരുന്ന് കൂടിയാണ്. ഇത് ആരോഗ്യ, മുടി, ചര്‍മ സംരക്ഷണത്തിന ഒരുപോലെ ഉപയോഗിയ്ക്കാവുന്ന മാര്‍ഗമാണ്.
വെളിച്ചെണ്ണ
മുടിയുടെ ആരോഗ്യത്തിന് പണ്ടേ മുതല്‍ തന്നെ ഉപയോഗിച്ച് വരുന്ന ഒന്നാണ് വെളിച്ചെണ്ണ. വെളിച്ചെണ്ണ ആരോഗ്യത്തിനും മുടിയ്ക്കും ചര്‍മത്തിനുമെല്ലാം ഏറെ നല്ലതാണ്. നല്ല ശുദ്ധമായ വെളിച്ചെണ്ണ മസാജ് മുടിയ്ക്ക് വളര്‍ച്ച നല്‍കും.
ഇതിലെ ആരോഗ്യകരമായ കൊഴുപ്പുകള്‍ മുടി വേരുകള്‍ക്കു ബലം നല്‍കും. ഇതു കൊണ്ടു മസാജ് ചെയ്യുന്നത് രക്തപ്രവാഹം കൂട്ടി മുടി വളരാന്‍ സഹായിക്കുകയും ചെയ്യും. നല്ല ശുദ്ധമായ വെളിച്ചെണ്ണ വേണമെന്നത് ഏറെ പ്രധാനമാണ്.
ഇത് തയ്യാറാക്കാന്‍
ഇത് തയ്യാറാക്കാന്‍ ചുവന്ന നിറത്തിലെ അഞ്ചിതള്‍ ചെമ്പരത്തിയാണ് വേണ്ടത്. ചെമ്പരത്തി മുട്ടും ഉപയോഗിയ്ക്കാം. ഇത് ഉണ്ടാക്കുന്ന എണ്ണയുടെ അളവിന് അനുസരിച്ച് ചേര്‍ക്കാം. അരക്കിലോ വെളിച്ചെണ്ണയില്‍ 10 പൂ വരെ ചേര്‍ക്കാം. രണ്ട് ടേബിള്‍ സ്പൂണ്‍ കരിഞ്ചീരകവും ചേര്‍ക്കാം. ഇവ രണ്ടും ചേര്‍ത്തിളക്കി തിളപ്പിയ്ക്കുക. കരിഞ്ചീരകം അരച്ചോ പൊടിച്ചോ ചേര്‍ക്കുന്നത് കൂടുതല്‍ നല്ലതാണ്.
ഇത് കുറഞ്ഞ തീയില്‍ തിളപ്പിച്ച് ഊറ്റിയെടുത്ത് സൂക്ഷിയ്ക്കാം. ആഴ്ചയില്‍ രണ്ടു മൂന്ന് ദിവസമെങ്കിലും ഇത് മുടിയില്‍ പുരട്ടി മസാജ് ചെയ്യുന്നത് ഏറെ ഗുണം നല്‍കും. ആയുര്‍വേദം: മുടി നരച്ചത് കറുപ്പാക്കാനും ഒപ്പം വളരാനും ത്രിഫല പ്രയോഗം