കഞ്ഞിവെള്ളം
ഈ നാടന്‍ ഷാംപൂ തയ്യാറാക്കാന്‍ വേണ്ടത് കഞ്ഞി വെള്ളവും പിന്നെ ഉലുവയുമാണ്. ഇവ രണ്ടും മുടിയുടെ സംരക്ഷണത്തിന് മികച്ചതുമാണ്. മുടിയെ സംരക്ഷിയ്ക്കാന്‍ പുളിച്ച കഞ്ഞിവെള്ളം ഏറെ നല്ലതാണ്. മുടിക്ക് നല്ല ആരോഗ്യവും നിറവും നല്‍കുന്നു. എന്ന് മാത്രമല്ല തലയ്ക്ക് നല്ല തണുപ്പും ഉറപ്പും വര്‍ധിപ്പിക്കാന്‍ ഇത് സഹായമാകുന്നു. അകാല നര ചെറുക്കാന്‍ ഇതിലെ പോഷക ഘടകങ്ങള്‍ സഹായിക്കുന്നു.പുളിച്ച കഞ്ഞിവെള്ളം തലയില്‍ പുരട്ടുന്നത് താരന്‍ പോലുളള പ്രശ്‌നങ്ങള്‍ക്ക് മികച്ചതുമാണ്.
ഉലുവ
ഉലുവ ഉപയോഗിയ്ക്കുന്നത് മുടി കൊഴിയുന്നതു തടയും. മുടി വളര്‍ച്ച ത്വരിതപ്പെടുത്തും. താരന്‍ പോലുള്ള പ്രശ്‌നങ്ങള്‍ക്കു നല്ല പരിഹാരമാണ്. മുടിയ്ക്കു തിളക്കവും മൃദുത്വവുമെല്ലാം നല്‍കും. തികച്ചും സ്വാഭാവിക ചേരുവകള്‍ ആയതിനാല്‍ തന്നെ യാതൊരു ദോഷവും മുടിയ്‌ക്കോ തലയ്‌ക്കോ വരുത്തുന്നുമില്ല. ഇത് ഉപയോഗിയ്ക്കാനും വളരെ എളുപ്പമാണ്.ഇത് ഈസ്ട്രജന്‍ സമ്പുഷ്ടമാണ്. മുടിയുടെ വളര്‍ച്ചയ്ക്കും ആരോഗ്യത്തിനും ആവശ്യമായ ഏറെ പോഷകങ്ങള്‍ അടങ്ങിയ ഇത് മുടിയ്ക്കു തിളക്കം നല്‍കാനും നല്ലൊരു ഷാംപൂവിന്റെയും കണ്ടീഷണറുടേയും ഗുണം നല്‍കാനും നല്ലതാണ്.
ഈ നാടന്‍ ഷാംപൂ തയ്യാറാക്കാന്‍
ഈ നാടന്‍ ഷാംപൂ തയ്യാറാക്കാന്‍ കഞ്ഞിവെള്ളം തലേന്നത്തെ, അല്ലെങ്കില്‍ പുളിപ്പിച്ചത് എടുക്കുന്നതാണ് നല്ലത്. ഇതാണ് കൂടുതല്‍ ഗുണങ്ങള്‍ നല്‍കുക. ഇത് എടുത്തു വച്ചാല്‍ അല്‍പം കട്ടയാകും. ഇതില്‍ ഉലുവയിട്ടു വയ്ക്കാം. ഇത് പിന്നീട് അരയ്ക്കാം. ഇതല്ലെങ്കില്‍ കഞ്ഞിവെള്ളത്തില്‍ ഉലുവാപ്പൊടിയിട്ട് മിക്‌സിയില്‍ നല്ലതുപോലെ അടിയ്ക്കാം. ഇത് പതയാന്‍ സഹായിക്കുന്ന വഴിയാണിത്. ഇത് മുടിയില്‍ തേയ്ക്കാം. മുടി അധികം വരണ്ടതാക്കാതെ എണ്ണ കളയുമെന്ന് മാത്രമല്ല, മുടിയ്ക്ക് തിളക്കവും മൃദുത്വവും നല്‍കാനും ഇതു നല്ലതാണ്.
ചിലര്‍ക്ക് കൂടുതല്‍ എണ്ണമയം
ചിലര്‍ക്ക് കൂടുതല്‍ എണ്ണമയം മുടിയിലുണ്ടാകും. ഇത്തരക്കാര്‍ ഷിക്കാക്കായ് പൗഡര്‍ വീട്ടില്‍ പൊടിച്ചു വച്ചതോ വാങ്ങിയതോ അല്‍പം ചേര്‍ത്ത് മിക്‌സിയില്‍ കഞ്ഞിവെള്ളത്തിനും ഉലുവയ്ക്കുമൊപ്പം അരയ്ക്കാം. മുടിയില്‍ അധികം വരുന്ന എണ്ണമയം നീക്കാന്‍ ഇത് നല്ലതാണ്. കെമിക്കലുകള്‍ അടങ്ങാത്ത ഈ നാടന്‍ ഷാംപൂ മുടി വളരാനും മുടിയുടെ ആരോഗ്യത്തിനും ഏറെ നല്ലതുമാണ്. ഈ ഷാംപൂ തേച്ചാല്‍ പിന്നെ കണ്ടീഷണര്‍ തേയ്‌ക്കേണ്ട ആവശ്യവുമില്ല. ഷാംപൂ, കണ്ടീഷണര്‍ ഗുണം ഒരു പോലെ നല്‍കുന്ന ഒന്നാണിത്. 5 മിനിറ്റില്‍ ഗ്യാസ് ട്രബിള്‍, വീര്‍ത്ത വയര്‍ പോകും...