കഞ്ഞിവെള്ളം
ഈ പ്രത്യേക താളിയ്ക്ക് വേണ്ടത് കഞ്ഞിവെള്ളവും ചെമ്പരത്തിയുടെ ഇലയും പൂവും ഉലുവയുമാണ്. കഞ്ഞിവെള്ളം പണ്ടു കാലം മുതല്‍ തന്നെ മുടി സംരക്ഷണത്തിന് ഉതകുന്ന ഒന്നാണ്. വൈറ്റമിന്‍ ബി അടക്കമുള്ളവയാല്‍ സമ്പുഷ്ടമായ ഇത് മുടിയ്ക്ക് നല്ലൊരു കണ്ടീഷണര്‍ ഗുണം നല്‍കുന്ന ഒന്നു കൂടിയാണ്. കഞ്ഞിവെള്ളത്തിൽ ധാരാളമായി അടങ്ങിയിരിക്കുന്ന പ്രോട്ടീനും കാർബോഹൈഡ്രേറ്റസും തലമുടി വളരാൻ സഹായിക്കും. ഒരു ബ്യൂട്ടി പാർലറിൽ പോയി മുടിക്ക് ചെയ്യുന്ന പ്രോട്ടീൻ ട്രീറ്റ്മെന്റിനേക്കാൾ ഫലപ്രദമാണ് കഞ്ഞിവെള്ളം മുടിക്ക് നൽകുന്നത്.കഞ്ഞിവെള്ളവും അരി കഴുകിയ വെള്ളവുമെല്ലാം തന്നെ മുടിയ്ക്ക് പല ആരോഗ്യ ഗുണങ്ങളും നല്‍കുന്നവയാണ്. പുളിപ്പിച്ച, അതായത് തലേന്ന് തന്നെ എടുത്തു വച്ച കഞ്ഞിവെള്ളമെങ്കില്‍ ഗുണം കൂടുതലാണ്. ഇതിന്റെ പുളിപ്പ് മണം പിടിയ്ക്കാത്തവര്‍ ഫ്രഷ് ആയ കഞ്ഞിവെള്ളം എടുത്താലും മതിയാകും.
ചെമ്പരത്തി
മുടിയെ പോഷിപ്പിക്കാനും അതിന്റെ സ്വാഭാവിക ഈർപ്പം നിലനിർത്താനും ചെമ്പരത്തി ഉപയോഗിക്കാം.ചെമ്പരത്തി ഒരു അൾട്രാ-എമോലിയന്റ് ആയി പ്രവർത്തിക്കുന്നു, ഇത് നിങ്ങളുടെ മുടി വേരുകളിൽ ഈർപ്പം തടഞ്ഞുനിർത്തുകയും നിങ്ങളുടെ മുടിയിഴകളിൽ ഇലാസ്തികത പുനഃസ്ഥാപിക്കുകയും ചെയ്യുന്നു. ഇതിലെ മ്യൂസിലേജ് ഫൈബർ മുടി പൊട്ടുന്നത് തടയുകയും മുടി മിനുസമാർന്നതുമാക്കുകയും ചെയ്യുന്നു. ഇത് പ്രകൃതിദത്തമായ പിഗ്മെന്റുകൾ, ആന്റിഓക്‌സിഡന്റുകൾ, വിറ്റാമിനുകൾ എന്നിവയാൽ സമ്പന്നമാണ്,
ഉലുവ
ഇതില്‍ ചേര്‍ക്കുന്ന അടുത്ത ചേരുവയാണ് ഉലുവ. ഉലുവ ആരോഗ്യത്തിന് മാത്രമല്ല,മുടി, ചര്‍മസംരക്ഷണത്തിന് കൂടി മികച്ചതാണ്. ഇത് നല്ലൊരു ഷാംപൂ ഗുണം നല്‍കുന്ന ഒന്നാണ്. മുടിയ്ക്ക് തിളക്കവും മിനുസവുമെല്ലാം നല്‍കുന്ന ഒന്ന്. ഈസ്ട്രജന്‍ സമ്പുഷ്ടമാണ് ഉലുവ. തലയിലെ എണ്ണ മെഴുക്ക് കളയാന്‍ ഏറെ ഫലപ്രദമാണ് ഉലുവ. ഉലുവ ഉപയോഗിയ്ക്കുന്നത് മുടി കൊഴിയുന്നതു തടയും. മുടി വളര്‍ച്ച ത്വരിതപ്പെടുത്തും. താരന്‍ പോലുള്ള പ്രശ്‌നങ്ങള്‍ക്കു നല്ല പരിഹാരമാണ്. മുടിയ്ക്കു തിളക്കവും മൃദുത്വവുമെല്ലാം നല്‍കും.
ഇത് തയ്യാറാക്കാന്‍
ഇത് തയ്യാറാക്കാന്‍ ഏറെ എളുപ്പമാണ്. കഞ്ഞിവെള്ളം എടുക്കാം. പുളിപ്പിച്ചതോ ഫ്രഷ് ആയതോ. ഇതില്‍ ഉലുവ തലേന്ന് ഇട്ടു വയ്ക്കാം. ഇതല്ലെങ്കില്‍ നേരത്തെ ഇട്ട് ഇത് കുതിരുന്നത് വരെ വയ്ക്കണം. ഇതില്‍ ചെമ്പരത്തിയുടെ ഇലയും പൂവുമെല്ലാം കൈ കൊണ്ട് ഞെരടിച്ചേര്‍ത്ത് വയ്ക്കുക. ഇത് തലേന്നേ ഇട്ടു വച്ചാല്‍ നല്ലത്. ഇതെല്ലാം ചേര്‍ത്ത് കൈ കൊണ്ടു തന്നെ ഞെരടിച്ചേര്‍ത്താല്‍ കൊഴുപ്പുള്ള പാനീയം ലഭിയ്ക്കും. ഇത് തലയില്‍ പുരട്ടി അര മണിക്കൂര്‍ ശേഷം കഴുകാം. തലയില്‍ എണ്ണ പുരട്ടിയാല്‍ ഇത് സ്വാഭാവിക ഷാംപൂ ആയി ഉപയോഗിയ്ക്കാം. ഇത് ആഴ്ചയില്‍ രണ്ടു മൂന്ന് ദിവസമെങ്കിലും ഉപയോഗിയ്ക്കാം.