തൂങ്ങിയ കവിളും ചുളിവുകളും മാറ്റാൻ വീട്ടിലുണ്ട് പരിഹാരം

പ്രായമാകുന്ന പല പ്രശ്നങ്ങളും ഇല്ലാതാക്കാൻ കാപ്പിയ്ക്ക് കഴിയും. മുഖം സക്രബ് ചെയ്യാനായി ഉപയോഗിക്കാവുന്നതാണ് കാപ്പിയെന്ന് തന്നെ പറയാം. മുഖത്ത് അഴുക് നീക്കം ചെയ്യാനും ചർമ്മം തിളങ്ങാനും ഇത് ഏറെ സഹായിക്കും. ഇതിൽ അടങ്ങിയിരിക്കുന്ന കഫീൻ പ്രായവുമായി ബന്ധപ്പെട്ട ഓക്സിഡേറ്റീവ് സമ്മർദ്ദത്തിൽ നിന്ന് ചർമ്മത്തെ സംരക്ഷിക്കും.

കാപ്പിയിൽ അൽപ്പം വെള്ളം ചേർത്ത് പേസ്റ്റ് രൂപത്തിലാക്കുക. വ്യത്താകൃതിയിൽ ഈ പേസ്റ്റ് മുഖത്ത് തേച്ച് പിടിപ്പിക്കുക. അൽപ്പ സമയത്തിന് ശേഷം ചെറു ചൂട് വെള്ളത്തിൽ മുഖം കഴുകി വ്യത്തിയാക്കാം.

ചർമ്മത്തിൻ്റെ പല പ്രശ്നങ്ങളും ഇല്ലാതാക്കാൻ സഹായിക്കുന്നതാണ് കറ്റാർവാഴ. ഈ സസ്യത്തിലെ ജെൽ ചർമ്മത്തിന് നല്ല മുറുക്കവും തിളക്കവുമൊക്കെ നൽകാൻ സഹായിക്കുന്നതാണ്. ഇതിൻ്റെ ആൻ്റി ഇൻഫ്ലമേറ്ററി ആൻ്റി ബാക്ടീരിയൽ ഗുണങ്ങൾ ചർമ്മത്തിലെ പാടുകൾ മുഖക്കുരു എന്നിവയെല്ലാം ഇല്ലാതാക്കാൻ ഏറെ സഹായിക്കും.

കറ്റാർവാഴയിൽ നിന്ന് ജെൽ മാത്രം മാറ്റി എടുക്കുക. അതിന് ശേഷം ഇത് നന്നായി അടിച്ച് നേരിട്ട് മുഖത്ത് പുരട്ടാവുന്നതാണ്. 15 മുതൽ 20 മിനിറ്റ് വച്ച ശേഷം മുഖം കഴുകി വ്യത്തിയാക്കാം.

കഴിക്കുമ്പോൾ നിരവധി ആരോഗ്യ ഗുണങ്ങൾ ലഭിക്കുന്നതാണ് വെള്ളരിക്ക എന്ന് എല്ലാവർക്കുമറിയാം. അതുപോലെ ചർമ്മത്തിൻ്റെ പ്രശ്നങ്ങൾ അകറ്റാനും വെള്ളരിക്ക ഏറെ നല്ലതാണ്. എലാസ്റ്റിൻ, ഹൈലൂറോണിക് ആസിഡ് എന്നിവ നിലനിർത്താൻ കുക്കുമ്പർ സഹായിക്കുന്നു, കൂടാതെ ചർമ്മത്തെ മോയ്ചറൈസ് ചെയ്യാനും മൃദുവാക്കാനും ഏറെ നല്ലതാണ് മറ്റൊരു പഠനവും പറയുന്നുണ്ട്.

ഒരു വെള്ളരിക്ക എടുത്ത് മിക്സിയിലോ ബ്ലെൻഡറിലോ ഇട്ട് അടിച്ച് പിഴിഞ്ഞ് നീര് എടുക്കുക. ഇത് ഒരു കോട്ടൺ ഉപയോഗിച്ച് മുഖത്ത് നന്നായി ഇടുക. അതിന് ശേഷം 15 മിനിറ്റ് കഴിഞ്ഞ് മുഖം കഴുകി വ്യത്തിയാക്കാവുന്നതാണ്.

ചർമ്മത്തിൻ്റെ പല പ്രശ്നങ്ങളും ഇല്ലാതാക്കാൻ ഏറെ സഹായിക്കുന്നതാണ് പഴം. ജേണൽ ഓഫ് ക്ലിനിക്കൽ ആൻഡ് എസ്തെറ്റിക് ഡെർമറ്റോളജി പ്രസിദ്ധീകരിച്ച 2012 ലെ ഒരു പഠനമനുസരിച്ച്, വാഴപ്പഴത്തിൽ അടങ്ങിയിരിക്കുന്ന പൊട്ടാസ്യം, വൈറ്റമിനുകൾ, പ്രകൃതിദത്ത എണ്ണകൾ എന്നിവ ധാരാളം അടങ്ങിയിട്ടുണ്ട്. അവ ചുളിവുകൾ കുറയ്ക്കുകയും ചർമ്മത്തെ നന്നായി മുറുകാൻ സഹായിക്കുകയും ചെയ്യുന്നു.

പഴുത്ത വാഴപ്പഴത്തിന്റെ നാലിലൊന്ന് നന്നായി അടിച്ച് മിനുസമാർന്ന പേസ്റ്റ് ഉണ്ടാക്കുക. ഈ പേസ്റ്റ് വൃത്തിയുള്ള മുഖത്ത് പുരട്ടി 15-20 മിനിറ്റ് വിടുക. ചെറുചൂടുള്ള വെള്ളം ഉപയോഗിച്ച് കഴുകിക്കളയുക, മൃദുവായി ഉണക്കി എടുക്കാനും ശ്രമിക്കുക.

ചർമ്മത്തിൻ്റെ പല പ്രശ്നങ്ങളും മാറ്റാനുള്ള കഴിവ് ചില എണ്ണകൾക്ക് ഉണ്ട്. അർഗൻ ഓയിൽ, ബദാം ഓയിൽ, അവക്കാഡോ ഓയിൽ എന്നിവയാണ് ഇതിൽ പ്രധാനികൾ.

ഏത് എണ്ണ ഉപയോഗിക്കുന്നതിന് മുൻപും ചർമ്മം കഴുകി വ്യത്തിയാക്കണം. ഇതിന് ശേഷം മുഖത്ത് ഈർപ്പത്തിൻ്റെ അംശം ഇല്ലെന്ന് ഉറപ്പ് വരുത്തുക. മുഖത്തിന് ആവശ്യമായ എണ്ണ എടുത്ത് നന്നായി മസാജ് ചെയ്യുക. രാത്രി മുഴുവൻ ഇത് വച്ച ശേഷം രാവിലെ ചെറിയ ചൂടുള്ള വെള്ളത്തിൽ കഴുകി വ്യത്തിയാക്കാവുന്നതാണ്.

English Summary: Skin tightening tips

Disclaimer: പൊതു വിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. പരീക്ഷിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.

​കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക. ​