തേനും നാരങ്ങാനീരും ചേര്‍ത്ത് മുഖത്തു പുരട്ടാം.......

തേൻ ഒരു സ്വാഭാവിക ഹ്യൂമെക്ടന്റാണ്. അതായത്, ഇത് ചർമ്മത്തിൽ ആഴത്തിൽ ഈർപ്പം പകരുന്നു. തേനിലെ എൻസൈമുകൾ ചർമ്മത്തിൽ മണിക്കൂറുകളോളം ജലാംശം നിലനിർത്തുന്നു, ഇത് ചർമ്മത്തെ മൃദുവാക്കാനും പോഷിപ്പിക്കുവാനും സഹായിക്കുന്നു. ബാക്ടീരിയകൾക്കെതിരെ പോരാടാനും സുഷിരങ്ങൾ വൃത്തിയായി സൂക്ഷിക്കുവാനും സഹായിക്കുന്ന എൻസൈമുകൾ ബ്ലാക്ക് ഹെഡുകളിൽ നിന്ന് രക്ഷപ്പെടാനും ചർമ്മ സുഷിരങ്ങളിൽ നിന്ന് അഴുക്കുകൾ നീക്കം ചെയ്യുന്നു.തേനിന്റെ ആന്റിഫംഗൽ, ആൻറി ബാക്ടീരിയൽ ഗുണങ്ങൾ ചർമ്മത്തിലെ ബാക്ടീരിയകളുടെ വളർച്ചയെ തടസ്സപ്പെടുത്തുകയും ചുവന്ന മുഖക്കുരുവിനെ പോലും കുറയ്ക്കാൻ സഹായിക്കുകയും ചെയ്യുന്നു.

സിട്രസ് പഴങ്ങൾ പ്രധാനിയായ നാരങ്ങാ ചർമത്തിൽ കറുത്ത പാടുകൾ നീക്കം ചെയ്യുന്നതിന് പേരുകേട്ടതാണ്. പ്രായാധിക്യം മൂലമുണ്ടാവുന്ന ചർമ്മത്തിലെ ചുളിവുകൾ പരിഹരിക്കാനും കറുത്ത പാടുകളെ സുഖപ്പെടുത്തുന്നതിനും ഇത് ഗുണം ചെയ്യും. ബ്ലാക്ക്ഹെഡ്ഡുകൾ ഉണ്ടെങ്കിൽ അവ നീക്കം ചെയ്യാനായി ഇത് ഉപയോഗിക്കാം. നാരങ്ങയിൽ അടങ്ങിയിരിക്കുന്ന സിട്രിക് ആസിഡ് ചർമ്മത്തിൻ്റെ സ്വാഭാവിക നിറം തിരികെ കൊണ്ടുവരാൻ സഹായിക്കുന്നതാണ്. നാരങ്ങയിലെ സിട്രിക് ഘടകങ്ങൾ നിങ്ങളുടെ ചർമ്മത്തിലെ എണ്ണമയവും അതുമൂലമുണ്ടാകുന്ന പാടുകളും കുറയ്ക്കാൻ സഹായിക്കുന്നു. പ്രകൃതിദത്തമായ ആൻറി ബാക്ടീരിയൽ ഗുണങ്ങൾ അടങ്ങിയ ഒരു ഘടകമാണ് നാരങ്ങ.

ചര്‍മത്തിന് തിളക്കം നല്‍കാന്‍ സഹായിക്കുന്ന കൂട്ടാണ് തേന്‍-നാരങ്ങാനീര് എന്നിവ. ഇവ രണ്ടും ആന്റി ഓക്‌സിഡന്റ് ഗുണങ്ങള്‍ അടങ്ങിയതാണ്. ഇതു പോലെ ചര്‍മത്തിലെ പാടുകള്‍ അകറ്റാന്‍ സഹായിക്കുന്ന ഒന്നു കൂടിയാണ് തേന്‍-നാരങ്ങാനീര് കോമ്പോ. മുഖത്തുണ്ടാകുന്ന ബ്ലാക് ഹെഡ്‌സ് പോലുള്ളവയ്ക്ക് ഇത് പുരട്ടിയാല്‍ കുറവുണ്ടാകും. നാരങ്ങാനീരിലെ ബ്ലീച്ചിംഗ് ഇഫക്ടാണ് ഗുണം ചെയ്യുന്നത്. മുഖക്കുരു പോലുളള പ്രശ്‌നങ്ങള്‍ക്കും മുഖക്കുരു പാടുകള്‍ക്കും ഇതേറെ ന്ല്ലതാണ്.