മുടിയില്‍ പാല്‍ പുരട്ടിയാല്‍

മുടിയെ ബലമുള്ളതാക്കി തീർക്കാൻ ശേഷിയുള്ള പ്രോട്ടീൻ പോഷകങ്ങൾ നിറഞ്ഞതാണ് പാല്. പാല് ഉപയോഗിച്ച് മുടി കഴുകുന്നത് മുടിയുടെ വേരുകളേയും രോമകൂപങ്ങളെയും ഉത്തേജിപ്പിക്കാൻ സഹായിക്കുന്നു. ആരോഗ്യമുള്ളതും തിളക്കമുള്ളതുമായ ബലമുള്ളതുമായ തലമുടി ലഭിക്കാനായി നിങ്ങൾക്ക് വേ പ്രോട്ടീൻ പേസ്റ്റ് ഉപയോഗിക്കാനാവും. പ്രത്യേകിച്ചും പാലിൽ നിന്നും ഉത്പാദിപ്പിക്കുന്നവയാണ് വേ പ്രോട്ടീനുകൾ. ഇതിനോടൊപ്പം മുട്ടയുടെ മഞ്ഞക്കരു, തേനും വെള്ളവും ചേർത്ത് ഹെയർ പാക്ക് തയ്യാറാക്കി ഉപയോഗിക്കാം. മുടിക്ക് കൂടുതൽ ആരോഗ്യം നൽകാൻ ഇതിനേക്കാൾ മികച്ച മറ്റു മാർഗ്ഗമില്ല.

പാൽ മോയിസ്ചറൈസിംഗ് ഗുണങ്ങൾ ഉള്ള ഒരു പ്രകൃതിദത്ത ചേരുവ കൂടിയാണ്. അതുകൊണ്ടുതന്നെ ഏതുതരം മുടിയുള്ളവർക്കും ഒരു കണ്ടീഷനറായി ഇത് ഉപയോഗിക്കാം. ഷാംപൂ ഉപയോഗിച്ച് തലമുടി കഴുകി വൃത്തിയാക്കിയ ശേഷം ടവൽ കൊണ്ട് തുടച്ചു വരണ്ടതാക്കുക. വരണ്ടിരിക്കുന്ന നിങ്ങളുടെ മുടിയിൽ പാല് തേച്ചുപിടിപ്പിക്കുക. അര മണിക്കൂർ നൽകിക്കൊണ്ട് പാല് നിങ്ങളുടെ മുടിയിലേക്കും മുടി വേരുകളിലേക്കും ആഗിരണം ചെയ്യാൻ അനുവദിക്കുക. തുടർന്ന് സാധാരണ നിങ്ങൾ മുടി കഴുകുന്ന അതെ രീതിയിൽ വെള്ളത്തിൽ നന്നായി കഴുകുക.

മുടിക്ക് ഗുണം ചെയ്യുന്ന അവശ്യ പോഷകങ്ങളുടെ സമൃദ്ധമായ ഉറവിടമാണ് പാൽ. ഇത് തലയോട്ടിയിലും മുടിയിലും പതിവായി പുരട്ടുന്നത് മുടിക്ക് തിളക്കവും കരുത്തും നൽകാൻ സഹായിക്കും. മുടി ഇടതൂർന്ന് ബലം ഉള്ളതായി വളരാനും ഇതിൻറെ ഉപയോഗം വഴി സാധിക്കും. മുടിവളർച്ചയെ പ്രോത്സാഹിപ്പിക്കാൻ നിങ്ങൾ ആഗ്രഹിക്കുന്നുണ്ടെങ്കിൽ ഉറപ്പായും പാല് ഉപയോഗിച്ചുകൊണ്ടുള്ള കേശ സംരക്ഷണ മാർഗങ്ങൾ പിന്തുടരാൻ മറക്കരുത്.

പാലിന് നിങ്ങളുടെ മുടിയെ വൃത്തിയാക്കാനുള്ള ഗുണങ്ങളും ഉണ്ടെന്നു പറയാം. അതുകൊണ്ടുതന്നെ ഒരു ഹെഡ് സ്‌ക്രബ് ആയി പാൽ ഉപയോഗിക്കുന്നത് നിങ്ങളുടെ മുടി വേരുകൾ ശുദ്ധീകരിക്കാനും ശിരോചർമത്തിൽ അടിഞ്ഞുകൂടിയിരിക്കുന്ന കോശങ്ങളെ നീക്കം ചെയ്യാനും സഹായിക്കുന്നു. പാലിൻറെ ഉപയോഗം നിങ്ങളുടെ തലമുടിയിലെ എണ്ണയുടെ ബാലൻസ് നിലനിർത്താനും കൂടുതൽ ആരോഗ്യവും തിളക്കവും നിലനിർത്താനും സഹായിക്കുന്നു.

പാലിൽ അടങ്ങിയിരിക്കുന്ന പോഷകങ്ങൾ മുടിക്ക് വളരെയധികം ഗുണം ചെയ്യും. പാലിലെ കാൽസ്യം മുടി കൊഴിച്ചിൽ തടയാൻ സഹായിക്കുകയും അതുപോലെതന്നെ പൊട്ടാസ്യം, ബയോട്ടിൻ, വിറ്റാമിനുകൾ എന്നിവ നിങ്ങളുടെ മുടിയെ കൂടുതൽ സിൽക്കിയും തിളക്കമുള്ളതും ആക്കിത്തീർക്കുകയും ചെയ്യുന്നു. പാലിലെ പ്രോട്ടീനിന്റെ ഉയർന്ന ഉള്ളടക്കം നിങ്ങളുടെ കേശ സരണികളുടെ വേരുകളെ ശക്തമാക്കുന്നു. ഒരു ഹെയർ മാസ്കിൽ അല്ലെങ്കിൽ ഒരു കണ്ടീഷണറിനോടൊപ്പം പാല് കൂട്ടി ചേർത്ത് മുടിയിൽ പുരട്ടുക.

മുടി കെട്ട് പിണയുന്നതും ജട പിടിക്കുന്നതും ഒക്കെ എല്ലാവർക്കും പേടിസ്വപ്നമാണ്. ഇത്തരം പ്രശ്നങ്ങൾ മുടി പൊട്ടിപ്പോകാനുള്ള സാധ്യത കൂട്ടുന്നു. പ്രത്യേകിച്ചും മുടി നീട്ടി വളർത്തിയ ആളുകൾക്ക് ഇതൊരു സാധാരണ പ്രശ്നമാണ്. ബയോട്ടിൻ പോഷകങ്ങളാൽ സമ്പുഷ്ടമായ പാല് വരണ്ടതും കേടുപാടുകൾ ഉള്ളതുമായ മുടിയെ ആരോഗ്യപൂർവം കാത്തുസൂക്ഷിക്കാൻ മികച്ചതാണ്. ഫലപ്രദമായ ഒരു ഹെയർ കണ്ടീഷനറായി നിങ്ങൾക്കിത് ഉപയോഗിക്കാൻ കഴിയും എന്ന് ഉറപ്പ്.

മുടിയുടെ വളർച്ചയ്ക്ക് ഏറ്റവും പ്രധാനമാണ് കെരാറ്റിൻ പ്രോട്ടീനുകൾ. തലമുടിക്ക് കാൽഷ്യത്തിന്റെ ഗുണങ്ങൾ നൽകാതെ കെരാറ്റിനുകൾ ഉൽപ്പാദിപ്പിക്കാൻ കഴിയുകയില്ല. വിറ്റാമിനുകൾ കാൽസ്യം എന്നിവ ഉയർന്ന അളവിൽ അടങ്ങിയ പാൽ പതിവായി കഴിക്കുന്നത് ശരീരത്തിലെ കാൽസ്യത്തിൻറെ നില വർദ്ധിപ്പിക്കുന്നതിന് സഹായിക്കും. ഇത് സുന്ദരവും സിൽക്കി ആയതുമായ മുടി ലഭിക്കാൻ ഇത് ആന്തരികമായി നിങ്ങളെ സഹായിക്കുന്നു.