Long Hair: നല്ല ആരോഗ്യമുള്ള നീണ്ട മുടി ലഭിക്കാന് വീട്ടില് തന്നെ ചെയ്യാം ഇക്കാര്യങ്ങള്
നല്ല ആരോഗ്യമുള്ള നീണ്ട മുടി സ്വന്തമാക്കാന് മിക്കവര്ക്കും ആഗ്രഹമായിരിക്കും. പക്ഷേ, തലയില് ഉണ്ടാകുന്ന താരന്, അല്ലെങ്കില് വളര്ന്നു വരുമ്പോഴേയ്ക്കും തുമ്പിന് കട്ടി കുറഞ്ഞ് വരുന്നത്, മുടിയുടെ അറ്റം രണ്ടായി പിളരുന്നതെല്ലാം നല്ല ആരോഗ്യകരമായി മുടി വളരുന്നതിന് തടസ്സം നില്ക്കുന്ന കാര്യങ്ങളാണ്.
നല്ല ആരോഗ്യമുള്ള നീണ്ട മുടി സ്വന്തമാക്കാന് മിക്കവര്ക്കും ആഗ്രഹമായിരിക്കും. പക്ഷേ, തലയില് ഉണ്ടാകുന്ന താരന്, അല്ലെങ്കില് വളര്ന്നു വരുമ്പോഴേയ്ക്കും തുമ്പിന് കട്ടി കുറഞ്ഞ് വരുന്നത്, മുടിയുടെ അറ്റം രണ്ടായി പിളരുന്നതെല്ലാം നല്ല ആരോഗ്യകരമായി മുടി വളരുന്നതിന് തടസ്സം നില്ക്കുന്ന കാര്യങ്ങളാണ്. എന്നാല്, നല്ല ആരോഗ്യത്തോടെ നല്ല നീണ്ട മുടി സ്വന്തമാക്കാന് എന്തെല്ലാം കാര്യങ്ങള് ശ്രദ്ധിക്കണം എന്ന് നോക്കാം.
1. മുടി നല്ല മുറുക്കി കെട്ടിവയ്ക്കാതിരിക്കാം.
മുടി നല്ലപോലെ മുറിക്കി കെട്ടി വയ്ക്കുന്നത് മുടിയുടെ ആരോഗ്യ നശിപ്പിക്കുന്നതാണ്. ഇത് മുടിയുടെ ബലം ക്ഷയിപ്പിക്കുകയും വേഗത്തില് കൊഴിഞ്ഞ് പോകുന്നതിന് വരെ കാരണമാകുന്നുണ്ട്. ഇത് കേശങ്ങളുടെ കോശങ്ങളുടെ ആരോഗ്യത്തേയും ബാധിക്കും. അതിനാല്, മുടിയെ പരമാവധി വേദനിപ്പിക്കാത്ത വിധത്തില് ഹെയര് സ്റ്റൈല് ചെയ്യേണ്ടത് അനിവാര്യമാണ്. രാത്രിയില് കിടക്കുമ്പോഴും മുടി നല്ലപോലെ മുറുക്കി കെട്ടിവയ്ക്കാതിരിക്കാം.
2. നല്ലപോലെ ഉറങ്ങാം
നല്ല ഉറക്കം ലഭിക്കുന്നത് ആരോഗ്യത്തിന് മാത്രമല്ല, മുടിയുടെ ആരോഗ്യത്തിനും നല്ലതാണ്. കുറഞ്ഞത് ഒരു ഏഴ് മണിക്കൂറെങ്കിലും കൃത്യമായി ദിവസേന ഉറങ്ങുന്ന വ്യക്തിയ്ക്ക് നല്ല ആരോഗ്യമുള്ള മുടി ലഭ്യമായിരിക്കും. ഇത്തരത്തില് ഉറക്കം കൃത്യമാക്കിയാല് തന്നെ മുടികൊഴിച്ചില് കുറയ്ക്കാന് സാധിക്കുന്നതാണ്. അതുപോലെ, കിടക്കുന്നതിന് മുന്പ് മുടി അഴിച്ചിട്ട് കിടക്കുന്നതാണ് നല്ലത്. ഇത് മുടി കൊഴിയുന്നതും, മുടി പൊട്ടിപോകുന്നതും, അതുപോലെ, മുടിയുടെ അറ്റം പിളരുന്നതും തടയും.
3. മുടി ചീകുമ്പോഴും കുറച്ച് ശ്രദ്ധവേണം
മുടി ചീകുമ്പോള് ഏറ്റവും ആദ്യം ശ്രദ്ധിക്കേണ്ട കാര്യമാണ് ഇതിനായി ഉപയോഗിക്കുന്ന ചീര്പ്പ് എങ്ങിനെയുള്ളതാണ് എന്നത്. നല്ലപോലെ അടുപ്പിച്ച് പല്ലുകളുള്ള ചീര്പ്പ് ഉപയോഗിക്കുന്നതിനേക്കാള് എല്ലാംകൊണ്ടും നല്ലത് പല്ലുകള് നല്ലപോലെ അകന്നിരിക്കുന്ന ചീര്പ്പുകള് ഉപയോഗിക്കുന്നതാണ്. ഇത് മുടി പൊട്ടിപോകുന്നത് തടയുന്നതിനും അതുപോലെ, രാത്രി കിടക്കുന്നതിന് മുന്പ് മുടി ചീകിയതിനുശേഷം കിടക്കുന്നത് രക്തോട്ടം കൂട്ടുകയും ഇത് മുടിയുടെ വളര്ച്ചയ്ക്കും ആരോഗ്യത്തിനും സഹായിക്കുന്നവയാണ്.
4. ഹെയര് മാസ്ക്കുകള് ഉപയോഗിക്കാം
മുടിയെ കൂടുതല് നൗറിഷ് ചെയ്യുന്നതിനും കേശകോശങ്ങളെല്ലാം ഹ്രൈഡ്രേറ്റ് ചെയ്ത് നല്ല ആരോഗ്യത്തോടെ നിലനിര്ത്താന് ഏറ്റവുമധികം സഹായിക്കുന്ന ഒന്നാണ് ഹെയര് മാസ്ക്കുകള്. ഇത് നല്ല ആരോഗ്യത്തോടെ മുടി വളരുന്നതിനും നല്ല കട്ടിയില് വളരുവാനും ഇത് സഹായിക്കും. അതിനാല് ഇടയ്ക്കിടയ്ക്ക് ഹെയര് മാസ്ക്കുകള് ഉപയോഗിക്കുന്നത് നല്ലതാണ്.
Also Read: കാലങ്ങളോളം ട്രെന്ഡ് സെറ്റര്; കാണാം ഡയാന രാജകുമാരിയുടെ അറിയാത്ത ചില ഫാഷന് ലുക്കുകള്
5. മുടി ഇടയ്ക്കിടയ്ക്ക് വെട്ടി കളയുന്നത് നല്ലതാണ്.
ചിലര്ക്ക് ഉള്ള ഒരു തെറ്റിധാരണയാണ് മുടി വെട്ടികളഞ്ഞാല് പിന്നീട് വളരില്ല എന്നത്. എന്നാല്, ഇടയ്ക്കിടയ്ക്ക് മുടിയുടെ തുമ്പ് ഒരിഞ്ച് വീതം വെട്ടി കളയുന്നത് മുടിയുടെ ആരോഗ്യം കൂട്ടുന്നതിന് സഹായിക്കുന്ന ഘടകമാണ്. ഇത് മുടിയുടെ തുമ്പ് രണ്ടായി പിളരുന്നത് തടയുന്നതിനും മുടി നല്ല ഉള്ളോടെ വളരുന്നതിനും സഹായിക്കും.
6. ഷാംപൂ ചെയ്യുമ്പോഴും ശ്രദ്ധിക്കേണ്ടത് അനിവാര്യം
നിങ്ങളുടെ മുടിയുടെ രീതി അനുസരിച്ച് മാത്രമേ ഷാംപൂ തിരഞ്ഞെടുക്കാന് പാടുള്ളൂ. പ്രത്യേകിച്ച് സള്ഫേറ്റും പാരാബീനും ഇല്ലാത്ത ഷാംപൂ നോക്കി തിരഞ്ഞെടുക്കുന്നത് നല്ലതാണ്. ഇത് നിങ്ങളുടെ സ്കാള്പ്പ് അതായത്, തലയോട്ടിയുടെ ആരോഗ്യം നിലനിര്ത്തുകയും നല്ല ആരോഗ്യമുള്ള മുടി ഉണ്ടാകുവാന് സഹായിക്കുകയും ചെയ്യും.
7. മുടി എല്ലാ ദിവസവും കഴുകല്ലേ!
ചിലര് എല്ലാ ദിവസവും തലമുടി കഴുകുന്നവരായിരിക്കും. എന്നാല്, ചിലരാകട്ടെ ഇടയ്ക്കിടയ്ക്ക് മാത്രമായിരിക്കും. ഇത്തരത്തില് എല്ലാദിവസവും മുടി കഴുകുന്നത് മുടിയുടെ ആരോഗ്യം നശിപ്പിക്കുന്നതിന് കാരണമാകും. പക്ഷേ, കൃത്യമായ ഇടവേളകളില് മുടി കഴുകുന്നത് നല്ലതാണ്. താരന് കുറയ്ക്കാന് ഇത് സഹായിക്കും.
Also Read: പാര്ട്ടിയില് തിളങ്ങാന് ഈ മേയ്ക്കോവര് പരീക്ഷിക്കാം
8. മുടി ഉണക്കുവാന് ഇക്കാര്യങ്ങള് ശ്രദ്ധിക്കണം
മുടി കഴുകിയ ഉടനെ തന്നെ ടവ്വല് ഉപയോഗിച്ച് നന്നായി ഉരച്ച് മുടി തോര്ത്തുന്നവരുണ്ട്. എന്നാല്, ഇത്തരത്തില് ചെയ്യുന്നത് മുടിയുടെ ആരോഗ്യം നശിപ്പിക്കുന്നതാണ് ഇത്. മുടി കഴുകി വെള്ളം കൈകൊണ്ട് പിഴിഞ്ഞതിന് ശേഷം ടവ്വല് ഉപയോഗിച്ച് സാവധാനത്തില് കെട്ടിവയ്ക്കുക. അതിനുശേഷം വെള്ളം ഒപ്പിയെടുക്കാം. മുടി എല്ലായാപ്പോഴും നാച്വറലായി ഉണങ്ങുന്നതാണ് നല്ലത്.