സ്വകാര്യ ഭാഗത്തെ കറുപ്പകറ്റാന്‍ ക്രീം വേണ്ട, പകരം

സ്വകാര്യഭാഗത്തെ കറുപ്പിന് കാരണങ്ങള്‍ പലതുണ്ട്. ചിലപ്പോള്‍ നാം ഉപയോഗിയ്ക്കുന്ന അടിവസ്ത്രങ്ങളാണ് പ്രശ്‌നം. ഈ ഭാഗതതേയ്ക്ക് രക്തപ്രവാഹം കുറയുന്നതും വായു സഞ്ചാരം കുറയ്ക്കുന്നതുമായ തുണികള്‍ കൊണ്ടുള്ള അടിവസ്ത്രങ്ങള്‍ ഉപയോഗിയ്ക്കാതിരിയ്ക്കുക. വല്ലാതെ ഇറുകിയ അടിവസ്ത്രങ്ങളും വേണ്ട. കൂടുതല്‍ സ്ഥലത്ത് ഇലാസ്റ്റിക്കുകള്‍ ഉള്ള വിധത്തിലുള്ളവയും ഒഴിവാക്കുക. ഇതു പോലെ വളരെ ഇറുകിക്കിടക്കുന്ന ലെഗിന്‍സ്, ജീന്‍സ് പോലുള്ളവയും ഈ ഭാഗത്തേക്കുളള വായുസഞ്ചാരം കുറയ്ക്കുന്നു. വീട്ടില്‍ വച്ചെങ്കിലും ഇത്തരം വസ്ത്രങ്ങള്‍ ഉപേക്ഷിയ്ക്കുക.

ഇതു പോലെ ആര്‍ത്തവ സമയത്ത് ഉപയോഗിയ്ക്കുന്ന പാഡുകളും ഇത്തരത്തില്‍ പ്രശ്‌നങ്ങളുണ്ടാക്കാറുണ്ട്. ഇതിനായി പരിഹാരം കോട്ടന്‍ പാഡുകള്‍ ഉപയോഗിയ്ക്കുകയെന്നതാണ്. ഇത് ഒരു പരിധി വരെ പ്രശ്‌നത്തിന് പരിഹാരമാകും. ഇതു പോലെ കൂടുതല്‍ നേരം ഒരു പാഡ് തന്നെ ഉപയോഗിയ്ക്കുന്നതും ഇത്തരം പ്രശ്‌നത്തിന് കാരണമാകുന്നു. ഇത് ഈര്‍പ്പം അടിഞ്ഞു കൂടി കറുത്ത നിറവും അണുബാധകളുമെല്ലാമുണ്ടാക്കുന്നു. കൃത്യ സമയത്ത് ഇതു മാറുന്നത് ആരോഗ്യത്തിനും ചര്‍മത്തിനും നല്ലതാണ്.

പലര്‍ക്കും ചെയ്യാവുന്ന ഏറ്റവും സിംപിള്‍ പരിഹാരമാണ് വെളിച്ചെണ്ണ. പാഡ് ഉരഞ്ഞു പൊട്ടുന്നത് തടയാന്‍ ആ സമയത്ത് ഈ ഭാഗത്ത് അല്‍പം വെളിച്ചെണ്ണ പുരട്ടുന്നതും നല്ലതാണ്. ഇതു പോലെ കറ്റാര്‍ വാഴ ഈ ഭാഗത്തെ ഈര്‍പ്പം നില നിര്‍ത്താനും കറുപ്പൊഴിവാക്കാനും നല്ലതാണ്. വെളിച്ചെണ്ണയും വരണ്ട ചര്‍മം ഒഴിവാക്കുന്നു. ഇത് അണുബാധയ്ക്കും പരിഹാരമാണ്. വരണ്ട ചര്‍മമാണ് പലപ്പോഴും ഈ ഭാഗത്ത് കറുപ്പു വരുന്നതിന് ഒരു കാരണം.

തൈര് നല്ലൊരു പ്രോബയോട്ടിക്കാണ്. ഇത് അണുബാധകള്‍ക്കു മാത്രമല്ല, ചര്‍മത്തില്‍ ഈര്‍പ്പം നില നിര്‍ത്താനും നല്ലതാണ്. തൈര് ഈ ഭാഗത്ത് പുരട്ടാം. ഏറെ നല്ലതാണ്, ചര്‍മത്തിന്റെ കറുപ്പു മാറാനും ചര്‍മത്തിലെ വരണ്ട സ്വാഭാവം മാറാനും. ഇതു പോലെ തൈരും തരിയില്ലാത്ത അരിപ്പൊടിയും ചേര്‍ത്ത് ഈ ഭാഗത്ത് പുരട്ടാം. അല്‍പം മഞ്ഞള്‍പ്പൊടി തൈരില്‍ കലക്കി പുരട്ടാം. ഇതെല്ലാം ഗുണം നല്‍കുന്ന പ്രകൃതിദത്ത വഴികളാണ്. ഓറഞ്ച് തൊലി ഉണക്കിപ്പൊടിച്ചത് തൈരില്‍ കലക്കി പതുക്കെ സ്‌ക്രബ് ചെയ്തു പുരട്ടാം. ഇതില്‍ ചര്‍മത്തിന് ചേരുന്നത് ഏതെങ്കിലും ഉപയോഗിയ്ക്കാം. ഇതു പോലെ ഈ ഭാഗത്തെ രോമം നീക്കിയാല്‍ ഈ ഭാഗം വരണ്ടു പോകാന്‍ സാധ്യതയേറെയാണ്. അതിനു ശേഷം വെളിച്ചെണ്ണ പുരട്ടുന്നത് ഇതിലൂടെ ചര്‍മം കറുക്കുന്നത് ഒഴിവാക്കാന്‍ സഹായിക്കും. Also read: നാല്പതുകളിലും ചർമ്മം ഇരുപതുകളിലെ പോലെ, ഇങ്ങനെ നേടാം