ഇതില്‍ പലതും തികച്ചും പ്രകൃതിദത്തമാണ്. ഇത്തരത്തിലെ ഒന്നിനെ കുറിച്ചറിയൂ. നമുക്ക് വീട്ടില്‍ തന്നെ ചെയ്യാവുന്നതാണ് ഇത്. തൊടിയിലെ ഇലക്കൂട്ടുകള്‍ വച്ച് ചെയ്യാവുന്നത്.
പേരയില
ഇതിന് വേണ്ടത് മൂന്ന് ചേരുവകളാണ്. പേരയില, ആര്യവേപ്പില, ഉലുവ എന്നിവയാണ് ഇവ. പേരയ്ക്ക മാത്രമല്ല, പേരയിലയും ഏറെ ആരോഗ്യപരമായ ഗുണങ്ങള്‍ ഉള്ളവയാണ്. ഈ ഇലകളിൽ വിറ്റാമിൻ സി പോലുള്ള ആന്റിഓക്‌സിഡന്റുകളും ക്വെർസെറ്റിൻ പോലുള്ള ഫ്ലേവനോയ്ഡുകളും ധാരാളമുണ്ട്.
മുടി വളര്‍ച്ച ത്വരിതപ്പെടുത്താനും മുടി കൊഴിച്ചില്‍ അകറ്റാനും സഹായിക്കുന്നു. മുടി വളരാന്‍, കൊഴിച്ചില്‍ അവസാനിപ്പിയ്ക്കാന്‍, താരന് എല്ലാമുള്ള പ്രകൃതിദത്ത വഴിയാണ് പേരയില ഉപയോഗിയ്ക്കുന്നത്.
ആര്യവേപ്പില
ആര്യവേപ്പിലയ്ക്ക് ആരോഗ്യപരമായ പല ഗുണങ്ങളുമുണ്ട്. ഇത് മുടിയുടെ ആരോഗ്യത്തിനും താരന് പോലുള്ള പ്രശ്‌നങ്ങള്‍ അകറ്റാനും മികച്ചതാണ്. ബാക്ടീരിയല്‍, ഫംഗല്‍ അണുബാധകള്‍ക്കെതിരെ പ്രവര്‍ത്തിയ്ക്കാന്‍ കഴിയുന്ന ഒന്നാണ് ആര്യവേപ്പില. ഇതു കൊണ്ട് തന്നെയാണ് താരനെതിരെ ഇത് പ്രവര്‍ത്തിയ്ക്കുന്നതും.
പുതു തലമുറയെ വാർത്തെടുക്കാൻ
ഉലുവ
ഉലുവ ഏറെ ആരോഗ്യ ഗുണങ്ങള്‍ ഒത്തിണങ്ങിയ ഒന്നാണ്. ഇത് മുടിയുടെ വളര്‍ച്ചയ്ക്ക് മാത്രമല്ല, താരന് പോലുള്ള പല പ്രശ്‌നങ്ങള്‍ക്കും ഗുണകരവുമാണ്.
സ്വാഭാവിക ഷാംപൂവായി പ്രവര്‍ത്തിയ്ക്കാന്‍ കഴിയുന്ന ഇത് മുടിയ്ക്ക് ആരോഗ്യകരമായ തിളക്കവും മിനുസവും നല്‍കുകയും ചെയ്യുന്നു. തലയില്‍ എണ്ണയകറ്റാന്‍ തികച്ചും പ്രകൃതിദത്തമായി പ്രയോഗിയ്ക്കാവുന്ന വഴിയാണ് ഉലുവ.
മാത്രമല്ല മുടിക്ക് ആരോഗ്യവും തിളക്കവും പകരുന്നു. ഈ കൂട്ട് മുടിയുടെ അകാല നരയെ തടയുന്നതിനും ഫലപ്രദമാണ്. ഇത് ഈസ്ട്രജന്‍ സമ്പുഷ്ടമാണ്.
ഈ മിശ്രിതം തയ്യാറാക്കാന്‍
താരന് പ്രതിവിധിയായി പ്രവര്‍ത്തിയ്ക്കുന്ന ഈ മിശ്രിതം തയ്യാറാക്കാന്‍ ഏറെ എളുപ്പമാണ്. ഉലുവ വെള്ളത്തിലിട്ട് കുതിര്‍ത്തുക. ഇതില്‍ ആര്യവേപ്പില, പേരയില എന്നിവ ചേര്‍ത്തിളക്കി അരയ്ക്കാം. ഇത് ഹെയര്‍ പായ്ക്കായി മുടിയില്‍ പുരട്ടാം. പിന്നീട് അര-1 മണിക്കൂര്‍ ശേഷം ഇത് കഴുകിക്കളയാം.
വേണമെങ്കില്‍ ഇത് കഞ്ഞിവെള്ളത്തില്‍ കലര്‍ത്തി പുരട്ടാം. ഇത് കൂടുതല്‍ ഗുണം നല്‍കും. ആഴ്ചയില്‍ രണ്ട് ദിവസം വീതം ഇത് അല്‍പകാലം അടുപ്പിച്ച് ഉപയോഗിച്ചാല്‍ ഗുണം ലഭിയ്ക്കും. മുടി കൊഴിയാന്‍ ഈ ഒരേ ഒരു കാരണം മാത്രമാകാം