മുടി
പലരേയും അലട്ടുന്ന മുടി പ്രശ്‌നങ്ങളില്‍ ഒന്നാണ് വരണ്ട മുടിയെന്നത്. ചിലര്‍ക്ക് മുടി ധാരാളമുണ്ടാകും. എന്നാല്‍ ഇവയുടെ വരണ്ട സ്വഭാവം ഏറെ ബുദ്ധിമുട്ടിയ്ക്കുന്നുമുണ്ടാകും. വരണ്ട മുടി പൊട്ടിപ്പോകാനും ജട പിടിയ്ക്കാനും ഒതുക്കമില്ലാതെ പറന്ന് കിടക്കാനുമെല്ലാം തന്നെ സാധ്യതയേറെയാണ്. എത്ര ഒതുക്കിയാലും ഒതുങ്ങാത്ത ഈ തരം മുടി ഒതുക്കി വയ്ക്കാന്‍ സഹായിക്കുന്ന ഒരു പ്രത്യേക കൂട്ട് കഞ്ഞിവെള്ളം കൊണ്ടുണ്ടാക്കാന്‍ സാധിയ്ക്കും. കൊറിയന്‍ രീതിയില്‍ ഉണ്ടാക്കുന്ന ഒരു സ്‌പ്രേയാണിത്.
മുടി കൊഴിച്ചിലിന് കാരണങ്ങൾ
വൈറ്റമിനുകളും ധാതുക്കളും
വൈറ്റമിനുകളും ധാതുക്കളും ആന്റിഓക്‌സിഡന്റുകളുമെല്ലാം ഉള്ളത് കൊണ്ടുതന്നെ കഞ്ഞിവെള്ളം കൊറിയന്‍ സൗന്ദര്യരഹസ്യത്തില്‍ പ്രധാനമാണ്. മുടിയുടെ സംരക്ഷണത്തിന് കൊറിയക്കാന്‍ ഉപയോഗിയ്ക്കുന്ന പ്രധാനപ്പെട്ട ഒന്നാണ് കഞ്ഞിവെള്ളമെന്നത്. മുടിയ്ക്ക് മൃദുത്വം നല്‍കുന്ന, മുടിയില്‍ ഒഴിയ്ക്കാനുള്ള വെള്ളം എങ്ങനെയ തയ്യാറാക്കാമെന്ന് നോക്കൂ.
നല്ല അരി
ഇതിനായി നല്ല അരി എടുക്കാം. ഓര്‍ഗാനിക് റൈസാണ് നല്ലത്. ഇത് ബ്രൗണ്‍ അരിയോ വെള്ള അരിയോ കറുത്ത അരിയോ ആകാം. വെള്ളവും നല്ല ശുദ്ധമായത് തന്നെ എടുക്കണം. ഈ വെള്ളത്തില്‍ അരി കുതിര്‍ത്തി വയ്ക്കണം. നല്ലതുപോലെ കഴുകിയ ശേഷം കുതിര്‍ത്തുക. ഇത് അടച്ച് അര മുതല്‍ ഒരു മണിക്കൂര്‍ വരെ വയ്ക്കാം. ഇങ്ങനെ ചെയ്യുമ്പോള്‍ അരിയിലെ പോഷകങ്ങള്‍ വെള്ളത്തിലേയ്ക്കിറങ്ങുന്നു. ഇത് കൊണ്ട് നല്ലതുപോലെ ഇളക്കിയ ശേഷം ഊറ്റിയെടുക്കാം.
ഈ വെള്ളം
ഈ വെള്ളം റൂം ടെംപറേച്ചറില്‍ 12-14 മണിക്കൂര്‍ വയ്ക്കുക. ഇത് ഫെര്‍മെന്റാകാനാണ് ഇതേ രീതിയില്‍ വയ്ക്കുന്നത്. ഫെര്‍മെന്റ് ചെയ്യുമ്പോള്‍ ഇതിലെ ആന്റിഓക്‌സിഡന്റുകളുടെ ഗുണം വര്‍ദ്ധിയ്ക്കുന്നു. വൈറ്റമിനുകള്‍ വര്‍ദ്ധിയ്ക്കുന്നു. ഇനി ഇത് ഫെര്‍മെന്റ് ആകേണ്ടെന്നുള്ളവര്‍ക്ക് ഊറ്റിയെടുത്താന്‍ ഉടന്‍ ഉപയോഗിയ്ക്കുകയുമാകാം. ഫെര്‍മെന്റ് ചെയ്തതാണ് കൂടുതല്‍ ഗുണം നല്‍കുന്നത്. ഇതിലേയ്ക്ക് ഏതെങ്കിലും എസന്‍ഷ്യല്‍ ഓയില്‍ ചേര്‍ക്കാം. നല്ല സുഗന്ധം ലഭിയ്ക്കാനാണ് ഇത്.
കഴുകിയ ശേഷം
മുടി ഷാംപൂവും കണ്ടീഷണറുമിട്ട് കഴുകിയ ശേഷം ഈ വെള്ളം മുടിയില്‍ ഒഴിയ്ക്കാം. ശിരോചര്‍മത്തിലും മുടിത്തുമ്പ് വരേയും എത്താന്‍ പാകത്തിന് ഇത് ഒഴിയ്ക്കാം. ഇത് 15 മിനിറ്റ് നേരം മുടിയില്‍ വയ്ക്കുന്നത് നല്ലതാണ്. മുടിയില്‍ ദുര്‍ഗന്ധമെന്ന് തോന്നുന്നുവെങ്കില്‍ വീണ്ടും സാധാരണ വെള്ളം കൊണ്ട് ഒരു തവണ അല്‍പം കണ്ടീഷണര്‍ ഇട്ട് മുടി കഴുകാം. മുടി മൃദുവാകാനും തിളങ്ങാനും മുടിയുടെ ആരോഗ്യത്തിനും ഏറെ നല്ലതാണ് ഈ റൈസ് വാട്ടര്‍ ടോണര്‍.