ഇരട്ട താടി ഇല്ലാതാക്കുന്നതിൽ ഭക്ഷണവും വ്യായാമവും നിർണായക പങ്ക് വഹിക്കുന്നു. എന്നാൽ ഈ അധിക താടി അപ്രത്യക്ഷമാക്കുന്നതിന് ഫലപ്രദമായ മറ്റ് ചില വഴികളും ഉണ്ട്. അവ ഏതൊക്കെയെന്ന് നമുക്ക് നോക്കാം ;
ച്യൂയിംഗം ചവയ്ക്കുക
നിങ്ങളുടെ മുഖത്തെ പേശികളെ കൂടെക്കൂടെ അനക്കുന്നത് അവയെ വഴക്കമുള്ളതാക്കുവാനും നിങ്ങളുടെ താടിയെല്ലിന് ചുറ്റുമുള്ള ചർമ്മം മുറുകെ പിടിക്കാനും സഹായിക്കും. പഞ്ചസാരയില്ലാത്ത ച്യൂയിംഗം ചവയ്ക്കുന്നത് മുഖത്തെ പേശികൾക്ക് നല്ല വ്യായാമമായിരിക്കും. കൂടാതെ, ഇത് നിങ്ങളുടെ വിശപ്പ് നിയന്ത്രിക്കാനും അതുവഴി ശരീരഭാരം കുറയ്ക്കാനും സഹായിക്കും.
നിൽക്കുമ്പോഴോ നടക്കുമ്പോഴോ ഇരിക്കുമ്പോഴോ നട്ടെല്ല് നേരെയാക്കി തല ഉയർത്തിപ്പിടിക്കുക. നിങ്ങളുടെ താടി സാധാരണയേക്കാൾ അല്പം ഉയർത്തി പിടിക്കുവാനും ശ്രമിക്കുക.
വെള്ളം കുടിക്കുന്നതിന്റെ അളവ് വർദ്ധിപ്പിക്കുക
നിർജ്ജലീകരണം ഉണ്ടാകുന്നത് തലവേദനയ്ക്ക് കാരണമാകുമെന്നും വെള്ളം കൂടുതൽ കുടിക്കുന്നതിലൂടെ ഈ വേദന കുറയ്ക്കാൻ സാധിക്കുമെന്നും പഠനങ്ങൾ തെളിയിച്ചിട്ടുണ്ട്. ദിവസം മുഴുവൻ ഇടയ്ക്കിടെ കുറച്ച് വെള്ളം, തേങ്ങാവെള്ളം അല്ലെങ്കിൽ ഓ.ആർ.എസ് കുടിക്കുക. ജലസമൃദ്ധമായ പഴങ്ങളും പച്ചക്കറികളും കഴിക്കുന്നത് ഗുണകരമാണ്. ഇത് വഴി അധിക കൊഴുപ്പ് നീക്കം ചെയ്യുവാനും സാധിക്കുന്നു. വെള്ളം കുടിയ്ക്കുന്നത് ചര്‍മം അയയാതിരിയ്ക്കാനും സഹായിക്കുന്നു. ചര്‍മം അയയുമ്പോള്‍ താടിയ്ക്കു താഴേയുള്ള സെന്‍സിറ്റീവ് ഭാഗം തൂങ്ങുന്നതും സാധാരണയാണ്. ഇതും ചിലപ്പോള്‍ ഇരട്ടത്താടിയെന്ന തോന്നല്‍ നല്‍കുന്ന ഒന്നാണ്.
ഇടയ്ക്കിടെ ചുണ്ട് കൂർപ്പിക്കുക
സെൽഫികൾ എടുക്കുമ്പോൾ പൗട്ട് ചെയ്യുന്നത് ഇഷ്ടമാണോ? നിങ്ങൾക്ക് ഇരട്ട താടി ഉണ്ടെങ്കിൽ കൂടുതൽ പൗട്ട് ചെയ്യുക, അതായത് ചുണ്ടുകൾ കൂർപ്പിച്ച് പിടിക്കുക. നിങ്ങളുടെ മുഖത്തെ പേശികൾക്കുള്ള വ്യായാമം എന്ന നിലയ്ക്ക് ഇത് ഏറെ ഫലപ്രദമാണ്. കൂടാതെ താടിയുടെ ഭാഗത്തെ കൊഴുപ്പ് ഒഴിവാക്കാൻ ഇത് സഹായിക്കുന്നു.ഇതു പോലെ മുഖം ഇടയ്ക്കിടെ മുകളിലേയ്ക്ക് ഉയര്‍ത്തുകയും താഴ്ത്തുകയും ചെയ്യുക. ഇത് ഈ ഭാഗം നിവരാന്‍ ഇടയാക്കും.
നിങ്ങളുടെ താടിയ്ക്ക് താഴെയായി ഒരു ചെറിയ സ്പോഞ്ച് ബോൾ വെച്ച് അമർത്തുക.
കഴുത്തിനും താടിക്കുമിടയിലായി ഇത് അമർത്തിവെച്ച് കൊണ്ട് ഒരു മിനിറ്റ് നേരമെങ്കിലും പിടിച്ചു നിർത്തുക. ഇത് 10 തവണ ആവർത്തിക്കുക. Also read: സുഖപ്രസവത്തിന് ഗർഭിണികൾ ശീലിക്കണം ഈ യോഗാസനങ്ങൾ
ഓയിൽ മസാജ്
നിങ്ങളുടെ താടിയെല്ലും താടിയും പതിവായി എണ്ണ ഉപയോഗിച്ച് മസാജ് ചെയ്യുന്നത് രക്തചംക്രമണം മെച്ചപ്പെടുത്താൻ സഹായിക്കും, ഇത് അധിക കൊഴുപ്പ് ഒഴിവാക്കാൻ ഫലപ്രദമാണ്. നിങ്ങൾക്ക് വിറ്റാമിൻ ഇ ഓയിൽ, ഒലിവ് ഓയിൽ, ബദാം ഓയിൽ, വെളിച്ചെണ്ണ, അല്ലെങ്കിൽ വീറ്റ് ജേം ഓയിൽ എന്നിവ ഇതിനായി ഉപയോഗിക്കാം. ഒരു ദിവസം രണ്ട് മുതൽ മൂന്ന് തവണ വരെ 5-10 മിനുട്ട് നേരം മുകളിലേക്ക് ഒരേ ദിശയിലേക്ക് മസാജ് ചെയ്യുക. ചർമ്മത്തെ പോഷിപ്പിക്കാനും ശക്തമാക്കാനും അതിന്റെ ഇലാസ്തികത മെച്ചപ്പെടുത്താനും ഈ എണ്ണകൾ കൊണ്ട് മസാജ് ചെയ്യുന്നത് വളരെയധികം സഹായിക്കും.