അകാലനരയ്ക്ക് തൈര് പരിഹാരമാകും

തൈരില്‍ മുടിയുടെ ആരോഗ്യത്തിന് ആവശ്യമായ പ്രോട്ടീനും വൈറ്റമിനുകളുമെല്ലാം അടങ്ങിയിട്ടുണ്ട്. ഇത് ആരോഗ്യത്തിന് ഏറെ ഗുണകരവുമാണ്. തൈര് പല രീതിയിലും മുടിയുടെ നര നീക്കാനുള്ള വഴികളില്‍ പെടുത്താം. ഇതിലൊന്ന് തൈരും യീസ്റ്റും കലര്‍ത്തിയ വഴിയാണ്. തൈരില്‍ നാം ഭക്ഷണത്തില്‍ ഉപയോഗിയ്ക്കുന്ന യീസ്റ്റ് ചേര്‍ത്തിളക്കി മുടിയില്‍ പുരട്ടാം. ഇത് നര മായ്ക്കാന്‍ ഏറെ ആരോഗ്യകരമായ വഴിയാണ്. നര മാറാന്‍ സഹായിക്കുന്ന വഴി.

മുടി വൃത്തിയാക്കാന്‍ ഉപയോഗിയ്ക്കുന്ന ഷിക്കാക്കായ് അഥവാ ചീവയ്ക്കാ പൊടിയും മുടിയുടെ നര മാറാനുളള പ്രധാനപ്പെട്ടൊരു വഴിയാണ്. ചീവയ്ക്ക പൊടിയ്ക്കുക. ഇത് തൈരില്‍ കലര്‍ത്തി മുടിയില്‍ പുരട്ടാം. ഇത് മുടിയ്ക്ക് സ്വാഭാവിക കണ്ടീഷണര്‍ ഗുണം നല്‍കുന്ന ഒന്നു കൂടിയാണ്. ഇതു പോലെ കറ്റാര്‍ വാഴ തൈരില്‍ കലക്കി മുടിയില്‍ പുരട്ടുന്നതും നല്ലതാണ്.

തൈരും കറിവേപ്പിലയും കലര്‍ത്തി മിശ്രിതമാണ് മുടി നര മറയ്ക്കാനുളള പ്രധാനപ്പെട്ടൊരു വഴി. കറിവേപ്പില പൊതുവേ നരച്ച മുടിയ്ക്കുള്ള പരിഹാരമാണ്. മുടി നരയ്ക്കാതിരിയ്ക്കാന്‍ ചെയ്യാവുന്ന വഴി കൂടിയാണിത്. നരച്ച മുടിയ്ക്കുള്ള, മുടി നരയ്ക്കാതിരിയ്ക്കാനുളള പാരമ്പര്യ വൈദ്യമാണ് കറിവേപ്പിലയിട്ടു കാച്ചിയ വെളിച്ചെണ്ണ. ഇതു പോലെ തന്നെ കറിവേപ്പിലയും തൈരും ചേര്‍ത്തരച്ച് മിശ്രിതമാക്കി മുടിയില്‍ പുരട്ടുന്നത് മുടി നരയ്ക്കുളള നല്ലൊന്നാന്തരം വീട്ടുവൈദ്യമാണ്.

ഇതു പോലെയാണ് നെല്ലിക്കയും. നെല്ലിക്ക മുടിയുടെ ആരോഗ്യത്തിനും വളര്‍ച്ചയ്ക്കുമുള്ള നല്ലൊരു വഴിയാണ്. നെല്ലിക്കയിലെ വൈറ്റമിന്‍ സി പോലുള്ളവ മുടിയുടെ വളര്‍ച്ചയ്ക്കും മുടി നരയ്ക്കാതിരിയ്ക്കാനും നരച്ച മുടി കറുപ്പിയ്ക്കാനുമുള്ള പ്രധാനപ്പെട്ട വഴിയാണ്. നെല്ലിക്ക അരച്ചത് തൈരില്‍ കലക്കി മുടിയില്‍ പുരട്ടുന്നത് മുടി നര മറയ്ക്കാനുള്ള പ്രധാനപ്പെട്ടൊരു വഴിയാണ്.

ഹെന്ന പൊതുവേ മുടി നര മറയ്ക്കാന്‍, നരച്ച മുടി കറുപ്പിയ്ക്കാന്‍ ഉപയോഗിയ്ക്കുന്ന വീട്ടുവൈദ്യമാണ്. മയിലാഞ്ചിപ്പൊടിയില്‍ തൈര് കലര്‍ത്തുക. ഇതില്‍ മുട്ട വെള്ളയും ചേര്‍ത്തിളക്കാം. ഇത് മുടിയില്‍ പുരട്ടുന്നത് മുടി നര അകറ്റാന്‍ നല്ലതാണ്. മുടി നരയ്ക്കുന്നത് തടയാനും മുടി നരയ്ക്കുന്നത് കറുപ്പിയ്ക്കാനും കരിഞ്ചീരകം നല്ല വഴിയാണ്. കരിഞ്ചീരകം പൊടിച്ചത് തൈരില്‍ കലര്‍ത്തി മുടിയില്‍ പുരട്ടാം. ഗുണം ലഭിയ്ക്കും.