നിങ്ങൾ പ്രകൃതിദത്ത സൗന്ദര്യ പരിഹാരങ്ങൾ തേടുകയാണെങ്കിൽ, മുടി സംരക്ഷണത്തിന് സാധാരണയായി ഉപയോഗിക്കുന്ന പ്രയോജനകരമായ ഘടകങ്ങളിൽ ഒന്നാണ് തൈര് എന്ന കാര്യം നിങ്ങൾക്ക് അറിയാമായിരിക്കുമല്ലോ. അതെ, ഈ പാലുൽപ്പന്നം തീൻ മേശയിലെ ഒരു പ്രിയപ്പെട്ട വിഭവം മാത്രമല്ല, നിങ്ങളുടെ മുടിക്ക് ഏറ്റവും ഗുണപ്രദമാണെന്നും തെളിയിക്കപ്പെട്ടിട്ടുള്ളതാണ്. മുടിയുടെ സംരക്ഷണത്തിനായുള്ള വിവിധ കൂട്ടുകൾ തയ്യാറാക്കുന്നതിൽ തൈര് ഒരു പ്രധാന ഘടകമാണ്. ഇത് മറ്റ് ചില പ്രകൃതിദത്ത ചേരുവകളുമായി ചേർക്കുമ്പോൾ രോമകൂപങ്ങൾക്ക് പോഷണവും കണ്ടീഷനിംഗും നൽകാൻ കഴിയും. അങ്ങനെ നിങ്ങൾക്ക് മിനുസമാർന്നതും, തിളക്കമുള്ളതുമായ മുടി ലഭിക്കും.
നിങ്ങളുടെ മുടി പരിപാലിക്കുന്നതിനായി പ്രകൃതിദത്ത പരിഹാരങ്ങളിലേക്ക് മാറാൻ നിങ്ങൾ ആഗ്രഹിക്കുന്നുവെങ്കിൽ, നിങ്ങൾ ഉപയോഗിക്കുന്ന രാസവസ്തുക്കൾ ചേർന്ന വാണിജ്യ ഉൽപ്പന്നങ്ങൾ മാറ്റിവച്ച് പ്രകൃതിദത്ത ചേരുവകൾ പരമാവധി പ്രയോജനപ്പെടുത്തുന്നതിന് നിങ്ങളുടെ അടുക്കളയിലേക്ക് പോകുക - തൈരിൽ നിന്ന് തന്നെ ഇത് ആരംഭിക്കുക. തൈര് കാൽസ്യത്തിന്റെ മികച്ച ഉറവിടം മാത്രമല്ല, ബി 5, ഡി തുടങ്ങിയ വിറ്റാമിനുകളും, സിങ്ക്, മഗ്നീഷ്യം, പൊട്ടാസ്യം തുടങ്ങിയ ധാതുക്കൾ, ഫാറ്റി ആസിഡുകൾ, പ്രോട്ടീനുകൾ എന്നിവയാലും സമ്പുഷ്ടമാണ്. ഇവ ഒരുമിച്ച് മുടി സംബന്ധമായ വിവിധ പ്രശ്നങ്ങൾ പരിഹരിക്കുന്നതിന് ഒന്നിലധികം വഴികളിൽ പ്രവർത്തിക്കുന്നു.
Also read: നര അകറ്റാൻ ഇതിലും മികച്ച വീട്ടുവൈദ്യങ്ങൾ വേറേയില്ല
1. മുടി കൊഴിച്ചിൽ തടയുവാൻ
തൈര് രോമകൂപങ്ങൾക്ക് ആഴത്തിലുള്ള പോഷണം നൽകുന്നു, ഇത് മുടിയെ ശക്തവും ആരോഗ്യകരവുമാക്കുന്നു. മുടികൊഴിച്ചിൽ ഗണ്യമായി തടയാൻ സഹായിക്കുന്ന ഉലുവ അരച്ചെടുത്തത്തിലേയ്ക്ക് തൈര് സംയോജിപ്പിക്കുക എന്നതാണ് പരീക്ഷിച്ച് വിജയിച്ച ഒരു കേശ സംരക്ഷണ കൂട്ട്. ഒരു ടേബിൾ സ്പൂൺ ഉലുവ രാത്രി മുഴുവൻ വെള്ളത്തിൽ ഇട്ട് വച്ച്, പിറ്റേദിവസം പേസ്റ്റ് ഉണ്ടാക്കുക. ഇതിലേക്ക് രണ്ട് ടേബിൾസ്പൂൺ തൈര് ചേർത്ത് തലയിൽ പുരട്ടുക. ഇത് 15 മിനിറ്റ് നേരം വയ്ക്കുക. തുടർന്ന് സാധാരണ ഷാംപൂ ഉപയോഗിച്ച് കഴുകി കളയുക. ആഴ്ചയിൽ ഒന്നോ രണ്ടോ തവണ ഇത് ചെയ്യാവുന്നതാണ്.
Also read: മുഖസൗന്ദര്യത്തിന് 20 നാടൻ വഴികൾ
2. താരൻ മൂലമുള്ള പ്രശ്നങ്ങൾ കുറയ്ക്കുന്നു
മുടിയിൽ താരൻ പ്രശ്നങ്ങൾ സാധാരണമാണ്, പക്ഷേ ഇത് ശല്യമായിത്തീർന്നാൽ, തൈര് പോലുള്ള പ്രകൃതിദത്ത പരിഹാരങ്ങൾ ഉപയോഗിച്ച് ഇത് കൈകാര്യം ചെയ്യാൻ കഴിയും. ഒരു ടേബിൾ സ്പൂൺ കടലപ്പൊടിയിൽ അര കപ്പ് തൈര് ചേർത്ത് തലയിൽ പുരട്ടുക. ഇത് 20 മിനിറ്റ് നേരം വയ്ക്കുക, തുടർന്ന് കഴുകി കളയുക. താരൻ പ്രശ്നങ്ങൾ തടയാൻ ഇത് പതിവായി ഉപയോഗിക്കുക.
തൈരിന് നിങ്ങളുടെ മുടിക്ക് ഉയർന്ന അളവിൽ പോഷണം നൽകാനുള്ള കഴിവുണ്ട്. പ്രത്യേകിച്ച് വരണ്ടതും തിളക്കം കുറഞ്ഞതുമായ മുടിക്ക്. പൂർണ്ണമായ കൊഴുപ്പ് നിറഞ്ഞ തൈര് നിർബന്ധമായും തിരഞ്ഞെടുക്കേണ്ട ഒന്നാണ്. മുടി ഷാംപൂ ചെയ്ത ശേഷം അര കപ്പ് തൈര് മുടിയിൽ പുരട്ടി കഴുകുക. മിനുസമാർന്ന മുടി നിങ്ങൾക്ക് ലഭിക്കുന്നതാണ്. അധിക നേട്ടത്തിനായി നിങ്ങൾക്ക് ഈ മിശ്രിതത്തിലേക്ക് തേൻ ചേർക്കാവുന്നതാണ്.
Also read: പുരികത്തിന് കട്ടിയില്ല എന്നതാണോ പ്രശ്നം? പരിഹരിക്കാൻ ഇതാ 20 മാർഗ്ഗങ്ങൾ
4. മുടിയുടെ കാന്തി വർദ്ധിപ്പിക്കുവാൻ സഹായിക്കുന്നു
തിളക്കമുള്ള മുടി വേണമെന്ന് ആഗ്രഹിക്കാത്തവരായി ആരുണ്ട്? മുട്ടയ്ക്കൊപ്പം തൈരും ചേർത്ത് പതിവായി ഹെയർ മാസ്കായി ഉപയോഗിക്കുകയാണെങ്കിൽ നിങ്ങളുടെ ഈ ആഗ്രഹം സാക്ഷാത്കരിക്കാനാകും. ഒരു കപ്പ് തൈരിൽ ഒരു മുട്ട പൊട്ടിച്ച് ഹെയർ മാസ്കായി ഉപയോഗിക്കുക. അധിക ഫലത്തിനായി നിങ്ങൾക്ക് ഇതിലേക്ക് ഒരു സ്പൂൺ മൈലാഞ്ചി പൊടി ചേർക്കാം.
5. തല ചൊറിച്ചിൽ തടയുന്നു
വരണ്ട മുടിയും തലയിൽ ചൊറിച്ചിൽ അനുഭവപ്പെടുന്നതും പലരുടെയും അടിസ്ഥാന കേശ സംബന്ധമായ പ്രശ്നങ്ങളാണ്. തല ചൊറിച്ചിൽ നിങ്ങൾക്ക് പ്രശ്നം ഉണ്ടാക്കുന്നുവെങ്കിൽ, ഒരു കപ്പ് തൈര് എടുത്ത് ഒരു നാരങ്ങ നീര് അല്ലെങ്കിൽ ഒരു ടേബിൾ സ്പൂൺ ആപ്പിൾ സിഡെർ വിനാഗിരി പോലുള്ള സസ്യ ആസിഡുകളുമായി കലർത്തുക. ഇത് തൽക്ഷണം തല ചൊറിച്ചിലിന് ആശ്വാസം നൽകുന്നതാണ്.
എളുപ്പവും ഫലപ്രദവുമായ ഈ ഒറ്റമൂലികൾ ഉപയോഗിക്കുക, തൈരിന്റെ പ്രയോജനങ്ങൾ പരമാവധി പ്രയോജനപ്പെടുത്തുക.