ഉലുവ മുടിയുടെ വളര്‍ച്ചയ്ക്കും
ഇതിനായി വേണ്ടത് ഉലുവയാണ്. ആരോഗ്യത്തിന്, ചര്‍മത്തിന്, മുടിയ്ക്ക് എല്ലാം മികച്ചതാണ് ഉലുവ. പ്രത്യേകിച്ചും സ്ത്രീകള്‍ക്ക്. ഈസ്ട്രജന്‍ ഉല്‍പാദനത്തിന് സഹായിക്കന്നതിനാല്‍ തന്നെ ഇത് സ്ത്രീകളുടെ പല ഹോര്‍മോണ്‍ പ്രശ്‌നങ്ങള്‍ക്കും പരിഹാരമാണ്. ഉലുവ പ്രത്യേക രീതിയില്‍ ഉപയോഗിയ്ക്കുന്നത് മുടി കൊഴിയുന്നതു തടയും. മുടി വളര്‍ച്ച ത്വരിതപ്പെടുത്തും. താരന്‍ പോലുള്ള പ്രശ്‌നങ്ങള്‍ക്കു നല്ല പരിഹാരമാണ്. മുടിയ്ക്കു തിളക്കവും മൃദുത്വവുമെല്ലാം നല്‍കും. തികച്ചും സ്വാഭാവിക ചേരുവകള്‍ ആയതിനാല്‍ തന്നെ യാതൊരു ദോഷവും മുടിയ്‌ക്കോ തലയ്‌ക്കോ വരുത്തുന്നുമില്ല. ഇത് ഉപയോഗിയ്ക്കാനും വളരെ എളുപ്പമാണ്.മുടിയുടെ വളര്‍ച്ചയ്ക്കും ആരോഗ്യത്തിനും ആവശ്യമായ ഏറെ പോഷകങ്ങള്‍ അടങ്ങിയ ഇത് മുടിയ്ക്കു തിളക്കം നല്‍കാനും നല്ലൊരു ഷാംപൂവിന്റെയും കണ്ടീഷണറുടേയും ഗുണം നല്‍കാനും നല്ലതാണ്. Late Sleep Effects:വൈകി കിടക്കും, 8 മണിക്കൂര്‍ ഉറക്കം,പക്ഷേ കാര്യമുണ്ടോയന്നാണ്...
ഇത് ഉപയോഗിയ്ക്കാന്‍
മുടിയ്ക്കായി ഇത് ഉപയോഗിയ്ക്കാന്‍ ഏറെ എളുപ്പമാണ്. ഉലുവാ വെള്ളം തലയില്‍ ഉപയോഗിയ്ക്കുന്നതാണ് ഇത്. ഇതിനായി രണ്ട് ടേബിള്‍ സ്പൂണ്‍ ഉലുവാ എടുക്കുക. ഇതിലേയ്ക്ക് നല്ല ശുദ്ധമായ ഒന്നോ രണ്ടോ ഗ്ലാസ് വെള്ളമൊഴിയ്ക്കാം. ഇത് 24 മണിക്കൂര്‍ ഇതേ രീതിയില്‍ വയ്ക്കണം. പിറ്റേന്ന് ഈ വെള്ളം ഊറ്റിയെടുത്ത് മുടിയില്‍ ഒഴിയ്ക്കാം. ശിരോചര്‍മം മുതല്‍ മുടിയുടെ അറ്റം വരെ ഒഴിയ്ക്കാം. ഇത് ഒരു മിനിറ്റ് നേരം തലയില്‍ വച്ചിരിയ്ക്കാം. പിന്നീട് സാധാരണ രീതിയില്‍ കുളിയ്ക്കാം. അല്ലെങ്കില്‍ തല തുവര്‍ത്താം.
ഇത്
ഇത് 21 ദിവസം അടുപ്പിച്ച് ചെയ്യേണ്ടതുണ്ട്. നല്ല ശുദ്ധമായ ഉലുവായും നല്ല ശുദ്ധമായ വെളളവും ഇതിനായി ഉപയോഗിയ്ക്കണം. ഉലുവാ നല്ലതു പോലെ ഇളക്കിയ ശേഷം ഈ വെള്ളം അടച്ചു വയ്ക്കണം. ഇൗ വെള്ളം അനക്കാതെ വയ്ക്കുക. ഇത് വേണം, പിറ്റേന്ന് ഉപയോഗിയ്ക്കാന്‍. സ്ത്രീകള്‍ക്കും പുരുഷന്മാര്‍ക്കും ഇത് ഉപയോഗിയ്ക്കാം. മുടി കൊഴിച്ചില്‍ നിര്‍ത്താനും പോയ മുടി തിരിച്ചു വരാനും ഇതേറെ നല്ലതാണ്.
മുടിയ്ക്ക്
മുടിയ്ക്ക് തിളക്കവും മിനുസവും നല്‍കാന്‍ ഇതേറെ നല്ലതാണ്. ആദ്യം ഉലുവാ വെള്ളം ഇതേ രീതിയില്‍ ഉപയോഗിയ്ക്കുമ്പോള്‍ ചിലര്‍ക്കെങ്കിലും മുടി കൊഴിച്ചിലുണ്ടായേക്കാം. ഇത് പ്രായം ചെന്ന മുടി പോകുന്നതാണ്. പകരം നല്ല മുടി മുളച്ചു വരും. തല തണുക്കാന്‍, ഇതിലൂടെ ശരീരം തണുക്കാന്‍ ഏറെ ഗുണകരമാണ് ഈ വെള്ളം. ശരീരം ചൂടാകുന്നത് പല രോഗങ്ങള്‍ക്കും വഴിയൊരുക്കുന്ന ഒന്നാണ്. ഇതു പോലെ മുടി കൊഴിയാനും മുടി നരയ്ക്കാനും ഇത് ഇട വരുത്തുകയും ചെയ്യുന്നു. ഇതിനെല്ലാമുള്ള നല്ലൊരു പരിഹാരമാണ് ഊ ഉലുവാ പ്രയോഗം.