ഹെന്ന തയ്യാറാക്കുമ്പോള്‍
പലരും ഹെന്നക്കൂട്ട് തയ്യാറാക്കുന്നത് പലതരം രീതിയിലാണ്. ചിലര്‍ ഹെന്നപൊടിയില്‍ നെല്ലിക്കയും കറിവേപ്പിലയും നാരങ്ങ നീരുംമെല്ലാം ചേര്‍ത്ത് തയ്യാറാക്കി എടുക്കുന്നത് കാണാം. എന്നാല്‍, ഈ ഹെന്ന തയ്യാറാക്ക എടുക്കാന്‍ അധികം ചേരുവകളുടെ ആവശ്യമൊന്നും ഇല്ല. ആദ്യം തന്നെ ഹെന്നപ്പൊടി ഒരു പാത്രത്തില്‍ ഇടണം. ഇതിലേയ്ക്ക് കുറച്ച് തൈരും അതുപോലെ കാപ്പിപ്പൊടി ചേര്‍ത്ത് തിളപ്പിച്ച കുറച്ച് വെള്ളവും ചേര്‍ത്ത് മിക്‌സ് ചെയ്യണം. ഒരു രണ്ട് മണിക്കൂര്‍ ഇത് ഇരുമ്പു ചട്ടിയില്‍ മാറ്റി വെക്കാവുന്നതാണ്. ഇരുമ്പിന്റെ ചട്ടി അല്ലെങ്കില്‍ പാത്രം നിങ്ങളുടെ വീട്ടില്‍ ഇല്ലെങ്കില്‍ അയേണ്‍ ഗുളിക ചേര്‍ത്താലും മതി. ഇവ മിക്‌സ് ചെയ്ത് മുടിയില്‍ നന്നായി തേച്ച് പിടിപ്പിക്കണം.
മുടിയില്‍ നന്നായി തേച്ച് പിടിപ്പിച്ചതിന് ശേഷം ഒരു ഒരു മണിക്കൂര്‍ കഴിഞ്ഞ് നിങ്ങള്‍ക്ക് ഇത് കഴുകി കളയാവുന്നതാണ്. ഇതില്‍ ഒരു കാര്യം പ്രത്യേകം ശ്രദ്ധിക്കേണ്ടത് ഷാംപൂ ഉപയോഗിക്കരുത്. ഷാംപൂ ഉപയോഗിക്കാതെ തന്നെ മുടി നല്ലപോലെ കഴുകി വൃത്തിയാക്കി എടുക്കേണ്ടതാണ്.
മുടി തഴച്ച് വളരാന്‍ ശ്രദ്ധിക്കേണ്ടത്
രണ്ടാമത്തെ സ്റ്റെപ്പ്
ഇത്തരത്തില്‍ ഹെന്ന ഉപയോഗിച്ച് തലകഴുകി എടുത്ത് ഉണക്കി എടുക്കണം. മുടി നന്നായി ഉണങ്ങിയതിന് ശേഷം കുറച്ച് നീലയമരിപ്പൊടി എടുത്ത് ചെറു ചൂടുവെള്ളത്തില്‍ മിക്‌സ് ചെയ്ത് വെക്കണം. ഇത് മുടിയ്ക്ക് നരയുള്ള ഭാഗത്ത് ഒരു ടൂത്ത് ബ്രഷ് ഉപയോഗിച്ച് തേച്ച് പിടിപ്പിച്ച് എടുക്കാവുന്നതാണ്. ഇത് രണ്ട് മണിക്കൂര്‍ കഴിഞ്ഞ് കഴുകി എടുത്താല്‍ ഹെന്ന ഉപയോഗിച്ച് ചെമ്പിച്ച നരച്ച മുടിയെല്ലാം തന്നെ കറുകറുപ്പായി ഇരിക്കുന്നത് കാണാം.
ശ്രദ്ധിക്കേണ്ട കാര്യങ്ങള്‍
ഹെന്നപ്പൊടി എടുക്കുമ്പോള്‍ കെമിക്കല്‍സ് ഇല്ലാത്തത് തന്നെ എടുക്കാന്‍ ശ്രദ്ധിക്കേണ്ടതാണ്. കെമിക്കല്‍സ് അടങ്ങിയ ഹെന്നപ്പൊടി ഇന്ന് വിപണിയില്‍ നിരവധി ലഭ്യമാണ്. അതിനാല്‍ ഇക്കാര്യങ്ങള്‍ ശ്രദ്ധിക്കുക. അതുപോലെ, നിങ്ങളുടെ വീട്ടില്‍ മൈലാഞ്ചി ഇല ഉണ്ടെങ്കില്‍ അത് അരച്ച് എടുക്കുന്നതോ, അല്ലെങ്കില്‍ അത് ഉണക്കിപൊടിച്ച് ഉപയോഗിക്കുന്നതോ വളരെ നല്ലതാണ്.
അതുപോലെ തന്നെയാണ് നീലയമരിയും. ഇന്‍ഡിഗോ പൗഡര്‍ എന്ന പേരില്‍ നമ്മള്‍ക്ക് വിപണിയില്‍ നിന്നും ഇവ വാങ്ങിക്കാന്‍ സാധിക്കുന്നതാണ്. ഇവ എല്ലായ്‌പ്പോഴും ശുദ്ധമായത് തന്നെ ഉപയോഗിക്കാന്‍ ശ്രദ്ധിക്കണം. മുടിയ്ക്ക് നല്ല കറുപ്പ് നല്‍കുന്നത് ഈ ഇലകളാണ്. അതുപോലെ തന്നെ ഇത്തരം ഹെയര്‍പാക്കുകള്‍ ഉപയോഗിച്ച് കഴിഞ്ഞാല്‍ ഇവ നന്നായി തലയില്‍ നിന്നും നീക്കം ചെയ്യാനും നിങ്ങള്‍ മറക്കരുത്. ഇല്ലെങ്കില്‍ തലയോട്ടിയില്‍ ഇവ പറ്റിപിടിച്ച് ഇരുന്നാല്‍ ഇത് പലതരത്തിലുള്ള ചര്‍മ്മ പ്രശ്‌നങ്ങളിലേയ്ക്ക് നയിക്കാം. അതുപോലെ തന്നെ ഇവ കഴുകി വെടുപ്പാക്കി എടുക്കാന്‍ എല്ലായ്‌പ്പോഴും കെമിക്കല്‍ ഫ്രീ ആയിട്ടുള്ള ഷാംപൂ ഉപയോഗിക്കുന്നതാണ് നല്ലത്. നല്ല ഫലം ലഭിക്കാന്‍ ആഴ്ച്ചയില്‍ ഒരിക്കല്‍ വതം, അല്ലെങ്കില്‍ രണ്ടാഴ്ച്ച കൂടുമ്പോള്‍ നിങ്ങള്‍ക്ക് ഉപയോഗിക്കാം. ഇത് മുടിയ്ക്ക് നല്ല കറുപ്പ് നിറം നിലനിര്‍ത്താന്‍ സഹായിക്കുന്നതാണ്.
ഗുണങ്ങള്‍
നരച്ചമുടിയുള്ളവര്‍ ഈ ഹെന്ന നീലയമരിക്കൂട്ട് ഇത്തരത്തില്‍ ഉപയോഗിക്കുമ്പോള്‍ മുടിയ്ക്ക് നല്ല കറുപ്പ് നിറം ലഭിക്കുന്നു. അതുപോലെ, നമ്മള്‍ പുറത്ത് നിന്നും വാങ്ങുന്ന ഹെയര്‍ ഡൈയില്‍ അമോണിയ പോലെയുള്ള ദോഷകരമായ കെമിക്കല്‍സ് അടങ്ങിയിട്ടുണ്ട്. ഇത് കാന്‍സറിന് വരെ കാരണമാകാം എന്നാണ് പഠനങ്ങള്‍ പറയുന്നത്. എന്നാല്‍, നാച്വറലായി തന്നെ മുടി കറുപ്പിച്ചാല്‍ ആരോഗ്യ പ്രശ്‌നങ്ങളില്‍ നിന്നും നിങ്ങള്‍ക്ക് അകന്ന് നില്‍ക്കാവുന്നതാണ്.
മുടിയുടെ ആരോഗ്യത്തിന്
മുടിയ്ക്ക് നല്ല ആരോഗ്യം വേണമെങ്കില്‍ നല്ല ആരോഗ്യശീലങ്ങളും നമ്മള്‍ക്ക് ആവശ്യമാണ്. നല്ല ഹെല്‍ത്തി ഫുഡ്കഴിക്കാന്‍ ശ്രദ്ധിക്കണം. അതുപോലെ തന്നെ ഷാംപൂ അമിതമായി ഉപയോഗിക്കുന്നത് കുറയ്ക്കാം. ആഴ്ച്ചയില്‍ ഒരിക്കല്‍ മാത്രം ഷാംപൂ വാഷ് ചെയ്യാവുന്നതാണ്. അതുപോലെ തന്നെ തലയില്‍ നിന്നും താരന്‍ നീക്കം ചെയ്യണം. അമിതമായി വെയില്‍ കൊള്ളുന്നതും മുടിയുടെ നിറം മങ്ങാന്‍ കാരണമാണ്. അതിനാല്‍, കൃത്യമായ പരിചരണം മുടിയ്ക്ക് നല്‍കേണ്ടത് അനിവാര്യമാണ്.